---
title: " പുറത്തിറങ്ങുമ്പോൾ കുട കൈയ്യിൽ കരുതണേ! കോഴിക്കോട് ഉൾപ്പെടെ  നാല് ജില്ലകളിൽ ശക്തമായ മഴയ്ക്ക് സാധ്യത, ജാഗ്രതാ നിർദ്ദേശം "
english_title: "Kerala Weather Update Yellow Alert Four Districts Kallakadal Warning"
publisher: "truevisionnews.com"
canonical_url: "https://truevisionnews.com/news/378913/kerala-weather-august-18-yellow-alert-kallakadal"
published_at: "2026-08-17T13:52:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a82c5cc78587_kerala-weather-august-18-yellow-alert-kallakadal.jpg"
keywords: ["Kerala Weather", "Yellow Alert", "Rain", "Kerala Rain"]
---

#  പുറത്തിറങ്ങുമ്പോൾ കുട കൈയ്യിൽ കരുതണേ! കോഴിക്കോട് ഉൾപ്പെടെ  നാല് ജില്ലകളിൽ ശക്തമായ മഴയ്ക്ക് സാധ്യത, ജാഗ്രതാ നിർദ്ദേശം 

> **Lead Summary:** **തിരുവനന്തപുരം: **കേരളത്തിൽ നാളെ (ഓഗസ്റ്റ് 18) ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ ഭാഗമായി കോട്ടയം, എറണാകുളം, കണ്ണൂർ, കാസർകോട് എന്നീ നാല് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്.

## Article Content

**തിരുവനന്തപുരം: **കേരളത്തിൽ നാളെ (ഓഗസ്റ്റ് 18) ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ ഭാഗമായി കോട്ടയം, എറണാകുളം, കണ്ണൂർ, കാസർകോട് എന്നീ നാല് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്.

അതേസമയം, ഇന്ന് എല്ലാ ജില്ലകളിലും നേരിയതോ ഇടത്തരമോ ആയ മഴയ്ക്കാണ് സാധ്യതയെന്നും ഒരു ജില്ലയിലും പ്രത്യേക മുന്നറിയിപ്പുകൾ നൽകിയിട്ടില്ലെന്നും അധികൃതർ അറിയിച്ചു. അടുത്ത മൂന്ന് മണിക്കൂറിനുള്ളിൽ മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ട്.

ഇതിനുപുറമെ, കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് നാളെ രാത്രി 11:30 വരെ 0.9 മുതൽ 1.5 മീറ്റർ വരെ ഉയർന്ന തിരമാലകൾക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം മുന്നറിയിപ്പ് നൽകി.

കന്യാകുമാരി തീരത്തും നാളെ രാത്രി 11:30 വരെ 1.3 മുതൽ 1.5 മീറ്റർ വരെ ഉയർന്ന തിരമാലകൾ ഉണ്ടാകാൻ സാധ്യതയുണ്ട്. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് കാലാവസ്ഥാ കേന്ദ്രം കർശന നിർദേശം നൽകിയിട്ടുണ്ട്.

English Summary:

The IMD has issued a Yellow Alert for Kottayam, Ernakulam, Kannur and Kasaragod districts for August 18 due to likely isolated heavy rain. Today, light to moderate rain is expected statewide with no warnings. Moderate rain is likely in Malappuram, Kozhikode, Wayanad, Kannur and Kasaragod in the next 3 hours. NCOES has also warned of sea surge and waves up to 1.5m along Kerala coast till 11:30 PM tomorrow. Fishermen and coastal residents are advised to remain cautious.

### Related Links & Sources
- [Original Story Source](https://truevisionnews.com/news/378913/kerala-weather-august-18-yellow-alert-kallakadal)