---
title: "അതിദാരുണം...! ലോറിയിൽ നിന്ന് തെറിച്ചുവീണ കമ്പികൾ കുത്തിക്കയറി ബൈക്ക് യാത്രികൻ മരിച്ചു  "
english_title: "Thrissur Lorry Iron Rod Accident Biker Death Kerala Road Accidents"
publisher: "truevisionnews.com"
canonical_url: "https://truevisionnews.com/news/379459/thrissur-lorry-iron-rod-biker-death-kerala-accidents-"
published_at: "2026-08-21T13:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a8806b1a9fcc_thrissur-lorry-iron-rod-biker-death-kerala-accidents-.jpg"
keywords: ["Thrissur Accident", "Road Accident Kerala", "Kuttanellur Accident"]
---

# അതിദാരുണം...! ലോറിയിൽ നിന്ന് തെറിച്ചുവീണ കമ്പികൾ കുത്തിക്കയറി ബൈക്ക് യാത്രികൻ മരിച്ചു  

> **Lead Summary:** **തൃശൂർ : ** ലോറിയിൽ നിന്നും ഇരുമ്പ് കമ്പികൾ തെറിച്ചുവീണ് ബൈക്ക് യാത്രികന് ദാരുണാന്ത്യം. തൃശൂർ കുട്ടനെല്ലൂരിലാണ് ദാരുണം സംഭവം. ലോറി പെട്ടെന്ന് ബ്രേക്ക് ഇട്ടതോടെ പുറത്തേക്ക് തെറിച്ച കന്പികൾ പിന്നാലെ വന്ന ബൈക്ക് യാത്രികന്റെ ദേഹത്തേക്ക് കുത്തിക്കയറുകയായിരുന്നു.

## Article Content

**തൃശൂർ : ** ലോറിയിൽ നിന്നും ഇരുമ്പ് കമ്പികൾ തെറിച്ചുവീണ് ബൈക്ക് യാത്രികന് ദാരുണാന്ത്യം. തൃശൂർ കുട്ടനെല്ലൂരിലാണ് ദാരുണം സംഭവം. ലോറി പെട്ടെന്ന് ബ്രേക്ക് ഇട്ടതോടെ പുറത്തേക്ക് തെറിച്ച കന്പികൾ പിന്നാലെ വന്ന ബൈക്ക് യാത്രികന്റെ ദേഹത്തേക്ക് കുത്തിക്കയറുകയായിരുന്നു.

ഗുരുതരമായി പരിക്കേറ്റ യുവാവിനെ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അതേസമയം ഓടുന്ന കെഎസ്ആർടിസി ബസിൽ നിന്ന് തെറിച്ചുവീണ് വിദ്യാർത്ഥിനിക്ക് പരിക്കേറ്റു. തിരുവനന്തപുരം ശ്രീകാര്യത്തിലാണ് സംഭവം നടന്നത്. കിഴക്കേക്കോട്ടയിലേക്ക് പോവുകയായിരുന്ന ബസിൽ നിന്നാണ് കുട്ടി താഴേക്ക് വീണത്. വീഴ്ചയിൽ വിദ്യാർത്ഥിനിയുടെ തലയ്ക്ക് പരിക്കേറ്റതായി വിവരമുണ്ട്.

അപകടം കണ്ട യാത്രക്കാർ ഉടൻ ബഹളം വെച്ചു. ഇതോടെ ബസ് ജീവനക്കാർ ഉടൻ തന്നെ വാഹനം നിർത്തി. പരിക്കേറ്റ കുട്ടിയെ ഉടൻ തന്നെ ചികിത്സയ്ക്കായി ആശുപത്രിയിലേക്ക് മാറ്റി. മറ്റ് യാത്രക്കാർക്കൊപ്പം ഇതേ ബസിൽ തന്നെയാണ് കുട്ടിയെ ആശുപത്രിയിൽ എത്തിച്ചത്. തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ വിദ്യാർത്ഥിനിയെ പ്രവേശിപ്പിച്ചു.

ബസിനുള്ളിൽ എങ്ങനെയാണ് കുട്ടി വീണതെന്നതിന് വ്യക്തത വന്നിട്ടില്ല. അപകടസമയത്ത് ബസിന്റെ വേഗത, വാതിൽ തുറന്നിരുന്നോ തുടങ്ങിയ കാര്യങ്ങളെക്കുറിച്ച് പൊലീസ് വിശദമായ അന്വേഷണം ആരംഭിച്ചിട്ടുണ്ട്. യാത്രക്കാരിൽ നിന്നും ബസ് ജീവനക്കാരിൽ നിന്നും മൊഴി രേഖപ്പെടുത്തുമെന്നാണ് പൊലീസ് അറിയിക്കുന്നത്.

നഗരത്തിലെ പ്രധാന റൂട്ടുകളിലൊന്നായ കിഴക്കേക്കോട്ട-ശ്രീകാര്യം റൂട്ടിൽ ഓടുന്ന ബസിലാണ് അപകടം ഉണ്ടായത്. സ്കൂൾ-കോളേജ് സമയങ്ങളിൽ വിദ്യാർത്ഥികൾ കൂടുതലായി യാത്ര ചെയ്യുന്ന റൂട്ട് കൂടിയാണിത്. അപകടത്തെ തുടർന്ന് കെഎസ്ആർടിസി അധികൃതരും സംഭവസ്ഥലത്തെത്തി സ്ഥിതിഗതികൾ വിലയിരുത്തി.

ബസുകളിലെ യാത്രക്കാരുടെ സുരക്ഷ ഉറപ്പാക്കാൻ കൂടുതൽ ജാഗ്രത പാലിക്കണമെന്ന് ആവശ്യം ഉയർന്നിട്ടുണ്ട്. പരിക്കേറ്റ വിദ്യാർത്ഥിനിയുടെ നില ഗുരുതരമല്ലെന്നും ചികിത്സ തുടരുകയാണെന്നും ആശുപത്രി വൃത്തങ്ങൾ അറിയിച്ചു.

English Summary:

A biker died tragically in Kuttanellur, Thrissur after iron rods fell from a lorry that braked suddenly and pierced him. In another incident, a 50-year-old woman named Deepa from Thiruvanchur was critically injured after being hit by a car while on a morning walk; the car fled and CCTV footage has emerged. In a third accident, five people were injured when a private bus hit a metro pillar at Pathadipalam in Kalamassery, Ernakulam.

### Related Links & Sources
- [Original Story Source](https://truevisionnews.com/news/379459/thrissur-lorry-iron-rod-biker-death-kerala-accidents-)