---
title: "ഭർതൃവീട്ടിൽ യുവതിയെ തൂങ്ങി മരിച്ച നിലയിൽ കണ്ടെത്തിയ സംഭവം; ദുരൂഹത ആരോപിച്ച് കുടുംബം, സ്ത്രീധന പീഡനമെന്ന് ആരോപണം"
english_title: "Woman Found Dead In Kottayam, Family Alleges Dowry Harassment, FIR Cites Husband's Alcoholism"
publisher: "truevisionnews.com"
canonical_url: "https://truevisionnews.com/news/379361/kottayam-woman-death-dowry-allegation-fir"
published_at: "2026-08-20T17:25:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a86ec173bc4d_kottayam-woman-death-dowry-allegation-fir1.jpg"
keywords: ["Dowry Harassment", "Women Death", "Suicide", "Kerala Crime"]
---

# ഭർതൃവീട്ടിൽ യുവതിയെ തൂങ്ങി മരിച്ച നിലയിൽ കണ്ടെത്തിയ സംഭവം; ദുരൂഹത ആരോപിച്ച് കുടുംബം, സ്ത്രീധന പീഡനമെന്ന് ആരോപണം

> **Lead Summary:** കോട്ടയം: ഭർതൃവീട്ടിൽ യുവതിയെ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ ദുരൂഹത ആരോപിച്ച് കുടുംബം രംഗത്ത്. പെരുമ്പാവൂർ സ്വദേശി ആര്യയാണ് 18ന് കോട്ടയത്തെ ഭർതൃവീട്ടിലെ കിടപ്പുമുറിയിൽ തൂങ്ങിമരിച്ചത്.

## Article Content

കോട്ടയം: ഭർതൃവീട്ടിൽ യുവതിയെ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ ദുരൂഹത ആരോപിച്ച് കുടുംബം രംഗത്ത്. പെരുമ്പാവൂർ സ്വദേശി ആര്യയാണ് 18ന് കോട്ടയത്തെ ഭർതൃവീട്ടിലെ കിടപ്പുമുറിയിൽ തൂങ്ങിമരിച്ചത്.

സ്ത്രീധനത്തെ ചൊല്ലി ഭർതൃമാതാവും അവരുടെ അമ്മയും ചേർന്ന് ആര്യയെ പീഡിപ്പിച്ചിരുന്നതായി കുടുംബം ആരോപിക്കുന്നു. സംഭവത്തിന് പിന്നാലെ നടന്ന യുവതിയുടെ സംസ്കാര ചടങ്ങിൽ ഭർതൃമാതാവും അവരുടെ അമ്മയും പങ്കെടുത്തിരുന്നില്ലെന്നും കുടുംബം പറയുന്നു.

കൂടാതെ യുവതിയുടെ മുഖത്ത് മർദ്ദനമേറ്റ പാടുള്ളതായും ബന്ധുക്കൾ ചൂണ്ടിക്കാട്ടുന്നു. എന്നാൽ കോട്ടയം ഈസ്റ്റ് പൊലീസ് രജിസ്റ്റർ ചെയ്ത എഫ്ഐആറിൽ മരണകാരണമായി രേഖപ്പെടുത്തിയിരിക്കുന്നത് ഭർത്താവ് ദീപക് ബാബുവിന്റെ മദ്യപാനമാണെന്നാണ്.

പൊലീസിന്റെ പ്രാഥമിക കണ്ടെത്തൽ ഇതാണെന്നാണ് എഫ്ഐആറിൽ നിന്ന് വ്യക്തമാകുന്നത്. ആര്യയുടെ മരണത്തിൽ കുടുംബം ഉന്നയിക്കുന്ന ആരോപണങ്ങളും പൊലീസ് എഫ്ഐആറിലെ രേഖപ്പെടുത്തലും തമ്മിൽ വ്യത്യാസമുള്ളതോടെയാണ് സംഭവത്തിൽ ദുരൂഹത നിലനിൽക്കുന്നതായി ബന്ധുക്കൾ പറയുന്നത്.

കോട്ടയം ഈസ്റ്റ് പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. മരണത്തിലേക്ക് നയിച്ച സാഹചര്യങ്ങൾ എന്തൊക്കെയാണെന്ന് വിശദമായി പരിശോധിക്കുമെന്ന് പൊലീസ് അറിയിച്ചു.

പോസ്റ്റ്മോർട്ടം റിപ്പോർട്ടും മറ്റ് തെളിവുകളും ലഭിച്ചതിന് ശേഷം മാത്രമേ സംഭവത്തെക്കുറിച്ച് കൂടുതൽ വ്യക്തത വരികയുള്ളൂ എന്നാണ് പൊലീസിന്റെ നിലപാട്.യുവതിയുടെ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകിയിരുന്നു.

സംഭവത്തിൽ കുടുംബം കൂടുതൽ തെളിവുകൾ ഹാജരാക്കുമെന്നും നീതി ലഭിക്കുന്നതുവരെ നിയമപോരാട്ടം തുടരുമെന്നും ബന്ധുക്കൾ അറിയിച്ചു.

**English Summary:**

A woman named Arya from Perumbavoor was found hanging in her bedroom at her in-laws' house in Kottayam on the 18th. Her family has alleged dowry harassment by her mother-in-law and her mother, and pointed out that they did not attend the funeral and that there were injury marks on Arya's face. However, according to the FIR registered by Kottayam East Police, the cause of death is linked to the alcoholism of her husband Deepak Babu. Police have begun an investigation.

### Related Links & Sources
- [Original Story Source](https://truevisionnews.com/news/379361/kottayam-woman-death-dowry-allegation-fir)