---
title: "മരിച്ചവരുടെ പേരിൽ കോടികളുടെ ലഹരിമരുന്ന് കച്ചവടം; പന്തീരാങ്കാവ് എംഡിഎംഎ കേസിൽ ഇടപാടുകൾ നടത്തിയത് 'മ്യൂൾ അക്കൗണ്ടുകൾ' വഴി"
english_title: "Pantheerankavu MDMA Seizure Mule Accounts Used For 10 Crore Transactions"
publisher: "truevisionnews.com"
canonical_url: "https://truevisionnews.com/news/382650/pantheerankavu-mdma-seizure-mule-accounts-used-for-drug-transactions"
published_at: "2026-09-15T06:11:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aa894a6058e1_pantheerankavu-mdma-seizure-mule-accounts-used-for-drug-transactions.jpg"
keywords: ["Kozhikode MDMA Case", "Pantheerankavu MDMA", "MDMA Case"]
---

# മരിച്ചവരുടെ പേരിൽ കോടികളുടെ ലഹരിമരുന്ന് കച്ചവടം; പന്തീരാങ്കാവ് എംഡിഎംഎ കേസിൽ ഇടപാടുകൾ നടത്തിയത് 'മ്യൂൾ അക്കൗണ്ടുകൾ' വഴി

> **Lead Summary:** **കോഴിക്കോട്: **പന്തീരാങ്കാവിൽ 10 കോടിയിലധികം വിലവരുന്ന 1.013 കിലോഗ്രാം എം.ഡി.എം.എയുമായി പിടിയിലായ ലഹരിസംഘം പണമിടപാടുകൾക്കായി ഉപയോഗിച്ചത് 'മ്യൂൾ അക്കൗണ്ടുകൾ' ആണെന്ന് പോലീസ് അന്വേഷണ സംഘം കണ്ടെത്തി. മരിച്ചുപോയവരുടെയോ അല്ലെങ്കിൽ ഉപയോഗിക്കാതെ കിടക്കുന്നതോ ആയ ബാങ്ക് അക്കൗണ്ടുകൾ സാമ്പത്തിക പ്രതിഫലം നൽകി മറ്റൊരാൾക്ക് ഉപയോഗിക്കാൻ നൽകുന്ന രീതിയാണിത്.

## Article Content

**കോഴിക്കോട്: **പന്തീരാങ്കാവിൽ 10 കോടിയിലധികം വിലവരുന്ന 1.013 കിലോഗ്രാം എം.ഡി.എം.എയുമായി പിടിയിലായ ലഹരിസംഘം പണമിടപാടുകൾക്കായി ഉപയോഗിച്ചത് 'മ്യൂൾ അക്കൗണ്ടുകൾ' ആണെന്ന് പോലീസ് അന്വേഷണ സംഘം കണ്ടെത്തി. മരിച്ചുപോയവരുടെയോ അല്ലെങ്കിൽ ഉപയോഗിക്കാതെ കിടക്കുന്നതോ ആയ ബാങ്ക് അക്കൗണ്ടുകൾ സാമ്പത്തിക പ്രതിഫലം നൽകി മറ്റൊരാൾക്ക് ഉപയോഗിക്കാൻ നൽകുന്ന രീതിയാണിത്.

കേസിലെ പ്രതികൾ മ്യൂൾ അക്കൗണ്ടുകൾ ഉപയോഗിച്ച് കഴിഞ്ഞ ആറു മാസത്തിനിടെ പത്തു കോടിയോളം രൂപയുടെ ലഹരി ഇടപാടുകൾ നടത്തിയെന്നാണ് അന്വേഷണ സംഘത്തിന്റെ പ്രാഥമിക നിഗമനം. സംഭവവുമായി ബന്ധപ്പെട്ട് നിലമ്പൂർ സ്വദേശി സി. അജ്മൽ, തിരുവനന്തപുരം മലയിൻകീഴ് സ്വദേശി പി. സൂര്യ എന്നിവരെ കഴിഞ്ഞ ദിവസം നോയിഡയിലെ ഫ്ലാറ്റിൽ നിന്ന് പോലീസ് അറസ്റ്റ് ചെയ്തിരുന്നു.

നൈജീരിയൻ സ്വദേശികളായ ചിലരിൽ നിന്നാണ് തങ്ങൾക്ക് ലഹരിമരുന്ന് ലഭിച്ചതെന്ന് അറസ്റ്റിലായ പ്രതികൾ പോലീസിന് മൊഴി നൽകിയിട്ടുണ്ട്. കേസിൽ അറസ്റ്റിലായ അജ്മലിനെയും സൂര്യയെയും വടകര പ്രത്യേക കോടതി റിമാൻഡ് ചെയ്തു. സംഭവത്തിൽ ഉൾപ്പെട്ട കൂടുതൽ ആളുകളിലേക്കും സാമ്പത്തിക സ്രോതസ്സുകളിലേക്കും പോലീസ് അന്വേഷണം വ്യാപിപ്പിച്ചിട്ടുണ്ട്.

**English Summary:**

Police revealed that the drug syndicate arrested in Pantheerankavu with 1.013 kg of MDMA worth over Rs 10 crore used 'mule accounts' for money transactions. These inactive or deceased individuals' bank accounts were acquired by paying commission. The investigation team found that transactions worth nearly Rs 10 crore were conducted through these accounts over six months. The accused, C. Ajmal and P. Surya, were arrested from a Noida flat and remanded by Vadakara Special Court.

### Related Links & Sources
- [Original Story Source](https://truevisionnews.com/news/382650/pantheerankavu-mdma-seizure-mule-accounts-used-for-drug-transactions)