---
title: "കാസർകോട് അധ്യാപകൻ കിണറിൽ വീണ് മരിച്ചു; അപകടം വെള്ളം കോരുന്നതിനിടെ "
english_title: "Teacher Dies After Falling Into Well In Kasaragod"
publisher: "truevisionnews.com"
canonical_url: "https://truevisionnews.com/news/379477/kasaragod-teacher-falls-into-well-dies-kanhangad"
published_at: "2026-08-21T14:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a8816e197ec1_kasaragod-teacher-falls-into-well-dies-kanhangad.jpg"
keywords: ["Teacher Death", "Well Accident", "Kasaragod News"]
---

# കാസർകോട് അധ്യാപകൻ കിണറിൽ വീണ് മരിച്ചു; അപകടം വെള്ളം കോരുന്നതിനിടെ 

> **Lead Summary:** കാസർകോട്: കാഞ്ഞങ്ങാട് അധ്യാപകൻ കിണറിൽ വീണ് മരിച്ചു. പെരിയ, വടക്കേക്കരയിലെ നടുവിൽവീട്ടിൽ പുരുഷോത്തമൻ നായർ ആണ് മരിച്ചത്. വ്യാഴാഴ്ച രാവിലെയാണ് സംഭവം നടന്നത്.

## Article Content

കാസർകോട്: കാഞ്ഞങ്ങാട് അധ്യാപകൻ കിണറിൽ വീണ് മരിച്ചു. പെരിയ, വടക്കേക്കരയിലെ നടുവിൽവീട്ടിൽ പുരുഷോത്തമൻ നായർ ആണ് മരിച്ചത്. വ്യാഴാഴ്ച രാവിലെയാണ് സംഭവം നടന്നത്.

വെള്ളം കോരുന്നതിനിടെ കാൽതെറ്റി കിണറിലേക്ക് വീഴുകയായിരുന്നു. ഏറെ നേരം കഴിഞ്ഞിട്ടും പുരുഷോത്തമനെ കാണാത്തതിനെ തുടർന്ന് ബന്ധുക്കൾ നടത്തിയ അന്വേഷണത്തിലാണ് അപകടം ശ്രദ്ധയിൽപ്പെട്ടത്.

കിണറ്റിൽ കയർ താഴ്ന്ന നിലയിൽ കണ്ടെത്തിയതിനെ തുടർന്ന് സംശയം തോന്നി പരിശോധന നടത്തുകയായിരുന്നു. തുടർന്ന് അഗ്നിരക്ഷാസേനയെ വിവരം അറിയിച്ചു.

വിവരം ലഭിച്ചതിനെ തുടർന്ന് അഗ്നിരക്ഷാസേന സ്ഥലത്തെത്തി തിരച്ചിൽ നടത്തി. തിരച്ചിലിലാണ് പുരുഷോത്തമന്റെ മൃതദേഹം കിണറ്റിനുള്ളിൽ കണ്ടെത്തിയത്. ഉടൻ തന്നെ മൃതദേഹം പുറത്തെടുത്തു.

പാരലൽ കോളേജ് അധ്യാപകനാണ് പുരുഷോത്തമൻ നായർ. ഭാര്യ ശോഭയാണ്. മക്കൾ സച്ചിൻ കൃഷ്ണ, ശ്വേത എന്നിവരാണ്. മൃതദേഹം പോസ്റ്റുമോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.

സംഭവത്തിൽ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. അധ്യാപകന്റെ മരണം നാട്ടിൽ ദുഃഖം പരത്തി.

**English Summary:**

A teacher died after falling into a well in Kasaragod. The deceased is Purushothaman Nair (64), a native of Vadakkekara, Periya, and a parallel college teacher. The accident occurred on Thursday morning while he was fetching water when he slipped and fell into the well. After he went missing, relatives found the rope hanging into the well and alerted the Fire and Rescue Services, who recovered the body.

### Related Links & Sources
- [Original Story Source](https://truevisionnews.com/news/379477/kasaragod-teacher-falls-into-well-dies-kanhangad)