---
title: "ചേലക്കോട് നിയന്ത്രണം വിട്ട ലോറി ഇടിച്ച്‌ അപകടം; രണ്ട് പേർക്ക് ദാരുണാന്ത്യം"
english_title: "Thrissur Chelakkode Milma Tanker Lorry Accident Two Dead Pazhayannur"
publisher: "truevisionnews.com"
canonical_url: "https://truevisionnews.com/news/380026/thrissur-chelakkode-milma-tanker-lorry-accident-two-dead"
published_at: "2026-08-26T12:22:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a8e8d703c0ac_thrissur-chelakkode-milma-tanker-lorry-accident-two-dead.jpg"
keywords: ["Thrissur Accident", "Milma Tanker Lorry", "Road Accident Kerala", "Thrissur News"]
---

# ചേലക്കോട് നിയന്ത്രണം വിട്ട ലോറി ഇടിച്ച്‌ അപകടം; രണ്ട് പേർക്ക് ദാരുണാന്ത്യം

> **Lead Summary:** തൃശൂ‍ർ: ചേലക്കോട് നിയന്ത്രണം വിട്ട മിൽമ ടാങ്കർ ലോറി ഇടിച്ചുണ്ടായ ദാരുണമായ അപകടത്തിൽ രണ്ട് പേർക്ക് ​ദാരുണാന്ത്യം. പഴയന്നൂർ കല്ലേപ്പാടം സ്വദേശി ഷെമീർ, മണ്ണാർക്കാട് സ്വദേശി ജോസഫ് എന്നിവരാണ് മരിച്ചത്.

## Article Content

തൃശൂ‍ർ: ചേലക്കോട് നിയന്ത്രണം വിട്ട മിൽമ ടാങ്കർ ലോറി ഇടിച്ചുണ്ടായ ദാരുണമായ അപകടത്തിൽ രണ്ട് പേർക്ക് ​ദാരുണാന്ത്യം. പഴയന്നൂർ കല്ലേപ്പാടം സ്വദേശി ഷെമീർ, മണ്ണാർക്കാട് സ്വദേശി ജോസഫ് എന്നിവരാണ് മരിച്ചത്.

ചേലക്കോട്ടിൽ വെച്ച് ചായകുടിക്കാൻ ഇറങ്ങിയതായിരുന്നു ഇരുവരും. പെട്രോൾ ടാങ്കർ ലോറി ഡ്രൈവറായ ജോസഫ് വണ്ടി നിർത്തി ചായകുടിക്കാൻ എത്തിയതായിരുന്നു.

കല്ലേപ്പാടം സ്വദേശിയായ ഷെമീർ പഴയന്നൂരിലേക്ക് പോകുന്ന വഴിയാണ് ഇവിടെയെത്തിയത്. ഇതിനിടെ അതുവഴി വന്ന മിൽമയുടെ ടാങ്കർ ലോറി നിയന്ത്രണം വിട്ട് ഇരുവരുടെയും ഇടയിലേക്ക് പാഞ്ഞുകയറുകയായിരുന്നു.

അപകടത്തെ തുടർന്ന് ലോറിക്കടിയിൽ അകപ്പെട്ട ഇരുവരെയും പൊലീസും, ഫയർഫോഴ്സും, നാട്ടുകാരും ചേർന്ന് ഏറെ പരിശ്രമിച്ചാണ് പുറത്തെടുത്തത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

**English Summary:**

Thrissur: Two persons died in tragic accident at Chelakkode after out-of-control Milma tanker lorry rammed them. Deceased are Shemeer from Kalleppadam, Pazhayannur and Joseph from Mannarkkad, a petrol tanker driver. Both had stopped for tea at Chelakkode when Milma lorry lost control and hit them. They were trapped under lorry and rescued after efforts by police, fire force and locals but could not be saved despite being rushed to hospital.

### Related Links & Sources
- [Original Story Source](https://truevisionnews.com/news/380026/thrissur-chelakkode-milma-tanker-lorry-accident-two-dead)