---
title: "കർഷകർക്ക് ആശ്വാസവാർത്ത; നെല്ലുവില വിതരണത്തിന് കേന്ദ്രവിഹിതമായി 209 കോടി രൂപ അനുവദിച്ചുവെന്ന് മന്ത്രി അനൂപ് ജേക്കബ്"
english_title: "Centre Releases Rs 209 Crore For Paddy Procurement In Kerala"
publisher: "truevisionnews.com"
canonical_url: "https://truevisionnews.com/news/379492/centre-releases-rs-209-crore-paddy-procurement-kerala"
published_at: "2026-08-21T16:11:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a882b86afb47_centre-releases-rs-209-crore-paddy-procurement-kerala.jpg"
keywords: ["Paddy Procurement", "Anoop Jacob", "Supplyco", "Central Fund", "Farmers"]
---

# കർഷകർക്ക് ആശ്വാസവാർത്ത; നെല്ലുവില വിതരണത്തിന് കേന്ദ്രവിഹിതമായി 209 കോടി രൂപ അനുവദിച്ചുവെന്ന് മന്ത്രി അനൂപ് ജേക്കബ്

> **Lead Summary:** **തിരുവനന്തപുരം: **സംസ്ഥാനത്തെ കർഷകർക്ക് നെല്ലുവില നൽകുന്നതിന് കേന്ദ്ര താങ്ങുവില വിഹിതമായി 209 കോടി രൂപ അനുവദിച്ചതായി ഭക്ഷ്യമന്ത്രി അനൂപ് ജേക്കബ് അറിയിച്ചു. ഇന്ന് 209 കോടി രൂപ റിലീസ് ചെയ്യുമെന്ന് കേന്ദ്രത്തിൽ നിന്ന് സ്ഥിരീകരണം ലഭിച്ചതായി മന്ത്രി പറഞ്ഞു.

## Article Content

**തിരുവനന്തപുരം: **സംസ്ഥാനത്തെ കർഷകർക്ക് നെല്ലുവില നൽകുന്നതിന് കേന്ദ്ര താങ്ങുവില വിഹിതമായി 209 കോടി രൂപ അനുവദിച്ചതായി ഭക്ഷ്യമന്ത്രി അനൂപ് ജേക്കബ് അറിയിച്ചു. ഇന്ന് 209 കോടി രൂപ റിലീസ് ചെയ്യുമെന്ന് കേന്ദ്രത്തിൽ നിന്ന് സ്ഥിരീകരണം ലഭിച്ചതായി മന്ത്രി പറഞ്ഞു.

രണ്ടാംവിള നെല്ലെടുപ്പിന് സംസ്ഥാന പ്രോത്സാഹന വിഹിതം പൂർണതോതിൽ സംസ്ഥാനം സപ്ലൈകോയ്ക്ക് നേരത്തെ അനുവദിച്ചിരുന്നു. ഈ തുക ഉപയോഗിച്ചാണ് നിലവിൽ നെല്ലുവില നൽകിവരുന്നത്. ഇതോടൊപ്പം കേന്ദ്രവിഹിതവും ലഭിക്കുന്നതോടെ സംസ്ഥാനത്തെ എല്ലാ കർഷകർക്കും നെല്ലുവില മുഴുവനും കൊടുത്തുതീർക്കാനാകുമെന്ന് മന്ത്രി വ്യക്തമാക്കി.

മന്ത്രിയെന്ന നിലയിൽ ഡൽഹിയിൽ കേന്ദ്ര ഭക്ഷ്യമന്ത്രിയെ നേരിൽ സന്ദർശിച്ച് നിവേദനം നൽകിയതിന്റെയും നിരന്തരം കത്തുകൾ അയച്ചതിന്റെയും തുടർച്ചയായാണ് കേന്ദ്രവിഹിതം അനുവദിച്ചിരിക്കുന്നതെന്ന് അനൂപ് ജേക്കബ് പറഞ്ഞു. ഒട്ടും വൈകാതെ നെല്ലു വില പൂർണമായും കൊടുത്തു തീർക്കുമെന്ന് സംസ്ഥാന സർക്കാർ നേരത്തെ ഉറപ്പു നൽകിയിരുന്നു.

ഈ ഉറപ്പു പാലിക്കാനായി അവധി ദിവസങ്ങളിലടക്കം കർഷകരുടെ അക്കൗണ്ടിലേക്ക് വില ലഭ്യമാക്കുന്ന നടപടികൾ സ്വീകരിക്കുകയാണെന്നും മന്ത്രി അറിയിച്ചു. കേന്ദ്രവിഹിതം കൂടി ലഭിക്കുന്നതോടെ നെല്ലെടുപ്പുമായി ബന്ധപ്പെട്ട സാമ്പത്തിക ബാധ്യതകൾ പൂർണമായി പരിഹരിക്കാനാകുമെന്നാണ് സർക്കാരിന്റെ വിലയിരുത്തൽ. ഇത് കർഷകർക്ക് വലിയ ആശ്വാസമാകും. സപ്ലൈകോ വഴി നടക്കുന്ന നെല്ലെടുപ്പ് സുഗമമാക്കുന്നതിനും തുക സഹായകമാകും.

**English Summary**

Food Minister Anoop Jacob announced that the Centre has approved Rs 209 crore as its share for paddy procurement in Kerala. The amount will be released today. The state had already released its full incentive share to Supplyco for the second crop procurement, and paddy prices are currently being paid using that fund. With the central share now sanctioned, the government will be able to clear dues to all farmers. The minister said the release follows his visit to the Union Food Minister in Delhi and repeated letters. The government is crediting payments to farmers’ accounts, including on holidays, to fulfill its promise of timely payment.

### Related Links & Sources
- [Original Story Source](https://truevisionnews.com/news/379492/centre-releases-rs-209-crore-paddy-procurement-kerala)