---
title: " വെള്ളച്ചാട്ടത്തിൽ കുളിക്കാനിറങ്ങിയ യുവാവിന് ഒഴുക്കിൽപ്പെട്ട് ദാരുണാന്ത്യം "
english_title: "Youth Drowns At Chottupara Waterfalls Near Vagamon In Idukki"
publisher: "truevisionnews.com"
canonical_url: "https://truevisionnews.com/news/378795/vagamon-chottupara-waterfall-youth-drowns"
published_at: "2026-08-16T15:59:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a8191d483f5d_vagamon-chottupara-waterfall-youth-drowns.jpg"
keywords: ["Drowning", "Waterfall Accident", "Drowned Death", "Idukki News"]
---

#  വെള്ളച്ചാട്ടത്തിൽ കുളിക്കാനിറങ്ങിയ യുവാവിന് ഒഴുക്കിൽപ്പെട്ട് ദാരുണാന്ത്യം 

> **Lead Summary:** ഇടുക്കി: വാഗമണ്ണിന് സമീപം ചോറ്റുപാറ വെള്ളച്ചാട്ടത്തിൽ കുളിക്കാനിറങ്ങിയ യുവാവ് ഒഴുക്കിൽപ്പെട്ട് മരിച്ചു. കോട്ടയം കുറിച്ചി സ്വദേശി പ്രത്യാശ് ആണ് മരിച്ചത്. ഞായറാഴ്ച രാവിലെ ഒൻപത് മണിയോടെയായിരുന്നു സംഭവം.

## Article Content

ഇടുക്കി: വാഗമണ്ണിന് സമീപം ചോറ്റുപാറ വെള്ളച്ചാട്ടത്തിൽ കുളിക്കാനിറങ്ങിയ യുവാവ് ഒഴുക്കിൽപ്പെട്ട് മരിച്ചു. കോട്ടയം കുറിച്ചി സ്വദേശി പ്രത്യാശ് ആണ് മരിച്ചത്. ഞായറാഴ്ച രാവിലെ ഒൻപത് മണിയോടെയായിരുന്നു സംഭവം.

ചോറ്റുപാറയിലെ ഒരു റിസോർട്ടിൽ താമസിക്കാനെത്തിയ അഞ്ചംഗ സംഘത്തിലൊരാളായിരുന്നു പ്രത്യാശ്. റിസോർട്ടിന് സമീപത്തുള്ള വെള്ളച്ചാട്ടത്തിൽ കുളിക്കാൻ ഇറങ്ങുന്നതിനിടെ കാൽവഴുതി വീഴുകയായിരുന്നുവെന്ന് ഒപ്പമുണ്ടായിരുന്നവർ പറയുന്നു.

അപകടം കണ്ട് കൂടെയുണ്ടായിരുന്നവർ ബഹളം വെച്ച് നാട്ടുകാരെ വിളിച്ചുകൂട്ടി. ഉടൻ രക്ഷാപ്രവർത്തനം ആരംഭിച്ചെങ്കിലും യുവാവ് ചെളിയിൽ താഴ്ന്നുപോയതിനാൽ രക്ഷപ്പെടുത്താനായില്ല.

തുടർന്ന് സ്ഥലത്തെത്തിയ ഫയർഫോഴ്സ് സംഘമാണ് മൃതദേഹം പുറത്തെടുത്തത്. മഴക്കാലമായതിനാൽ പ്രദേശത്തെ തോടുകളിലും വെള്ളച്ചാട്ടങ്ങളിലും ശക്തമായ നീരൊഴുക്കുള്ള സമയമാണിത്.

ഇത്തരം സ്ഥലങ്ങളിലെ അപകടകരമായ സാഹചര്യങ്ങളെക്കുറിച്ച് ധാരണയില്ലാതെ വിനോദസഞ്ചാരികൾ വെള്ളത്തിൽ ഇറങ്ങുന്നത് വലിയ ദുരന്തങ്ങൾക്ക് വഴിവെക്കുന്നതായി നാട്ടുകാർ ചൂണ്ടിക്കാട്ടുന്നു. പ്രാദേശികമായ ഇത്തരം വെള്ളച്ചാട്ടങ്ങളിൽ മതിയായ സുരക്ഷാ ക്രമീകരണങ്ങൾ ഇല്ലാത്തതും അപകടസാധ്യത വർധിപ്പിക്കുന്നതായി പരാതിയുണ്ട്.

വിനോദസഞ്ചാര കേന്ദ്രങ്ങളിൽ രക്ഷാപ്രവർത്തകർക്കൊപ്പം മുന്നറിയിപ്പ് ബോർഡുകളും കരുതൽ നടപടികളും ഏർപ്പെടുത്തണമെന്ന ആവശ്യം ശക്തമായിട്ടുണ്ട്.

**English Summary:**

A 24-year-old man from Kurichy, Kottayam, named Prathyash drowned at Chottupara waterfalls near Vagamon in Idukki on Sunday around 9 AM. He was part of a five-member group staying at a resort and slipped while entering the waterfall for a bath. Despite immediate efforts by friends and locals, he was pulled under by strong currents and mud. The Fire Force later retrieved the body. The incident highlights safety concerns at tourist spots during monsoon, with locals calling for better warning systems and safety measures at such waterfalls.

### Related Links & Sources
- [Original Story Source](https://truevisionnews.com/news/378795/vagamon-chottupara-waterfall-youth-drowns)