---
title: "സ്വകാര്യ നഴ്‌സിങ് കോളേജ് കെട്ടിടത്തിന്റെ മുകളിൽ നിന്ന് ചാടി വിദ്യാർഥിനി മരിച്ചു; അധ്യാപകരിൽ നിന്ന് മാനസിക പീഡനമെന്ന ആരോപണവുമായി കുടുംബം"
english_title: "Nursing Student Dies After Jumping From College Building In Tamil Nadu, Parents Allege Harassment"
publisher: "truevisionnews.com"
canonical_url: "https://truevisionnews.com/news/378805/nursing-student-dies-jumping-kanyakumari-college"
published_at: "2026-08-16T16:41:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a819b326f84c_nursing-student-dies-jumping-kanyakumari-college.jpg"
keywords: ["Nursing Student", "Suicide", "Harassment Allegation"]
---

# സ്വകാര്യ നഴ്‌സിങ് കോളേജ് കെട്ടിടത്തിന്റെ മുകളിൽ നിന്ന് ചാടി വിദ്യാർഥിനി മരിച്ചു; അധ്യാപകരിൽ നിന്ന് മാനസിക പീഡനമെന്ന ആരോപണവുമായി കുടുംബം

> **Lead Summary:** തിരുവനന്തപുരം: മാർത്താണ്ഡത്തെ സ്വകാര്യ നഴ്‌സിങ് കോളേജ് കെട്ടിടത്തിന്റെ മുകളിൽ നിന്ന് ചാടിയ വിദ്യാർഥിനി മരിച്ചു. നെയ്യാറ്റിൻകര കത്തിപ്പാറ സ്വദേശിനി അൻസിജി ആണ് മരിച്ചത്. നഴ്സിങ് കോളേജ് മൂന്നാം വർഷ വിദ്യാർഥിനിയായിരുന്നു.

## Article Content

തിരുവനന്തപുരം: മാർത്താണ്ഡത്തെ സ്വകാര്യ നഴ്‌സിങ് കോളേജ് കെട്ടിടത്തിന്റെ മുകളിൽ നിന്ന് ചാടിയ വിദ്യാർഥിനി മരിച്ചു. നെയ്യാറ്റിൻകര കത്തിപ്പാറ സ്വദേശിനി അൻസിജി ആണ് മരിച്ചത്. നഴ്സിങ് കോളേജ് മൂന്നാം വർഷ വിദ്യാർഥിനിയായിരുന്നു.

തമിഴ്‌നാട്ടിലെ കന്യാകുമാരി ജില്ലയിലെ കരുങ്കലിൽ പ്രവർത്തിക്കുന്ന സ്വകാര്യ നഴ്സിങ് കോളേജ് കെട്ടിടത്തിന്റെ മുകളിൽ നിന്നാണ് കഴിഞ്ഞ ദിവസം അൻസിജി ചാടിയത്. കൈകാലുകളും ശരീരഭാഗങ്ങളും ഒടിഞ്ഞ നിലയിൽ കണ്ടെത്തിയ വിദ്യാർഥിനിയെ നെയ്യാറ്റിൻകരയിലെ സ്വകാര്യ ആശുപത്രിയിൽ പ്രവേശിപ്പിച്ചു.

തുടർന്ന് തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റിയെങ്കിലും ചികിത്സയിലിരിക്കെ മരിച്ചു. മൃതദേഹം തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.

കോളേജ് അധ്യാപകരിൽ നിന്നുള്ള മാനസിക പീഡനത്തെ തുടർന്ന് മകൾ ജീവനൊടുക്കിയതെന്നാണ് മാതാപിതാക്കളുടെ ആരോപണം. കോളേജ് ഹോസ്റ്റലിൽ താമസിച്ചിരുന്ന വിദ്യാർഥിനി ഉൾപ്പെടെയുള്ളവർ മോശം ഭക്ഷണം ചൂണ്ടിക്കാട്ടി ഏതാനും മാസങ്ങൾക്ക് മുമ്പ് സമരപരിപാടികൾ നടത്തിയിരുന്നു.

തുടർന്ന് സമരം ചെയ്ത വിദ്യാർഥികളെ അന്ന് കോളേജ് ഹോസ്റ്റലിൽ നിന്ന് പുറത്താക്കി. ഇതിനുശേഷം സ്വകാര്യ ഹോസ്റ്റലിൽ നിന്ന് പഠിക്കുന്ന ഈ വിദ്യാർഥികളെ അധ്യാപകരും മാനേജ്‌മെന്റ് അധികൃതരും മാനസികമായി പീഡിപ്പിക്കാറുണ്ടെന്ന് കുട്ടിയുടെ രക്ഷിതാക്കൾ നൽകിയ പരാതിയിൽ ആരോപിക്കുന്നു.

എന്നാൽ, ഈ ആരോപണം കോളേജ് അധികൃതർ നിഷേധിച്ചു. വിദ്യാർഥിനി കോളേജിൽ മൊബൈൽ ഫോണുമായി എത്തിയത് പരിശോധിക്കുക മാത്രമാണ് ചെയ്തതെന്നും ഉയർന്ന ആരോപണങ്ങളും പരാതികളും അടിസ്ഥാനരഹിതമാണെന്നും അധികൃതർ പറയുന്നു. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.

### Related Links & Sources
- [Original Story Source](https://truevisionnews.com/news/378805/nursing-student-dies-jumping-kanyakumari-college)