---
title: "ബിജെപിയില്‍ വന്‍ അഴിച്ചുപണി....! സ്മൃതി ഇറാനി ജനറല്‍ സെക്രട്ടറി; കെ. സുരേന്ദ്രനും അനില്‍ ആന്റണിയും ദേശീയ സെക്രട്ടറിമാര്‍, അബ്ദുള്ളക്കുട്ടി പുറത്ത്"
english_title: "BJP Announces New National Office Bearers List, Anil Antony And K Surendran From Kerala As Secretaries"
publisher: "truevisionnews.com"
canonical_url: "https://truevisionnews.com/news/378931/bjp-national-office-bearers-list-2026-anil-antony-k-surendran"
published_at: "2026-08-17T15:40:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6a82de4012313_bjp-national-office-bearers-list-2026-anil-antony-k-surendran.jpg"
keywords: ["BJP", "BJP National Office Bearers", "Anil Antony", "K Surendran", "Kerala BJP", "Smriti Irani"]
---

# ബിജെപിയില്‍ വന്‍ അഴിച്ചുപണി....! സ്മൃതി ഇറാനി ജനറല്‍ സെക്രട്ടറി; കെ. സുരേന്ദ്രനും അനില്‍ ആന്റണിയും ദേശീയ സെക്രട്ടറിമാര്‍, അബ്ദുള്ളക്കുട്ടി പുറത്ത്

> **Lead Summary:** ഡൽഹി: ബിജെപി ദേശീയ നേതൃത്വത്തിൽ അഴിച്ചുപണി. പുതിയ ബിജെപി ദേശീയ ഭാരവാഹികളുടെ പട്ടിക പാർട്ടി പ്രഖ്യാപിച്ചു. 13 വൈസ് പ്രസിഡന്റുമാരും എട്ട് ജനറൽ സെക്രട്ടറിമാരും ഉൾപ്പെടുന്നതാണ് പുതിയ പട്ടിക.

## Article Content

ഡൽഹി: ബിജെപി ദേശീയ നേതൃത്വത്തിൽ അഴിച്ചുപണി. പുതിയ ബിജെപി ദേശീയ ഭാരവാഹികളുടെ പട്ടിക പാർട്ടി പ്രഖ്യാപിച്ചു. 13 വൈസ് പ്രസിഡന്റുമാരും എട്ട് ജനറൽ സെക്രട്ടറിമാരും ഉൾപ്പെടുന്നതാണ് പുതിയ പട്ടിക.

കേരളത്തിൽ നിന്ന് രണ്ട് പേർ ദേശീയ സെക്രട്ടറിമാരാകും. അനിൽ ആന്റണിയും കെ സുരേന്ദ്രനുമാണ് ദേശീയ സെക്രട്ടറി സ്ഥാനത്തേക്ക് തിരഞ്ഞെടുക്കപ്പെട്ടത്. അനിൽ ആന്റണി നിലവിൽ ദേശീയ സെക്രട്ടറിയായി തുടരും.

പുനഃസംഘടനയുടെ ഭാഗമായി ദേശീയ വൈസ് പ്രസിഡന്റ് സ്ഥാനത്തുനിന്ന് അബ്ദുള്ളക്കുട്ടിയെ മാറ്റി. ബി.എൽ. സന്തോഷ് സംഘടന ചുമതലയുള്ള ജനറൽ സെക്രട്ടറിയായി തുടരും. പീയുഷ് ഗോയലിനെ ദേശീയ ട്രഷററായി നിയമിച്ചു.

ഹേമന്ത് ജോഷി യുവമോർച്ച ദേശീയ അധ്യക്ഷനാകും. വസുന്തര രാജെ സിദ്ധ്യ ഉപാധ്യക്ഷയാകും. രാം മാധവ് ബിജെപി ദേശീയ ഉപാധ്യക്ഷനാകും. സ്മൃതി ഇറാനി ദേശീയ ജനറൽ സെക്രട്ടറിയായി നിയമിതയായി.

അനുഭവസമ്പത്തും പുതലമുറയുടെ ഊർജ്ജവും ഒരേപോലെ സംയോജിപ്പിക്കാനാണ് ബിജെപി ഈ പുനഃസംഘടനയിലൂടെ ലക്ഷ്യമിടുന്നതെന്ന് പാർട്ടി വൃത്തങ്ങൾ വ്യക്തമാക്കുന്നു.

2027-ൽ നടക്കാനിരിക്കുന്ന നിർണ്ണായകമായ നിയമസഭാ തിരഞ്ഞെടുപ്പുകളെ മുന്നിൽ കണ്ടുകൊണ്ടാണ് ഈ മാറ്റങ്ങൾ വരുത്തുന്നതെന്ന് വിലയിരുത്തപ്പെടുന്നു. പാർട്ടിക്കുള്ളിലെ തലമുറമാറ്റത്തിന്റെ വ്യക്തമായ സൂചന നൽകുന്നതാണ് ഈ സംഘടനാ പുനഃസംഘടന.

യുവത്വം, സ്ത്രീ പ്രാതിനിധ്യം, പ്രാദേശിക സംതുലനം എന്നിവയിൽ ഊന്നിയുള്ള പുതിയ ഘടന ബിജെപിയുടെ ദേശീയ തന്ത്രങ്ങളിൽ വലിയ സ്വാധീനം ചെലുത്തുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.

**English Summary:**

The BJP announced its new list of national office bearers. The list includes 13 Vice Presidents and 8 General Secretaries. From Kerala, Anil Antony and K Surendran have been appointed as National Secretaries. Anil Antony will continue as National Secretary. Abdullakutty was removed from the post of National Vice President. BL Santosh continues as General Secretary in charge of organization. Piyush Goyal was appointed National Treasurer. Smriti Irani, Ram Madhav and others were given key posts. The reshuffle is seen as preparation for the crucial 2027 assembly elections, focusing on youth, women representation and regional balance.

### Related Links & Sources
- [Original Story Source](https://truevisionnews.com/news/378931/bjp-national-office-bearers-list-2026-anil-antony-k-surendran)