---
title: "കെഎസ്ആർടിസി ബസിൽ വിദ്യാർത്ഥിനിക്ക് നേരെ ലൈംഗികാതിക്രമം; പ്രതിക്കായി ലുക്ക് ഔട്ട് നോട്ടീസുമായി കൊണ്ടോട്ടി പൊലീസ്"
english_title: "Kondotti Police Issue Look Out Notice For KSRTC Bus Sexual Harassment Accused"
publisher: "truevisionnews.com"
canonical_url: "https://truevisionnews.com/news/378783/kondotti-police-lookout-notice-ksrtc-harassment-case"
published_at: "2026-08-16T15:01:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a8183e6c569f_kondotti-police-lookout-notice-ksrtc-harassment-case.jpg"
keywords: ["KSRTC", "Sexual Harassment", "Kondotti Police", "Look Out Notice"]
---

# കെഎസ്ആർടിസി ബസിൽ വിദ്യാർത്ഥിനിക്ക് നേരെ ലൈംഗികാതിക്രമം; പ്രതിക്കായി ലുക്ക് ഔട്ട് നോട്ടീസുമായി കൊണ്ടോട്ടി പൊലീസ്

> **Lead Summary:** മലപ്പുറം: കെഎസ്ആർടിസി ബസ്സിൽ വിദ്യാർത്ഥിനിക്ക് നേരെ ലൈംഗികാതിക്രമവും നഗ്നത പ്രദർശനവും നടത്തിയെന്ന പരാതിയിൽ പ്രതിക്കായി കൊണ്ടോട്ടി പൊലീസ് ലുക്ക് ഔട്ട് നോട്ടീസ് പുറത്തിറക്കി. പാലക്കാട് - കോഴിക്കോട് റൂട്ടിൽ ഓടുന്ന കെഎസ്ആർടിസി ബസിലാണ് സംഭവമെന്ന് പരാതിയിൽ പറയുന്നു.

## Article Content

മലപ്പുറം: കെഎസ്ആർടിസി ബസ്സിൽ വിദ്യാർത്ഥിനിക്ക് നേരെ ലൈംഗികാതിക്രമവും നഗ്നത പ്രദർശനവും നടത്തിയെന്ന പരാതിയിൽ പ്രതിക്കായി കൊണ്ടോട്ടി പൊലീസ് ലുക്ക് ഔട്ട് നോട്ടീസ് പുറത്തിറക്കി. പാലക്കാട് - കോഴിക്കോട് റൂട്ടിൽ ഓടുന്ന കെഎസ്ആർടിസി ബസിലാണ് സംഭവമെന്ന് പരാതിയിൽ പറയുന്നു.

മലപ്പുറം സ്വദേശിനിയായ വിദ്യാർത്ഥിനിക്കെതിരെയാണ് ലൈംഗികാതിക്രമവും നഗ്നത പ്രദർശനവും ഉണ്ടായതെന്നാണ് ആരോപണം.സംഭവം നടന്നയുടൻ ബസ് പൊലീസ് സ്റ്റേഷനിലേക്ക് കൊണ്ടുപോകാത്തതിൽ കണ്ടക്ടർക്കെതിരെയും പരാതിയുണ്ട്.

> "എന്തിന് ജനറൽ സീറ്റിൽ ഇരുന്നു" എന്ന് കണ്ടക്ടർ ചോദിച്ചതായി വിദ്യാർത്ഥിനി പറയുന്നു. സംഭവത്തിൽ പരാതിയുമായി മുന്നോട്ടു പോകാനാണ് വിദ്യാർത്ഥിനിയുടെ തീരുമാനം. ഇതിന്റെ അടിസ്ഥാനത്തിൽ കൊണ്ടോട്ടി പൊലീസ് കേസെടുത്ത് അന്വേഷണം ആരംഭിച്ചു.

പ്രതിയെ കുറിച്ച് വിവരം ലഭിക്കുന്നവർ ഉടൻ കൊണ്ടോട്ടി എസ്.എച്ച്.ഒയെയോ എസ്.ഐയെയോ അറിയിക്കണമെന്ന് പൊലീസ് അഭ്യർത്ഥിച്ചു. തിരിച്ചറിയുന്നവർ അടുത്തുള്ള പൊലീസ് സ്റ്റേഷനിൽ വിവരം അറിയിക്കണമെന്നും നിർദ്ദേശത്തിൽ പറയുന്നു.

പൊതുഗതാഗത സംവിധാനങ്ങളിൽ സ്ത്രീകളുടെയും വിദ്യാർത്ഥികളുടെയും സുരക്ഷ ഉറപ്പാക്കുന്നതുമായി ബന്ധപ്പെട്ട് കൂടുതൽ നടപടികൾ സ്വീകരിക്കേണ്ടതുണ്ടെന്ന ആവശ്യവും സംഭവത്തോടെ ശക്തമായിട്ടുണ്ട്. കേസിലെ കൂടുതൽ വിവരങ്ങൾ പൊലീസ് ശേഖരിച്ചു വരികയാണ്.

**English Summary:**

Kondotti Police in Malappuram have issued a look-out notice for the accused in a sexual harassment and indecent exposure case reported on a KSRTC bus operating on the Palakkad-Kozhikode route. According to the complaint, a female student from Malappuram was harassed on the bus. The student also alleged that the conductor did not take the bus to the police station immediately and questioned why she was sitting in the general seat. Police have registered a case and urged anyone with information about the accused to contact the Kondotti SHO or SI.

### Related Links & Sources
- [Original Story Source](https://truevisionnews.com/news/378783/kondotti-police-lookout-notice-ksrtc-harassment-case)