---
title: "കണ്ണൂർ സെൻട്രൽ ജയിലിലേക്ക് ചെരിപ്പിനുള്ളിൽ ഒളിപ്പിച്ച് ഹാഷിഷ് ഓയിൽ കടത്താൻ ശ്രമം; മൂന്നുപേർക്കെതിരെ കേസ്"
english_title: "Hashish Oil Smuggling Attempt at Kannur Central Jail; Case Against Three"
publisher: "truevisionnews.com"
canonical_url: "https://truevisionnews.com/news/379934/kannur-central-jail-hashish-oil-smuggling-attempt"
published_at: "2026-08-25T10:55:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a8d283c3fb2a_kannur-central-jail-hashish-oil-smuggling-attempt.jpg"
keywords: ["Kannur Central Jail", "Hashish Oil", "Kannur Police", "Drug Smuggling"]
---

# കണ്ണൂർ സെൻട്രൽ ജയിലിലേക്ക് ചെരിപ്പിനുള്ളിൽ ഒളിപ്പിച്ച് ഹാഷിഷ് ഓയിൽ കടത്താൻ ശ്രമം; മൂന്നുപേർക്കെതിരെ കേസ്

> **Lead Summary:** കണ്ണൂർ: കണ്ണൂർ സെൻട്രൽ ജയിലിനുള്ളിലേക്ക് ചെരിപ്പിനുള്ളിൽ ഒളിപ്പിച്ച് ഹാഷിഷ് ഓയിൽ കടത്താൻ ശ്രമം. സംഭവത്തിൽ തടവുകാരൻ ഉൾപ്പെടെ മൂന്നുപേർക്കെതിരെ കണ്ണൂർ ടൗൺ പോലീസ് കേസെടുത്തു.

## Article Content

കണ്ണൂർ: കണ്ണൂർ സെൻട്രൽ ജയിലിനുള്ളിലേക്ക് ചെരിപ്പിനുള്ളിൽ ഒളിപ്പിച്ച് ഹാഷിഷ് ഓയിൽ കടത്താൻ ശ്രമം. സംഭവത്തിൽ തടവുകാരൻ ഉൾപ്പെടെ മൂന്നുപേർക്കെതിരെ കണ്ണൂർ ടൗൺ പോലീസ് കേസെടുത്തു.

ചെരിപ്പ് തുളച്ച് ദ്വാരമുണ്ടാക്കിയ ശേഷം ചെറിയ കവറിനുള്ളിലാക്കിയാണ് ഹാഷിഷ് ഓയിൽ ഒളിപ്പിച്ചത്. രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് ഇവ കണ്ടെത്തിയത്.

സന്ദർശകരെന്ന വ്യാജേന തടവുകാരനെ കാണാൻ എത്തിയതായിരുന്നു രണ്ടംഗ സംഘം. ഫോണിലൂടെയായിരുന്നു ഇവർ ആശയവിനിമയം നടത്തിയിരുന്നത്. ഈ ഫോൺ സംഭാഷണങ്ങളും തെളിവായി ലഭിച്ചിട്ടുണ്ട്.

കണ്ണൂർ സെൻട്രൽ ജയിലിനുള്ളിലേക്ക് ലഹരിവസ്തുക്കളും മൊബൈൽ ഫോണുകളും മറ്റും നിയമവിരുദ്ധമായി കടത്തുന്നതുമായി ബന്ധപ്പെട്ട് മുൻപും ഒട്ടേറെ സംഭവങ്ങൾ ഉണ്ടായിട്ടുണ്ട്.

ജയിലിന്റെ പുറത്തുനിന്ന് മതിലുകൾക്ക് മുകളിലൂടെ ബീഡി, സിഗരറ്റ്, മദ്യം തുടങ്ങിയവ അകത്തേക്ക് എറിഞ്ഞുനൽകുന്ന സംഭവങ്ങളും പലതവണ റിപ്പോർട്ട് ചെയ്തിരുന്നു.

**English Summary:**

Kannur Town Police have registered a case against three people, including a prisoner, over an alleged attempt to smuggle hashish oil into Kannur Central Jail. According to the police, two people posing as visitors allegedly tried to bring the substance inside by hiding it in a small cover placed inside a shoe after making a hole in it. Police said the group communicated with the prisoner by phone and that the conversations were obtained as evidence. Several previous incidents involving the illegal entry of drugs, mobile phones and other items into Kannur Central Jail have also been reported. There have also been repeated reports of beedis, cigarettes and alcohol being thrown over the prison walls from outside.

### Related Links & Sources
- [Original Story Source](https://truevisionnews.com/news/379934/kannur-central-jail-hashish-oil-smuggling-attempt)