---
title: "  മകന്റെ ലഹരി ഭ്രാന്ത് ഒടുവിൽ ജീവനെടുത്തു....; പെറ്റമ്മയും അച്ഛനും ബന്ധുവീട്ടിൽ അഭയം തേടി; ഒടുവിൽ വീട്ടിലേക്ക് തിരിച്ചെത്തിയപ്പോൾ സംഭവിച്ചത് വൻ ദുരന്തം!"
english_title: "Munnar Father Kills Drug Addict Son Justin Joy Assault Parents Harassment Case"
publisher: "truevisionnews.com"
canonical_url: "https://truevisionnews.com/news/381913/munnar-father-kills-son-justin-joy-drug-addiction-harassment-mankulam"
published_at: "2026-09-10T09:17:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6aa2286dd7efb_munnar-father-kills-son-justin-joy-drug-addiction-harassment-mankulam.jpg"
keywords: ["Mankulam Anakulam", "Drug Addiction", "Father Son Conflict"]
---

#   മകന്റെ ലഹരി ഭ്രാന്ത് ഒടുവിൽ ജീവനെടുത്തു....; പെറ്റമ്മയും അച്ഛനും ബന്ധുവീട്ടിൽ അഭയം തേടി; ഒടുവിൽ വീട്ടിലേക്ക് തിരിച്ചെത്തിയപ്പോൾ സംഭവിച്ചത് വൻ ദുരന്തം!

> **Lead Summary:** **മൂന്നാർ: **ലഹരിയുടെ പിടിയിലായ മകന്റെ നിരന്തര ഉപദ്രവത്തിൽ പൊറുതിമുട്ടി സ്വന്തം വീടുവിട്ട് ബന്ധുവീട്ടിൽ അഭയം തേടിയ മാതാപിതാക്കളുടെ ജീവിതം ദാരുണമായ കൊലപാതകത്തിൽ കലാശിച്ചു. മൂന്നാറിനടുത്ത് മാങ്കുളം ആനക്കുളത്താണ് നാടിനെ ഞെട്ടിച്ച ഈ ദാരുണ സംഭവം.

## Article Content

**മൂന്നാർ: **ലഹരിയുടെ പിടിയിലായ മകന്റെ നിരന്തര ഉപദ്രവത്തിൽ പൊറുതിമുട്ടി സ്വന്തം വീടുവിട്ട് ബന്ധുവീട്ടിൽ അഭയം തേടിയ മാതാപിതാക്കളുടെ ജീവിതം ദാരുണമായ കൊലപാതകത്തിൽ കലാശിച്ചു. മൂന്നാറിനടുത്ത് മാങ്കുളം ആനക്കുളത്താണ് നാടിനെ ഞെട്ടിച്ച ഈ ദാരുണ സംഭവം.

ഡ്രൈവിങ്ങും കൂലിപ്പണിയുമായി കഴിഞ്ഞിരുന്ന 27കാരനായ ജസ്റ്റിൻ ജോയി കുറച്ചുകാലമായി കടുത്ത ലഹരിക്ക് അടിമയായിരുന്നു. ലഹരിയുടെ പാതയിലായതോടെ ഇയാൾ വീട്ടിലെത്തി മാതാപിതാക്കളുമായി വഴക്കുണ്ടാക്കുന്നത് പതിവായി മാറിയിരുന്നു. ജസ്റ്റിന്റെ ക്രൂരമായ ഉപദ്രവം സഹിക്കവയ്യാതെ രണ്ട് ദിവസമായി മാതാപിതാക്കളായ ജോയിയും (63) ഷാന്തിയും വീടുവിട്ട് സമീപത്തുള്ള ബന്ധുവീട്ടിലാണ് അന്തിയുറങ്ങിയിരുന്നത്.

മകനെ ഡി–അഡിക്‌ഷൻ സെന്ററിൽ എത്തിച്ച് ചികിത്സ നൽകാൻ നടപടികൾ സ്വീകരിക്കണമെന്ന് ആവശ്യപ്പെട്ട് ഇവർ ബ്ലോക്ക്–ഗ്രാമപ്പഞ്ചായത്ത് അംഗങ്ങൾക്കൊപ്പം മൂന്നാർ സ്റ്റേഷനിൽ എത്തിയിരുന്നു. എന്നാൽ ഇതുമായി ബന്ധപ്പെട്ട ഔദ്യോഗിക നടപടികൾ ചൊവ്വാഴ്ച ഉണ്ടാകുമെന്നു പ്രതീക്ഷിച്ചെങ്കിലും അതുണ്ടായില്ല. ഇതോടെ നിസ്സഹായരായ ദമ്പതികൾ വീണ്ടും ബന്ധുവീട്ടിൽത്തന്നെ അഭയം പ്രാപിക്കുകയായിരുന്നു.

തുടർന്ന് ഇന്നലെ രാവിലെ വസ്ത്രങ്ങൾ എടുക്കുന്നതിനു വേണ്ടി മാതാവ് ഷാന്തി വീട്ടിലേക്ക് പോയി. എന്നാൽ തിരികെ വരാൻ വൈകിയതോടെ പിതാവ് ജോയി അന്വേഷിച്ചെത്തിയപ്പോൾ മകൻ വീട്ടിലുണ്ടായിരുന്നു. ബുധനാഴ്ച രാവിലെ 11ഓടെ വീട്ടിലെത്തിയ ജസ്റ്റിൻ പിതാവുമായി വീണ്ടും വഴക്കുണ്ടാക്കുകയും കത്തിയെടുത്ത് വീശുകയും ചെയ്തു.

ജീവന് ഭീഷണിയായ ഈ സാഹചര്യത്തിലാണ് പ്രകോപിതനായ പിതാവ് ജോയി സമീപത്തു കിടന്നിരുന്ന കമ്പ് ഉപയോഗിച്ച് മകന്റെ തലയ്ക്കടിച്ചത്. ഗുരുതരമായി പരിക്കേറ്റ ജസ്റ്റിൻ സംഭവസ്ഥലത്തുവെച്ചുതന്നെ മരിക്കുകയായിരുന്നു. സംഭവസമയത്ത് മാതാവ് ഷാന്തിയും സ്ഥലത്തുണ്ടായിരുന്നു.

മകന്റെ മരണത്തെ തുടർന്ന് കടുത്ത മാനസിക സംഘർഷത്തിലായ പിതാവ് ജോയി വിഷം കഴിച്ച് ജീവനൊടുക്കാൻ ശ്രമിച്ചു. ഗുരുതരാവസ്ഥയിലായ ഇദ്ദേഹത്തെ ഇപ്പോൾ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്. ലഹരി എന്ന വിപത്ത് ഒരു കുടുംബത്തെയാണ് പൂർണ്ണമായി ഇല്ലാതാക്കിയത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

നാട്ടുകാർ വിവരമറിയിച്ചതിനെത്തുടർന്ന് പൊലീസ് സ്ഥലത്തെത്തിയപ്പോഴാണ് ജോയി, താൻ വിഷം കഴിച്ചതായി അറിയിച്ചത്. ഉടൻ ജോയിയെ അടിമാലി താലൂക്ക് ആശുപത്രിയിലും പിന്നീട് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിക്കുകയായിരുന്നു.

English Summary:

Munnar: Unable to bear continuous harassment by drug-addict son, parents had left home and taken shelter at relative's house for two days. The family tragedy ended in murder at Mankulam Anakulam. Justin Joy (27) of Udumbaykkal died after being hit by father Joy (63). Father later consumed poison and is admitted in critical condition at Kottayam Medical College. Justin, a driver and daily wage worker, was a drug addict and regularly quarreled with parents. Parents along with panchayat members had approached Munnar station seeking to shift son to de-addiction centre, but no action came on Tuesday. On Wednesday morning when mother Shanti went home to collect clothes and did not return, Joy went to check and found Justin at home. Altercation broke out, Justin allegedly brandished knife, Joy hit him on head with a stick lying nearby causing death. Mother was present at scene.

### Related Links & Sources
- [Original Story Source](https://truevisionnews.com/news/381913/munnar-father-kills-son-justin-joy-drug-addiction-harassment-mankulam)