---
title: "സദ്യയിലെ ഒന്നാം നമ്പർ താരം! ചൂടുചോറിലേക്ക് പച്ചനെയ്യും കൂട്ടിയൊരു നാടൻ പരിപ്പുകറി എളുപ്പത്തിൽ ഉണ്ടാക്കാം"
english_title: "Kerala Parippu Curry Recipe: Easy Traditional Onam Sadya Recipe"
publisher: "truevisionnews.com"
canonical_url: "https://truevisionnews.com/news/378598/kerala-parippu-curry-recipe-onam-sadya"
published_at: "2026-08-15T09:58:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6a7feb1f02f20_kerala-parippu-curry-recipe-onam-sadya.jpg"
keywords: ["Kerala Parippu Curry", "Onam Sadya", "Parippu Curry Recipe", "Kerala Recipes", "Onam Recipes"]
---

# സദ്യയിലെ ഒന്നാം നമ്പർ താരം! ചൂടുചോറിലേക്ക് പച്ചനെയ്യും കൂട്ടിയൊരു നാടൻ പരിപ്പുകറി എളുപ്പത്തിൽ ഉണ്ടാക്കാം

> **Lead Summary:** **[** ഓണസദ്യയുടെ തുടക്കം തന്നെ കൊതിപ്പിക്കുന്ന രുചിയിലാണ്! ചൂടു മട്ടച്ചോറിലേക്ക് പപ്പടവും കൂട്ടിയുടച്ച്, പച്ചനെയ്യും ചേർത്ത് കഴിക്കുന്ന ആ നാടൻ പരിപ്പുകറി സദ്യയിലെ പ്രധാന താരമാണ്. വളരെ ലളിതമായി, അതേസമയം തികഞ്ഞ സദ്യ രുചിയിൽ വീടുകളിൽ തയ്യാറാക്കാവുന്ന നാടൻ കേരള പരിപ്പുകറിയുടെ റെസിപ്പി ഇതാ...**

## Article Content

**[** ഓണസദ്യയുടെ തുടക്കം തന്നെ കൊതിപ്പിക്കുന്ന രുചിയിലാണ്! ചൂടു മട്ടച്ചോറിലേക്ക് പപ്പടവും കൂട്ടിയുടച്ച്, പച്ചനെയ്യും ചേർത്ത് കഴിക്കുന്ന ആ നാടൻ പരിപ്പുകറി സദ്യയിലെ പ്രധാന താരമാണ്. വളരെ ലളിതമായി, അതേസമയം തികഞ്ഞ സദ്യ രുചിയിൽ വീടുകളിൽ തയ്യാറാക്കാവുന്ന നാടൻ കേരള പരിപ്പുകറിയുടെ റെസിപ്പി ഇതാ...**

ആവശ്യമായ സാധനങ്ങൾ

ചെറുപയർ പരിപ്പ്: 1 കപ്പ്

മഞ്ഞൾപ്പൊടി: ½ ടീസ്പൂൺ

വെള്ളം: 2 - 2½ കപ്പ്

ഉപ്പ്: ആവശ്യത്തിന്

തേങ്ങ ചിരകിയത്: 1 കപ്പ്

പച്ചമുളക്: 3 - 4 എണ്ണം

ജീരകം: ½ ടീസ്പൂൺ

വെളുത്തുള്ളി: 2 അല്ലി (ഓപ്ഷണൽ)

ചെറിയ ഉള്ളി (ചുമന്നുള്ളി): 2 എണ്ണം

നെയ്യ് (അല്ലെങ്കിൽ വെളിച്ചെണ്ണ): 2 ടേബിൾസ്പൂൺ

കടുക്: 1 ടീസ്പൂൺ

ചെറിയ ഉള്ളി: 4-5 എണ്ണം (പൊടിയായി അരിഞ്ഞത്)

വറ്റൽമുളക്: 2 എണ്ണം

കറിവേപ്പില: ആവശ്യത്തിന്

തയ്യാറാക്കുന്ന വിധം**

ഒരു പാനിൽ 1 കപ്പ് ചെറുപയർ പരിപ്പ് ഇട്ട് ചെറിയ തീയിൽ വറുത്തെടുക്കുക (കരിഞ്ഞു പോകരുത്, നല്ല മണം വരുമ്പോൾ തീ അണയ്ക്കാം).

ഈ പരിപ്പ് നന്നായി കഴുകിയ ശേഷം കുക്കറിലേക്ക് മാറ്റുക. അതിലേക്ക് 2 കപ്പ് വെള്ളം, ½ ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ് എന്നിവ ചേർത്ത് കുക്കറിൽ 2-3 വിസിൽ വരുന്നതുവരെ വേവിക്കുക. ആവി പോയ ശേഷം കുക്കർ തുറന്ന് തവി കൊണ്ട് പരിപ്പ് നന്നായി ഉടച്ചുവെക്കുക.

1 കപ്പ് ചിരകിയ തേങ്ങ, 3 പച്ചമുളക്, ½ ടീസ്പൂൺ ജീരകം, 2 ചെറിയ ഉള്ളി എന്നിവ അല്പം വെള്ളം ചേർത്ത് നല്ല പേസ്റ്റ് പോലെ അരച്ചെടുക്കുക. വേവിച്ച് ഉടച്ചുവെച്ചിരിക്കുന്ന പരിപ്പിലേക്ക് ഈ അരപ്പ് ഒഴിക്കുക. നന്നായി ഇളക്കി ചെറുതീയിൽ 3-4 മിനിറ്റ് തിളപ്പിക്കുക. കറി പാകത്തിന് കുറുകി വരുമ്പോൾ തീ ഓഫാക്കാം.

ഒരു ചെറിയ പാനിൽ 2 ടേബിൾസ്പൂൺ നെയ്യ് (അല്ലെങ്കിൽ വെളിച്ചെണ്ണ) ചൂടാക്കുക. അതിലേക്ക് 1 ടീസ്പൂൺ കടുക് ഇട്ട് പൊട്ടിക്കുക. ശേഷം പൊടിയായി അരിഞ്ഞ ചെറിയ ഉള്ളി, 2 വറ്റൽമുളക്, കുറച്ചു കറിവേപ്പില എന്നിവ ചേർത്ത് ഗോൾഡൻ നിറമാകുന്നതുവരെ മൂപ്പിക്കുക. ഇത് കറിയിലേക്ക് ഒഴിച്ച് നന്നായി ഇളക്കുക.  ചൂടുചോറിലേക്ക് ഈ കറിയും ഒരു സ്പൂൺ പച്ചനെയ്യും ചേർത്ത്, പപ്പടം പൊട്ടിച്ചിട്ട് കഴിക്കാം!

### Related Links & Sources
- [Original Story Source](https://truevisionnews.com/news/378598/kerala-parippu-curry-recipe-onam-sadya)