---
title: "ഡൽഹിയിൽ എം.എൽ.എമാർ സഞ്ചരിച്ച കാർ അപകടത്തിൽപെട്ടു; രണ്ട് എം.എൽ.എമാർ ഉൾപ്പെടെ ആറുപേർക്ക് പരിക്കേറ്റു"
english_title: "Delhi Car Accident MLAs Injured ITO Vikas Marg Innova Crash"
publisher: "truevisionnews.com"
canonical_url: "https://truevisionnews.com/news/379816/car-accident-mlas-injured-ito-vikas-marg"
published_at: "2026-08-24T09:56:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a8bc835ce40a_car-accident-mlas-injured-ito-vikas-marg.jpg"
keywords: ["elhi Accident", "AAP MLA Anil Jha", "BJP MLA Abhay Patil", "ITO Accident"]
---

# ഡൽഹിയിൽ എം.എൽ.എമാർ സഞ്ചരിച്ച കാർ അപകടത്തിൽപെട്ടു; രണ്ട് എം.എൽ.എമാർ ഉൾപ്പെടെ ആറുപേർക്ക് പരിക്കേറ്റു

> **Lead Summary:** **ന്യൂഡൽഹി: **സെൻട്രൽ ഡൽഹിയിലെ ഐ.ടി.ഒയ്ക്ക് സമീപം വികാസ് മാർഗിൽ പി.ഡബ്ല്യു.ഡി. ആസ്ഥാനത്തിന് മുന്നിലുണ്ടായ ഇന്നോവ കാർ അപകടത്തിൽ എം.എൽ.എമാർ ഉൾപ്പെടെ ആറുപേർക്ക് പരിക്കേറ്റു. ഡൽഹിയിലെ ആം ആദ്മി പാർട്ടി നേതാവ് അനിൽ ഝാ, കർണാടകയിൽ നിന്നുള്ള ബി.ജെ.പി പ്രതിനിധി അഭയ് പാട്ടീൽ എന്നിവരാണ് പരിക്കേറ്റ എം.എൽ.എമാർ.

## Article Content

**ന്യൂഡൽഹി: **സെൻട്രൽ ഡൽഹിയിലെ ഐ.ടി.ഒയ്ക്ക് സമീപം വികാസ് മാർഗിൽ പി.ഡബ്ല്യു.ഡി. ആസ്ഥാനത്തിന് മുന്നിലുണ്ടായ ഇന്നോവ കാർ അപകടത്തിൽ എം.എൽ.എമാർ ഉൾപ്പെടെ ആറുപേർക്ക് പരിക്കേറ്റു. ഡൽഹിയിലെ ആം ആദ്മി പാർട്ടി നേതാവ് അനിൽ ഝാ, കർണാടകയിൽ നിന്നുള്ള ബി.ജെ.പി പ്രതിനിധി അഭയ് പാട്ടീൽ എന്നിവരാണ് പരിക്കേറ്റ എം.എൽ.എമാർ.

ഞായറാഴ്ച രാത്രി 9:30ഓടെയായിരുന്നു അപകടം സംഭവിച്ചത്. എം.എൽ.എമാർ സഞ്ചരിച്ചിരുന്ന കാർ ഡിവൈഡർ മറികടന്ന് എതിരെ വന്ന എസ്‌.യു.വി. കാറുമായി കൂട്ടിയിടിക്കുകയായിരുന്നു. അപകടത്തിൽ പരിക്കേറ്റവരെ എല്ലാവരെയും ഡൽഹി ലോക് നായക് ആശുപത്രിയിൽ പ്രവേശിപ്പിച്ചു.

പരിക്കേറ്റ എല്ലാവരുടെയും പരുക്കുകൾ നിസ്സാരമാണെന്നും ഇവരുടെ ആരോഗ്യനില തൃപ്തികരമാണെന്നും പൊലീസ് വ്യക്തമാക്കിയിട്ടുണ്ട്. സംഭവത്തിനു പിന്നാലെ സ്ഥലത്തെത്തിയ പൊലീസ് വാഹനങ്ങൾ റോഡിൽ നിന്ന് നീക്കം ചെയ്ത് ഗതാഗത തടസ്സം ഒഴിവാക്കി. അപകടത്തിൽപ്പെട്ട രണ്ട് വാഹനങ്ങളും ഡൽഹി രജിസ്ട്രേഷനിലുള്ളതാണ്.

ഡൽഹി ലക്ഷ്മി നഗറിൽ നിന്ന് ഐ.ടി.ഒ ഭാഗത്തേക്ക് സഞ്ചരിക്കുകയായിരുന്നതാണ് ഇന്നോവ കാറെന്ന് സെൻട്രൽ ഡൽഹി ഡെപ്യൂട്ടി കമീഷണർ രോഹിത് രൺബീർ സിങ് അറിയിച്ചു. ഈ കാറിൽ രണ്ട് കുട്ടികളും ഉണ്ടായിരുന്നു. ഐ.ടി.ഒയിൽ നിന്ന് ലക്ഷ്മി നഗറിലേക്ക് വരികയായിരുന്നു മറ്റേ എസ്‌.യു.വി. കാർ.

ശക്തമായ കൂട്ടിയിടിയുടെ ആഘാതത്തിൽ വാഹനങ്ങളുടെ, വിശേഷിച്ചും എസ്‌.യു.വിയുടെ മുൻഭാഗം പൂർണ്ണമായും തകർന്നു. തകർന്നുകിടന്ന വാഹനങ്ങൾ മാറ്റുന്നതിനും ഗതാഗതം പൂർണ്ണമായി സുഗമമാക്കുന്നതിനുമായി ഫയർഫോഴ്സ് യൂണിറ്റും സ്ഥലത്ത് എത്തിയിരുന്നു.

English Summary:

Six people including two MLAs were injured after an Innova car collided with an SUV near ITO on Vikas Marg in Central Delhi on Sunday night around 9:30 PM. The injured MLAs are AAP's Anil Jha from Delhi and BJP's Abhay Patil from Karnataka. All were admitted to Lok Nayak Hospital with minor injuries.

**

**

### Related Links & Sources
- [Original Story Source](https://truevisionnews.com/news/379816/car-accident-mlas-injured-ito-vikas-marg)