---
title: "കടുത്ത ചൂടിന് പിന്നാലെ മഴയെത്തുന്നു; മൂന്ന് ദിവസത്തേക്ക് ശക്തമായ ജാഗ്രതാ മുന്നറിയിപ്പ്"
english_title: "Kerala Rain Alert Yellow Alert Palakkad Pathanamthitta Idukki Three Days"
publisher: "truevisionnews.com"
canonical_url: "https://truevisionnews.com/news/382318/kerala-rain-alert-yellow-alert-palakkad-pathanamthitta-idukki-new"
published_at: "2026-09-12T14:26:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aa514458dc08_kerala-rain-alert-yellow-alert-palakkad-pathanamthitta-idukki-.jpg"
keywords: ["Kerala Rain Alert", "Yellow Alert", "Weather Update Kerala"]
---

# കടുത്ത ചൂടിന് പിന്നാലെ മഴയെത്തുന്നു; മൂന്ന് ദിവസത്തേക്ക് ശക്തമായ ജാഗ്രതാ മുന്നറിയിപ്പ്

> **Lead Summary:** **കൊച്ചി: **സംസ്ഥാനത്ത് വീണ്ടും ശക്തമായ മഴയ്ക്ക് സാധ്യതയുള്ളതായി മുന്നറിയിപ്പ് നൽകിയിട്ടുണ്ട്. തിങ്കളാഴ്ച മുതൽ അടുത്ത മൂന്നു ദിവസത്തേക്ക് വിവിധ ജില്ലകളിൽ മഴ മുന്നറിയിപ്പ് ബാധകമായിരിക്കും.

## Article Content

**കൊച്ചി: **സംസ്ഥാനത്ത് വീണ്ടും ശക്തമായ മഴയ്ക്ക് സാധ്യതയുള്ളതായി മുന്നറിയിപ്പ് നൽകിയിട്ടുണ്ട്. തിങ്കളാഴ്ച മുതൽ അടുത്ത മൂന്നു ദിവസത്തേക്ക് വിവിധ ജില്ലകളിൽ മഴ മുന്നറിയിപ്പ് ബാധകമായിരിക്കും.

 പുതിയ മുന്നറിയിപ്പ് പ്രകാരം സെപ്തംബർ 14ന് പത്തനംതിട്ട, ഇടുക്കി, പാലക്കാട് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. സെപ്തംബർ 15ന് മലപ്പുറം, കോഴിക്കോട്, വയനാട് ജില്ലകളിലും യെല്ലോ അലേർട്ടാണ്.

16ന് മഴ കൂടുതൽ ജില്ലകളിലേക്ക് വ്യാപിക്കുമെന്നാണ് പ്രവചനം. ഇടുക്കി, കോഴിക്കോട്, വയനാട്, കണ്ണൂർ ജില്ലകളിലാണ് അന്ന് യെല്ലോ അലേർട്ട്. ഒറ്റപ്പെട്ട ശക്തമായ മഴയാണ് ഈ ജില്ലകളിൽ പ്രതീക്ഷിക്കുന്നത്.

നിലവിൽ മറ്റ് ജില്ലകളിൽ പ്രത്യേക മഴ മുന്നറിയിപ്പുകളൊന്നും നൽകിയിട്ടില്ല. ശക്തമായ മഴയ്ക്ക് സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കേണ്ടതാണ്. കേരളത്തിൽ നിലനിൽക്കുന്ന ഉയർന്ന ചൂടും അന്തരീക്ഷത്തിലെ ഈർപ്പവും കാരണം പലയിടത്തും ഉഷ്‌ണതരംഗ സമാനമായ സാഹചര്യങ്ങളും അത്യുഷ്ണവും അനുഭവപ്പെടുന്നുണ്ട്.

ചൂട് വർധിച്ചുവരുന്ന ഈ സാഹചര്യത്തിൽ പൊതുജനങ്ങൾ സൂര്യാഘാതം ഏൽക്കാതിരിക്കാൻ ഉച്ചസമയത്ത് പുറത്തിറങ്ങുമ്പോൾ ആവശ്യമായ മുൻകരുതലുകൾ സ്വീകരിക്കേണ്ടതാണ്. ധാരാളം വെള്ളം കുടിക്കാനും ആരോഗ്യം ശ്രദ്ധിക്കാനും ആരോഗ്യവകുപ്പും മുന്നറിയിപ്പ് നൽകിയിട്ടുണ്ട്.

ശക്തമായ മഴയ്ക്കുള്ള സാധ്യതയുള്ളതിനാലും കാലാവസ്ഥയിലെ പെട്ടെന്നുള്ള മാറ്റങ്ങൾ ഉള്ളതിനാലും പൊതുജനങ്ങൾ അതീവ ജാഗ്രത പാലിക്കേണ്ടതാണ്. മലയോര മേഖലകളിൽ യാത്രാവിലക്കുകൾ ഉൾപ്പെടെയുള്ള മുൻകരുതലുകൾ പാലിക്കാൻ ബന്ധപ്പെട്ട അധികൃതർ നിർദ്ദേശം നൽകിയിട്ടുണ്ട്.

English Summary: Rain alert again in the state. Heavy rain warning for three days from Monday. Yellow alert declared in Palakkad, Pathanamthitta, Idukki districts the day after tomorrow.

### Related Links & Sources
- [Original Story Source](https://truevisionnews.com/news/382318/kerala-rain-alert-yellow-alert-palakkad-pathanamthitta-idukki-new)