---
title: "വടകര എംഡിഎംഎ കേസ്; അധ്യാപക നിയമനത്തിന് പുതിയ നിബന്ധന; താത്കാലികക്കാർക്കും പൊലീസ് ക്ളിയറൻസ് സർട്ടിഫിക്കറ്റ് വേണം"
english_title: " Police Clearance Certificate Mandatory For Temporary Appointments In Government Schools Kerala"
publisher: "truevisionnews.com"
canonical_url: "https://truevisionnews.com/news/382338/police-clearance-mandatory-temporary-appointments-government-schools-kerala"
published_at: "2026-09-12T16:57:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aa53841ce970_police-clearance-mandatory-temporary-appointments-government-schools-kerala.jpg"
keywords: ["Kerala Education News", "Government Schools", "Police Clearance Certificate", "Temporary Teachers"]
---

# വടകര എംഡിഎംഎ കേസ്; അധ്യാപക നിയമനത്തിന് പുതിയ നിബന്ധന; താത്കാലികക്കാർക്കും പൊലീസ് ക്ളിയറൻസ് സർട്ടിഫിക്കറ്റ് വേണം

> **Lead Summary:** തിരുവനന്തപുരം: സർക്കാർ സ്‌കൂളുകളിൽ എല്ലാ താത്‌കാലിക നിയമനങ്ങൾക്കും പൊലീസ് ക്ളിയറൻസ് സർട്ടിഫിക്കറ്റ് നിർബന്ധമാക്കി. അദ്ധ്യാപക നിയമനത്തിനും ഇത് ബാധകമാണ്.

## Article Content

തിരുവനന്തപുരം: സർക്കാർ സ്‌കൂളുകളിൽ എല്ലാ താത്‌കാലിക നിയമനങ്ങൾക്കും പൊലീസ് ക്ളിയറൻസ് സർട്ടിഫിക്കറ്റ് നിർബന്ധമാക്കി. അദ്ധ്യാപക നിയമനത്തിനും ഇത് ബാധകമാണ്.

നിർദേശം നേരത്തെതന്നെ നൽകിയിരുന്നെങ്കിലും താത്‌കാലിക നിയമനങ്ങളിൽ പ്രാവർത്തികമാക്കിയിരുന്നില്ല. നിർദേശം കർശനമായി പാലിക്കണമെന്നാണ് ഇപ്പോൾ വ്യക്തമാക്കിയിരിക്കുന്നത്.

വടകരയിൽ അദ്ധ്യാപകർ എംഡിഎംഎ കേസിൽ ഉൾപ്പെട്ട പശ്ചാത്തലത്തിലാണ് പുതിയ നിർദേശം. താത്‌കാലിക അദ്ധ്യാപകരെ നിയമിക്കുന്നതിലേക്കായി സ്‌‌കൂളുകൾ പ്രസിദ്ധീകരിക്കുന്ന പരസ്യങ്ങളിലും 'പൊലീസ് ക്ളിയറൻസ് സർട്ടിഫിക്കറ്റ് നിർബന്ധം' എന്ന് പ്രത്യേകം നൽകണമെന്ന് നിർദേശമുണ്ട്.

കൂടാതെ ഇനിമുതൽ വിദ്യാഭ്യാസ വകുപ്പിലെ ഓഫീസുകളിലും സ്‌കൂളുകളിലും ബാങ്ക് ഇടപാടുകൾ നടത്താൻ സ്ഥിരം ജീവനക്കാരെ മാത്രമേ ചുമതലപ്പെടുത്താൻ പാടുള്ളൂ. ഇതിനായി ഉത്തരവാദിത്തപ്പെട്ട ഒരാളുണ്ടാകണമെന്നും നിർദേശമുണ്ട്.

ബാങ്ക് അക്കൗണ്ടുകൾ എല്ലാമാസത്തെയും അവസാന പ്രവൃത്തി ദിവസം പരിശോധിക്കണം. കൃത്യത ഉറപ്പുവരുത്തിയതിനുശേഷം പൊലീസ് മേധാവി സാക്ഷ്യപ്പെടുത്തണം. സ്ഥാപന മേധാവിയുടെ ഔദ്യോഗിക ഫോൺ നമ്പർ ബാങ്ക് അക്കൗണ്ടുമായി ബന്ധിപ്പിക്കണമെന്നും നിർദേശിക്കുന്നു.

**English Summary:**

Thiruvananthapuram: Police Clearance Certificate made mandatory for all temporary appointments in government schools, including teachers, education department said. Though earlier instructed, it was not implemented for temporary posts. Strict compliance now directed in wake of teachers in Vadakara allegedly involved in MDMA case. Schools must mention mandatory clearance in advertisements for temporary teachers. Also, only permanent staff to handle bank transactions in education offices and schools, monthly verification of accounts, and linking head's official phone number to bank account mandated.

### Related Links & Sources
- [Original Story Source](https://truevisionnews.com/news/382338/police-clearance-mandatory-temporary-appointments-government-schools-kerala)