---
title: "എന്താ നേതാവേ....? ഇടുക്കിയിൽ എംഡിഎംഎയുമായി  ഡിവൈഎഫ്ഐ നേതാവ് ഉൾപ്പെടെ നാല് പേർ പൊലീസ് പിടിയിൽ"
english_title: " Idukki DYFI Leader Arrested With MDMA Hybrid Cannabis Thodupuzha Police"
publisher: "truevisionnews.com"
canonical_url: "https://truevisionnews.com/news/379145/idukki-dyfi-leader-arrested-mdma-thodupuzha-police"
published_at: "2026-08-19T10:41:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a853c837d8f5_idukki-dyfi-leader-arrested-mdma-thodupuzha-police.jpg"
keywords: ["DYFI Leader", "MDMA Seizure", "Drug Arrest", "MDMA Case"]
---

# എന്താ നേതാവേ....? ഇടുക്കിയിൽ എംഡിഎംഎയുമായി  ഡിവൈഎഫ്ഐ നേതാവ് ഉൾപ്പെടെ നാല് പേർ പൊലീസ് പിടിയിൽ

> **Lead Summary:** **ഇടുക്കി: **രാസലഹരിയുമായി ഡിവൈഎഫ്ഐ നേതാവുൾപ്പെടെ നാലുപേരെ തൊടുപുഴ പൊലീസ് അറസ്റ്റ് ചെയ്തു. ഇന്നു പുലർച്ചെ തൊടുപുഴ ഇടവെട്ടിയിൽ നടത്തിയ പരിശോധനയിലാണ് സംഭവം. പിടിയിലായവരിൽ നിന്ന് 18.18 ഗ്രാം എംഡിഎംഎയും 10 ഗ്രാം ഹൈബ്രിഡ് കഞ്ചാവും കണ്ടെടുത്തതായി പൊലീസ് അറിയിച്ചു. അറസ്റ്റിലായവർ ഡിവൈഎഫ്ഐ തെക്കുംഭാഗം മേഖല സെക്രട്ടറിയും ബ്ലോക്ക് കമ്മിറ്റി അംഗവുമായ ടിഎസ് ഷിയാസ്, ആഷിക്, നിഹാൻ, ആർഷിദ് എന്നിവരാണെന്ന് തൊടുപുഴ പൊലീസ് പറഞ്ഞു.

## Article Content

**ഇടുക്കി: **രാസലഹരിയുമായി ഡിവൈഎഫ്ഐ നേതാവുൾപ്പെടെ നാലുപേരെ തൊടുപുഴ പൊലീസ് അറസ്റ്റ് ചെയ്തു. ഇന്നു പുലർച്ചെ തൊടുപുഴ ഇടവെട്ടിയിൽ നടത്തിയ പരിശോധനയിലാണ് സംഭവം. പിടിയിലായവരിൽ നിന്ന് 18.18 ഗ്രാം എംഡിഎംഎയും 10 ഗ്രാം ഹൈബ്രിഡ് കഞ്ചാവും കണ്ടെടുത്തതായി പൊലീസ് അറിയിച്ചു. അറസ്റ്റിലായവർ ഡിവൈഎഫ്ഐ തെക്കുംഭാഗം മേഖല സെക്രട്ടറിയും ബ്ലോക്ക് കമ്മിറ്റി അംഗവുമായ ടിഎസ് ഷിയാസ്, ആഷിക്, നിഹാൻ, ആർഷിദ് എന്നിവരാണെന്ന് തൊടുപുഴ പൊലീസ് പറഞ്ഞു.

പൊലീസിന്റെ വെളിപ്പെടുത്തൽ പ്രകാരം തൊടുപുഴ ബ്ലോക്ക് പഞ്ചായത്തിലേക്ക് എൽഡിഎഫ് സ്ഥാനാർത്ഥിയായി മത്സരിച്ച ആളാണ് ടിഎസ് ഷിയാസ്. ഇടവെട്ടി ഭാഗത്ത് ലഹരി ഇടപാട് നടക്കുന്നതായി ലഭിച്ച രഹസ്യ വിവരത്തിന്റെ അടിസ്ഥാനത്തിൽ പൊലീസ് നടത്തിയ പരിശോധനയിലാണ് ഇവരെ പിടികൂടിയത്. വാഹനത്തിൽ സഞ്ചരിക്കുകയായിരുന്ന നാലുപേരെയും കസ്റ്റഡിയിലെടുത്ത് പരിശോധിച്ചപ്പോഴാണ് ലഹരി വസ്തുക്കൾ കണ്ടെടുത്തതെന്ന് പൊലീസ് അറിയിച്ചു.

പിടിച്ചെടുത്ത എംഡിഎംഎയുടെ അളവ് 18.18 ഗ്രാം ആണെന്നും കൂടാതെ 10 ഗ്രാം ഹൈബ്രിഡ് കഞ്ചാവും കണ്ടെടുത്തതായും പൊലീസ് പറഞ്ഞു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.സംഭവത്തിൽ എൻഡിപിഎസ് നിയമപ്രകാരം കേസെടുത്ത് തൊടുപുഴ പൊലീസ് അന്വേഷണം ആരംഭിച്ചിട്ടുണ്ട്. ലഹരി ഇവർക്ക് എവിടെ നിന്ന് ലഭിച്ചു, ആർക്ക് വേണ്ടിയായിരുന്നു കൈമാറ്റം എന്നിവയെക്കുറിച്ച് കൂടുതൽ അന്വേഷണം നടത്തുമെന്ന് പൊലീസ് അറിയിച്ചു.

ലഹരി വിൽപ്പനയും ഉപയോഗവും തടയുന്നതിന്റെ ഭാഗമായി ജില്ലയിൽ പൊലീസ് പരിശോധനകൾ ശക്തമാക്കിയിട്ടുണ്ട്. സ്കൂൾ, കോളേജ് പരിസരങ്ങൾ കേന്ദ്രീകരിച്ചും രാത്രികാല പട്രോളിങ്ങും വാഹന പരിശോധനയും നടത്തി വരികയാണെന്ന് പൊലീസ് അറിയിച്ചു.

**English Summary:**

Four people including a DYFI leader were arrested by Thodupuzha Police in Idukki early today from Idavetti. Police seized 18.18 grams of MDMA and 10 grams of hybrid cannabis from them. The arrested have been identified as TS Shiyas, DYFI Thekkumbhagam area secretary and block committee member, and Ashik, Nihan, and Arshid. According to police, Shiyas had contested as an LDF candidate to Thodupuzha Block Panchayat. A case has been registered under NDPS Act and further investigation is ongoing to trace the source of the drugs.

### Related Links & Sources
- [Original Story Source](https://truevisionnews.com/news/379145/idukki-dyfi-leader-arrested-mdma-thodupuzha-police)