---
title: "'ആരോടും പറയരുതെന്ന് ഭീഷണി'... മൈസൂരുവിൽ വിദ്യാർഥിയുടെ മുഖത്ത് അധ്യാപകൻ ഇടിച്ചു; കണ്ണിൽ രക്തം കട്ടപിടിച്ചെന്ന് പരാതി"
english_title: "Mysuru Teacher Assaults Student Blood Clot In Eye Complaint Police Case"
publisher: "truevisionnews.com"
canonical_url: "https://truevisionnews.com/news/381658/mysuru-teacher-hits-student-blood-clot-eye-complaint-police-case"
published_at: "2026-09-08T13:08:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a9fbc592140d_mysuru-teacher-hits-student-blood-clot-eye-complaint-police-case.jpg"
keywords: ["Mysuru Student Assault", "Teacher Hits Student", "Karnataka School Assault"]
---

# 'ആരോടും പറയരുതെന്ന് ഭീഷണി'... മൈസൂരുവിൽ വിദ്യാർഥിയുടെ മുഖത്ത് അധ്യാപകൻ ഇടിച്ചു; കണ്ണിൽ രക്തം കട്ടപിടിച്ചെന്ന് പരാതി

> **Lead Summary:** മൈസൂരു: വിദ്യാർഥിയുടെ മുഖത്ത് അധ്യാപകൻ ഇടിച്ചതിനെ തുടർന്ന് കണ്ണിൽ രക്തം കട്ടപിടിച്ചെന്ന് പരാതി. കർണാടകയിലെ മൈസൂരുവിലാണ് 16 വയസ്സുകാരനായ വിദ്യാർഥിക്ക് അധ്യാപകന്റെ മർദ്ദനമേറ്റതായി പരാതി ഉയർന്നത്.

## Article Content

മൈസൂരു: വിദ്യാർഥിയുടെ മുഖത്ത് അധ്യാപകൻ ഇടിച്ചതിനെ തുടർന്ന് കണ്ണിൽ രക്തം കട്ടപിടിച്ചെന്ന് പരാതി. കർണാടകയിലെ മൈസൂരുവിലാണ് 16 വയസ്സുകാരനായ വിദ്യാർഥിക്ക് അധ്യാപകന്റെ മർദ്ദനമേറ്റതായി പരാതി ഉയർന്നത്.

സംഭവത്തിൽ വിദ്യാർഥിയുടെ പിതാവ് പൊലീസിൽ പരാതി നൽകി. അധ്യാപകനെതിരെ ശക്തമായ നിയമനടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

റെഹാൻ ഷെരീഫ് എന്ന വിദ്യാർഥിയാണ് അധ്യാപകന്റെ ആക്രമണത്തിനിരയായത്. മുഖത്തേറ്റ അടിയെ തുടർന്ന് കണ്ണിൽ രക്തം കട്ടപിടിച്ചതായാണ് പരാതി. സംഭവത്തെ തുടർന്ന് വിദ്യാർഥിയെ ആശുപത്രിയിൽ പ്രവേശിപ്പിച്ചു. നിലവിൽ അപകടനില തരണം ചെയ്തതായി ആശുപത്രി അധികൃതർ അറിയിച്ചു.

മുഖത്ത് ഇടിച്ച സംഭവത്തെക്കുറിച്ച് മറ്റാരോടെങ്കിലും പറഞ്ഞാൽ ട്രാൻസ്ഫർ സർട്ടിഫിക്കറ്റ് (ടിസി) നൽകി സ്കൂളിൽ നിന്ന് പുറത്താക്കുമെന്ന് അധ്യാപകൻ ഭീഷണിപ്പെടുത്തിയതായും വിദ്യാർഥിയുടെ പിതാവ് നൽകിയ പരാതിയിൽ പറയുന്നു.

സംഭവത്തിൽ മൈസൂരു പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. വിദ്യാർഥിയെ അധ്യാപകൻ മർദ്ദിച്ച സംഭവത്തിൽ സ്കൂൾ അധികൃതരിൽനിന്നും പൊലീസിൽനിന്നും കൂടുതൽ വിവരങ്ങൾ ശേഖരിച്ചുവരികയാണ്.

കുട്ടികളുടെ സുരക്ഷയും അധ്യാപകരുടെ പെരുമാറ്റവും സംബന്ധിച്ച് വീണ്ടും ചർച്ചകൾക്ക് വഴിവെക്കുന്നതാണ് സംഭവം.

**English Summary:**

Mysuru: A complaint alleges a teacher hit a student on face causing blood clot in eye in Mysuru, Karnataka. The 16-year-old victim is Rehan Sheriff. His father filed complaint at police station demanding strong legal action, Mysuru police registered case and started probe. Hospital authorities said student out of danger. Complaint also says teacher threatened to issue TC and expel if he disclosed assault. Report also recalls recent incident where six-year-old Pranay Teja died after collapsing in class after teacher slapped him for not doing homework in private school in One Town area, Amaravati, Andhra Pradesh, whose CCTV footage went viral.

### Related Links & Sources
- [Original Story Source](https://truevisionnews.com/news/381658/mysuru-teacher-hits-student-blood-clot-eye-complaint-police-case)