---
title: "കത്തിയെടുത്ത് മേഴ്‌സി, കുത്തിയത് ചെറുമകൻ; മുത്തശ്ശിയെ കഴുത്തറുത്ത് കൊന്നത് ലഹരിക്ക് പണം നൽകാത്തതിനാലെന്ന് പ്രതിയുടെ മൊഴി "
english_title: "Thiruvananthapuram Grandmother Murder Drug Money Grandson Arrested Remanded"
publisher: "truevisionnews.com"
canonical_url: "https://truevisionnews.com/news/382977/thiruvananthapuram-grandmother-murder-drug-addict-grandson-remanded"
published_at: "2026-09-16T19:21:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aaaa142b64e6_thiruvananthapuram-grandmother-murder-drug-addict-grandson-remanded.jpg"
keywords: ["Thiruvananthapuram Murder Case", "Chirayinkeezhu Police", "Mercy Murder Case"]
---

# കത്തിയെടുത്ത് മേഴ്‌സി, കുത്തിയത് ചെറുമകൻ; മുത്തശ്ശിയെ കഴുത്തറുത്ത് കൊന്നത് ലഹരിക്ക് പണം നൽകാത്തതിനാലെന്ന് പ്രതിയുടെ മൊഴി 

> **Lead Summary:** **തിരുവനന്തപുരം: ** തിരുവനന്തപുരം ചാന്നാങ്കരയിൽ വയോധികയായ മുത്തശ്ശിയെ കഴുത്തറുത്ത് കൊലപ്പെടുത്തിയത് ലഹരിമരുന്ന് വാങ്ങാൻ പണം നൽകാത്തതിനെ തുടർന്നാണെന്ന് അറസ്റ്റിലായ ചെറുമകൻ.

## Article Content

**തിരുവനന്തപുരം: ** തിരുവനന്തപുരം ചാന്നാങ്കരയിൽ വയോധികയായ മുത്തശ്ശിയെ കഴുത്തറുത്ത് കൊലപ്പെടുത്തിയത് ലഹരിമരുന്ന് വാങ്ങാൻ പണം നൽകാത്തതിനെ തുടർന്നാണെന്ന് അറസ്റ്റിലായ ചെറുമകൻ.

സംഭവത്തിൽ മകൾ മകനായ ഷിബിൻ (പ്രതി) പൊലീസിന് നൽകിയ മൊഴിയിലാണ് കൊലപാതകത്തിന് പിന്നിലെ ക്രൂരമായ വിവരങ്ങൾ വ്യക്തമാക്കിയത്. കൊല്ലപ്പെട്ട മേഴ്‌സി (68) ലഹരിക്ക് പണം നൽകാൻ വിസമ്മതിച്ചതിനെ തുടർന്നുണ്ടായ തർക്കമാണ് കൊലപാതകത്തിൽ കലാശിച്ചത്.

മദ്യത്തിനും മറ്റ് വിവിധ ലഹരി വസ്തുക്കൾക്കും അടിമയായ ഷിബിൻ വീട്ടിൽ നിരന്തരം വഴക്കുണ്ടാക്കാറുണ്ടായിരുന്നുവെന്ന് പോലീസ് പറഞ്ഞു. സംഭവദിവസം രാവിലെയുണ്ടായ തർക്കത്തിനിടെ ഷിബിൻ മേഴ്‌സിയെ ക്രൂരമായി മർദിച്ചു. മർദ്ദനത്തിൽ നിന്ന് രക്ഷപ്പെടാനുള്ള ശ്രമത്തിനിടെ മേഴ്‌സി കത്തിയെടുത്തെങ്കിലും ഷിബിൻ അത് ബലമായി പിടിച്ചെടുത്ത് മേഴ്‌സിയുടെ കഴുത്തിൽ വെട്ടുകയായിരുന്നു. വെട്ടേറ്റ് ഗുരുതരമായി പരിക്കേറ്റ മേഴ്‌സി വീട്ടിനകത്ത് കുഴഞ്ഞുവീണു.

വിവരമറിഞ്ഞ് സ്ഥലത്തെത്തിയ പോലീസ് ഉടൻതന്നെ മേഴ്‌സിയെ ചിറയിൻകീഴ് താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൃത്യത്തിന് പിന്നാലെ പോലീസ് കസ്റ്റഡിയിലെടുത്ത പ്രതി ഷിബിനെ കോടതിയിൽ ഹാജരാക്കി റിമാൻഡ് ചെയ്തു. സംഭവത്തിൽ കൂടുതൽ അന്വേഷണത്തിനും തെളിവെടുപ്പുകൾക്കുമായി പ്രതിയെ പോലീസ് കസ്റ്റഡിയിൽ വാങ്ങുമെന്ന് ചിറയിൻകീഴ് സർക്കിൾ ഇൻസ്പെക്ടർ അറിയിച്ചു.

**English Summary:**

In a tragic incident at Channankara, Thiruvananthapuram, a drug-addicted youth named Shibin confessed to murdering his grandmother, Mercy, after she refused to give him money for drugs. During an argument, Shibin assaulted Mercy, grabbed a knife she used in self-defense, and slashed her throat. Though police rushed her to the Chirayinkeezhu hospital, she succumbed to her injuries. The accused has been arrested and remanded into judicial custody, with police planning to seek his custody for further investigation.

### Related Links & Sources
- [Original Story Source](https://truevisionnews.com/news/382977/thiruvananthapuram-grandmother-murder-drug-addict-grandson-remanded)