---
title: "സുഹൃത്തിനെ കാണാനെത്തിയ 29കാരൻ റോഡിൽ മരിച്ച നിലയിൽ; മൃതദേഹത്തിന് സമീപത്തായി റബ്ബർ തടിക്കഷണം, ദുരൂഹത"
english_title: "Young Man Found Dead On Road In Thiruvananthapuram Aryanad Suspicious Death Police Investigation"
publisher: "truevisionnews.com"
canonical_url: "https://truevisionnews.com/news/382043/thiruvananthapuram-aryanad-youth-found-dead-road-suspicious-police-investigation"
published_at: "2026-09-10T21:26:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6aa2d37aa6d1e_thiruvananthapuram-aryanad-youth-found-dead-road-suspicious-police-investigation.jpg"
keywords: ["Aryanad Youth Death", "Suspicious Death", "Thiruvananthapuram Crime News", "Crime News"]
---

# സുഹൃത്തിനെ കാണാനെത്തിയ 29കാരൻ റോഡിൽ മരിച്ച നിലയിൽ; മൃതദേഹത്തിന് സമീപത്തായി റബ്ബർ തടിക്കഷണം, ദുരൂഹത

> **Lead Summary:** തിരുവനന്തപുരം: യുവാവിനെ റോഡിൽ മരിച്ച നിലയിൽ കണ്ടെത്തി. കുളപ്പട കാവുവിള മൊണ്ടിയോട് രാഹുൽ ഭവനിൽ രാഹുൽ ആണ് മരിച്ചത്. പെയിന്റിങ് തൊഴിലാളിയായിരുന്നു. ആര്യനാട് കുളപ്പട വാലൂക്കോണം കോലിക്കോട് ഭാഗത്ത് റോഡിലാണ് രാഹുലിനെ മരിച്ച നിലയിൽ കണ്ടെത്തിയത്.

## Article Content

തിരുവനന്തപുരം: യുവാവിനെ റോഡിൽ മരിച്ച നിലയിൽ കണ്ടെത്തി. കുളപ്പട കാവുവിള മൊണ്ടിയോട് രാഹുൽ ഭവനിൽ രാഹുൽ ആണ് മരിച്ചത്. പെയിന്റിങ് തൊഴിലാളിയായിരുന്നു. ആര്യനാട് കുളപ്പട വാലൂക്കോണം കോലിക്കോട് ഭാഗത്ത് റോഡിലാണ് രാഹുലിനെ മരിച്ച നിലയിൽ കണ്ടെത്തിയത്.

പോലീസ് നടത്തിയ പ്രാഥമിക പരിശോധനയിൽ രാഹുലിന്റെ തലയ്ക്ക് പരിക്കേറ്റതായി കണ്ടെത്തി. മൃതദേഹത്തിന് സമീപത്തായി റബ്ബർ തടിക്കഷണം ഉണ്ട്. ഇതോടെ മരണത്തിൽ ദുരൂഹത ഉയർന്നിട്ടുണ്ട്.

ഒരു സുഹൃത്തിനെ കാണുന്നതിനായാണ് രാഹുൽ സംഭവസ്ഥലത്ത് എത്തിയതെന്നാണ് പോലീസിന് ലഭിച്ച വിവരം. ഇയാളെ കണ്ടെത്തുന്നതിനായി പോലീസ് അന്വേഷണം ആരംഭിച്ചിട്ടുണ്ട്. രാഹുൽ ഈ പ്രദേശത്ത് സ്ഥിരമായി എത്താറുണ്ടായിരുന്നുവെന്നും പോലീസ് പറഞ്ഞു.

ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റുമോർട്ടത്തിനായി മാറ്റുമെന്ന് പോലീസ് അറിയിച്ചു. പോസ്റ്റുമോർട്ടം റിപ്പോർട്ട് ലഭിച്ചശേഷം മാത്രമേ മരണത്തിന്റെ യഥാർഥ കാരണം ഉൾപ്പെടെയുള്ള കൂടുതൽ വിവരങ്ങൾ വ്യക്തമാകൂവെന്നും പോലീസ് പറഞ്ഞു.

രാഹുലിന്റെ മരണത്തിലേക്ക് നയിച്ച സാഹചര്യങ്ങൾ സംബന്ധിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്. സംഭവസ്ഥലത്തെ തെളിവുകളും രാഹുലിന്റെ പരിചയക്കാരെയും കേന്ദ്രീകരിച്ചാണ് അന്വേഷണം പുരോഗമിക്കുന്നത്.

**English Summary:**

Thiruvananthapuram: A young man was found dead on roadside at Aryanaad Kulappada. Deceased identified as Rahul (29), resident of Kulappada Kavuvila Montiyodu Rahul Bhavan, a painting worker. Body found at Valookkonam Kolikkode area in Kulappada. Police primary examination found head injury and a piece of rubber wood near body, raising suspicion. Police informed Rahul came to meet a friend and investigation to trace that person is on. Inquest completed and body to be shifted for postmortem; actual cause of death to be clear after report.

### Related Links & Sources
- [Original Story Source](https://truevisionnews.com/news/382043/thiruvananthapuram-aryanad-youth-found-dead-road-suspicious-police-investigation)