---
title: "ശബരിമല സ്വർണക്കൊള്ള കേസ്; പി എസ് പ്രശാന്തിന് ജാമ്യം, ആരോഗ്യ പ്രശ്നങ്ങൾ പരിഗണിച്ച് കൊല്ലം വിജിലൻസ് കോടതി"
english_title: "Sabarimala Gold Theft Case Former Travancore Devaswom Board President PS Prasanth Gets Bail "
publisher: "truevisionnews.com"
canonical_url: "https://truevisionnews.com/news/380948/sabarimala-gold-theft-case-ps-prasanth-bail-kollam-vigilance-court"
published_at: "2026-09-03T11:52:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a99127968c2f_sabarimala-gold-theft-case-ps-prasanth-bail-kollam-vigilance-court.jpg"
keywords: ["Sabarimala Gold Theft", "PS Prasanth Bail", "Travancore Devaswom Board", "Kollam Vigilance Court"]
---

# ശബരിമല സ്വർണക്കൊള്ള കേസ്; പി എസ് പ്രശാന്തിന് ജാമ്യം, ആരോഗ്യ പ്രശ്നങ്ങൾ പരിഗണിച്ച് കൊല്ലം വിജിലൻസ് കോടതി

> **Lead Summary:** തിരുവനന്തപുരം: ശബരിമല സ്വർണക്കൊള്ള കേസിൽ തിരുവിതാംകൂർ ദേവസ്വം ബോർഡ് മുൻ പ്രസിഡന്‍റ് പി എസ് പ്രശാന്തിന് ജാമ്യം ലഭിച്ചു. കൊല്ലം വിജിലൻസ് കോടതിയാണ് ജാമ്യം അനുവദിച്ചത്.

## Article Content

തിരുവനന്തപുരം: ശബരിമല സ്വർണക്കൊള്ള കേസിൽ തിരുവിതാംകൂർ ദേവസ്വം ബോർഡ് മുൻ പ്രസിഡന്‍റ് പി എസ് പ്രശാന്തിന് ജാമ്യം ലഭിച്ചു. കൊല്ലം വിജിലൻസ് കോടതിയാണ് ജാമ്യം അനുവദിച്ചത്.

ആരോഗ്യ പ്രശ്നങ്ങൾ പരിഗണിച്ചാണ് ജാമ്യം അനുവദിച്ചത്. ജൂലൈ 23നാണ് പി എസ് പ്രശാന്തിനെ പ്രത്യേക അന്വേഷണ സംഘം അറസ്റ്റ് ചെയ്തത്. പ്രശാന്തിനൊപ്പം അറസ്റ്റിലായ മുൻ ബോർഡ് അംഗം എ അജികുമാറിന് നേരത്തെ ജാമ്യം ലഭിച്ചിരുന്നു.

ആരോഗ്യ പ്രശ്നങ്ങൾ പരിഗണിച്ചാണ് അജികുമാറിനും ജാമ്യം ലഭച്ചത്. ജൂലൈ 23നാണ് ഇരുവരെയും എസ്ഐടി അറസ്റ്റ് ചെയ്തത്.

2019-ലെ സ്വര്‍ണക്കൊള്ള മറച്ചുവെക്കാൻ 2025-ൽ പി എസ് പ്രശാന്ത് പ്രസിഡന്‍റായ ബോർഡ് ചെന്നൈ സ്മാർട്ട് ക്രിയേഷൻസിലേക്ക് പാളികൾ കൊടുത്തു വിട്ടെന്നാണ് എസ്ഐടിയുടെ കണ്ടെത്തൽ. ഹൈക്കോടതിയെ അറിയിക്കാതെയായിരുന്നു സ്വർണം പൂശാനായി വീണ്ടും പാളികൾ കൈമാറിയത്.

കോടതിയുടെ മുൻകൂർ അനുമതി തേടാത്തത് സാങ്കേതിക പിഴവെന്നായിരുന്നു പി എസ് പ്രശാന്ത് വിശദീകരിച്ചത്. പ്രതികളുടെ വാദങ്ങൾ തള്ളിയ എസ്ഐടി ഗൂഡാലോചന ഉൾപ്പടെയുള്ള കുറ്റങ്ങൾ ചൂണ്ടിക്കാട്ടി അറസ്റ്റിലേക്ക് കടക്കുകയായിരുന്നു.

**English Summary:**

Sabarimala gold theft case: Former Travancore Devaswom Board president PS Prasanth gets bail from Kollam Vigilance Court considering health issues. SIT had arrested him on July 23 along with former board member A Ajikumar, who earlier got bail on health grounds. SIT finding is that board headed by Prasanth in 2025 sent gold plates to Chennai Smart Creations to cover up 2019 theft without informing High Court. Prasanth had termed lack of prior court permission as technical error, but SIT rejected argument citing conspiracy and arrested.

### Related Links & Sources
- [Original Story Source](https://truevisionnews.com/news/380948/sabarimala-gold-theft-case-ps-prasanth-bail-kollam-vigilance-court)