---
title: " കോഴിക്കോട് നാദാപുരത്തെ കടയിൽ വൻ കവർച്ച, 92 ഐഫോണുകൾ കവർന്നു; മോഷ്ടാക്കൾ കടന്നത് ഷട്ടർ തകർത്ത്"
english_title: "Major Theft At Mobile Phone Shop In Nadapuram 92 iPhones Stolen"
publisher: "truevisionnews.com"
canonical_url: "https://truevisionnews.com/news/380342/nadapuram-mobile-shop-theft-92-iphones-stolen-police-investigation"
published_at: "2026-08-29T15:09:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a92aa35daac6_nadapuram-mobile-shop-theft-92-iphones-stolen-police-investigation.jpg"
keywords: ["Theft News", "iPhone Theft", "Kozhikode News", "Mobile Phone Theft Nadapuram"]
---

#  കോഴിക്കോട് നാദാപുരത്തെ കടയിൽ വൻ കവർച്ച, 92 ഐഫോണുകൾ കവർന്നു; മോഷ്ടാക്കൾ കടന്നത് ഷട്ടർ തകർത്ത്

> **Lead Summary:** കോഴിക്കോട്: നാദാപുരത്ത് മൊബൈൽഫോൺ കടയിൽ വൻ കവർച്ച. കടയുടെ ഷട്ടർ തകർത്ത് 92 ഐഫോണുകൾ മോഷ്ടിച്ചെന്നാണ് പരാതി. വില്യാപ്പിള്ളി സ്വദേശിയുടെ ഉടമസ്ഥതയിലുള്ള നാദാപുരം ടൗണിൽ പ്രവർത്തിക്കുന്ന ഇ സിറ്റി ആപ്പിൾ പ്രൊ സ്റ്റോർ എന്ന സ്ഥാപനത്തിലാണ് സംഭവം.

## Article Content

കോഴിക്കോട്: നാദാപുരത്ത് മൊബൈൽഫോൺ കടയിൽ വൻ കവർച്ച. കടയുടെ ഷട്ടർ തകർത്ത് 92 ഐഫോണുകൾ മോഷ്ടിച്ചെന്നാണ് പരാതി. വില്യാപ്പിള്ളി സ്വദേശിയുടെ ഉടമസ്ഥതയിലുള്ള നാദാപുരം ടൗണിൽ പ്രവർത്തിക്കുന്ന ഇ സിറ്റി ആപ്പിൾ പ്രൊ സ്റ്റോർ എന്ന സ്ഥാപനത്തിലാണ് സംഭവം.

ശനിയാഴ്ച രാവിലെ കട തുറക്കാനെത്തിയപ്പോഴാണ് മോഷണവിവരം പുറത്തറിയുന്നത്. വെള്ളിയാഴ്ച അർധരാത്രിയോടെയാണ് മോഷണം നടന്നതെന്നാണ് നി​ഗമനം. കടയുടെ ഷട്ടറിന്റെ പൂട്ട് തകർത്താണ് മോഷ്ടാക്കൾ അകത്തുകടന്നത്.

ഫോണുകൾ മാത്രമാണ് മോഷ്ടിച്ചത്. ഏകദേശം 80 ലക്ഷം രൂപയുടെ മൊബൈൽഫോണുകളാണ് നഷ്ടമായത്. പണം നഷ്ടമായിട്ടില്ല. കടയുടെ സിസിടിവി ക്യാമറകൾ തിരിച്ചുവെച്ച നിലയിലായിരുന്നു.

വിവരമറിഞ്ഞ് പൊലീസും ഡോ​ഗ് സ്ക്വാഡും വിരലടയാള വിദ​ഗ്ധരും സ്ഥലത്തെത്തി പരിശോധന നടത്തി. മോഷണസംഘത്തിൽ ഒന്നിലധികംപേരുണ്ടെന്നാണ് പൊലീസിന്റെ നി​ഗമനം. നിലവിൽ സമീപത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് പൊലീസ് അന്വേഷണം നടത്തുന്നത്.

**English Summary:**

A major theft was reported at a mobile phone shop in Nadapuram town, Kozhikode. According to the complaint, thieves broke the shutter lock and stole 92 iPhones worth around Rs 80 lakh. The incident came to light on Saturday morning when the shop was opened. Police suspect the theft occurred late Friday night. CCTV cameras were found turned away. Police, dog squad and fingerprint experts inspected the spot and are examining nearby CCTV footage.

### Related Links & Sources
- [Original Story Source](https://truevisionnews.com/news/380342/nadapuram-mobile-shop-theft-92-iphones-stolen-police-investigation)