---
title: "കണ്ടില്ലെന്ന് നടിക്കല്ലേ അടുക്കളയിലെ നിധിയേ....! മുഖക്കുരുവും കരിവാളിപ്പും അകറ്റാം; ഉലുവ ഉപയോഗിച്ച് വീട്ടിൽ തന്നെ തയ്യാറാക്കാം ഫേസ് പാക്കുകൾ!"
english_title: "Benefits Of Fenugreek For Face Skin Glow Acne"
publisher: "truevisionnews.com"
canonical_url: "https://truevisionnews.com/news/378590/benefits-of-fenugreek-for-face-skin-care-new"
published_at: "2026-08-15T09:06:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/6a7fdee590ee8_benefits-of-fenugreek-for-face-skin-care.jpg"
keywords: ["Fenugreek", "Uluva", "Skin Care", "Face Pack"]
---

# കണ്ടില്ലെന്ന് നടിക്കല്ലേ അടുക്കളയിലെ നിധിയേ....! മുഖക്കുരുവും കരിവാളിപ്പും അകറ്റാം; ഉലുവ ഉപയോഗിച്ച് വീട്ടിൽ തന്നെ തയ്യാറാക്കാം ഫേസ് പാക്കുകൾ!

> **Lead Summary:** ** **ചർമ്മ സംരക്ഷണത്തിന് ഏറെ ഗുണപ്രദമായ ഒന്നാണ് ഉലുവ. ഇനി ഇതുമാത്രം ദിവസവും ഉപയോഗിച്ചാൽ മതിയാകും. ആന്റിഓക്‌സിഡന്റുകൾ, വിറ്റാമിൻ സി, എ, കെ, പൊട്ടാസ്യം, ആൻറി ബാക്ടീരിയൽ ഗുണങ്ങൾ എന്നിവയാൽ സമൃദ്ധമായ ഉലുവ മുഖ സൗന്ദര്യം വർദ്ധിപ്പിക്കാൻ മികച്ച രീതിയിൽ സഹായിക്കുന്നു.

## Article Content

** **ചർമ്മ സംരക്ഷണത്തിന് ഏറെ ഗുണപ്രദമായ ഒന്നാണ് ഉലുവ. ഇനി ഇതുമാത്രം ദിവസവും ഉപയോഗിച്ചാൽ മതിയാകും. ആന്റിഓക്‌സിഡന്റുകൾ, വിറ്റാമിൻ സി, എ, കെ, പൊട്ടാസ്യം, ആൻറി ബാക്ടീരിയൽ ഗുണങ്ങൾ എന്നിവയാൽ സമൃദ്ധമായ ഉലുവ മുഖ സൗന്ദര്യം വർദ്ധിപ്പിക്കാൻ മികച്ച രീതിയിൽ സഹായിക്കുന്നു.

പ്രധാന ഗുണങ്ങൾ

**മുഖക്കുരുവും പാടുകളും കുറയ്ക്കുന്നു:** ഉലുവയിലെ ആൻറി ബാക്ടീരിയൽ, ആന്റി-ഇൻഫ്ലമേറ്ററി ഗുണങ്ങൾ മുഖക്കുരുവിന് കാരണമാകുന്ന ബാക്ടീരിയകളെ നശിപ്പിക്കാനും വീക്കവും ചുവപ്പും കുറയ്ക്കാനും സഹായിക്കുന്നു.

**പ്രായമാകലിന്റെ ലക്ഷണങ്ങൾ തടയുന്നു : **ഇതിലടങ്ങിയിരിക്കുന്ന ആന്റിഓക്‌സിഡന്റുകൾ ചുളിവുകളും നേർത്ത വരകളും കുറയ്ക്കാനും ചർമ്മത്തിന്റെ ഇലാസ്തികത സംരക്ഷിക്കാനും സഹായിക്കും.**

ചർമ്മത്തിന് സ്വാഭാവിക തിളക്കം നൽകുന്നു: **ഉലുവ പതിവായി ഉപയോഗിക്കുന്നത് കറുത്ത പാടുകൾ, കരിവാളിപ്പ് (Sun tan), ഹൈപ്പർപിഗ്മന്റേഷൻ എന്നിവ അകറ്റി ചർമ്മത്തിന് തിളക്കം സമ്മാനിക്കും.

**ഈർപ്പം നിലനിർത്തുന്നു: **വരണ്ട ചർമ്മമുള്ളവർക്ക് ഉലുവ മികച്ചൊരു മോയിസ്ചറൈസറായി പ്രവർത്തിക്കുന്നു. ഇത് ചർമ്മത്തെ മൃദുവാക്കി നിലനിർത്താൻ സഹായിക്കും.

**എണ്ണമയം നിയന്ത്രിക്കുന്നു: **എണ്ണമയമുള്ള ചർമ്മമുള്ളവരിൽ അമിതമായ എണ്ണയുത്പാദനം തടയാനും ചർമ്മത്തിലെ സുഷിരങ്ങൾ ആഴത്തിൽ വൃത്തിയാക്കാനും ഇത് ഉത്തമമാണ്.

ഉപയോഗിക്കേണ്ട രീതി (ഫേസ് പാക്കുകൾ)

മുഖക്കുരു അകറ്റാൻ (ഉലുവ + തേൻ):

രാത്രി മുഴുവൻ കുതിർത്തുവെച്ച ഉലുവ നന്നായി അരച്ചെടുക്കുക. ഇതിലേക്ക് ഒരു സ്പൂൺ തേൻ ചേർത്ത് യോജിപ്പിച്ച് മുഖത്ത് പുരട്ടുക. 15-20 മിനിറ്റിനു ശേഷം സാധാരണ വെള്ളത്തിൽ കഴുകിക്കളയാം.

തിളക്കമുള്ള ചർമ്മത്തിന് (ഉലുവ + തൈര്):

അരച്ചെടുത്ത ഉലുവ പേസ്റ്റിലേക്ക് ഒരു സ്പൂൺ കട്ടത്തൈര് ചേർത്ത് ഫേസ് പാക്ക് തയ്യാറാക്കുക. ഇത് മുഖത്ത് പുരട്ടി ഉണങ്ങിയ ശേഷം കഴുകിക്കളയാം.

മുഖത്ത് ഉപയോഗിക്കുന്നത് പോലെ തന്നെ നല്ലതാണ് ഉലുവ വെള്ളം കുടിക്കുന്നതും. ഉലുവ കുതിർത്ത വെള്ളമോ തിളപ്പിച്ചുാറ്റിയ ഉലുവ വെള്ളമോ വെറും വയറ്റിൽ കുടിക്കുന്നത് ആരോഗ്യത്തിന് നിരവധി ഗുണങ്ങൾ നൽകുന്ന ഒന്നാണ്. ഇതിൽ അടങ്ങിയിരിക്കുന്ന വിറ്റാമിനുകളും ധാതുക്കളും ആന്റിഓക്‌സിഡന്റുകളും ശരീരത്തിന് ഏറെ ഉത്തമമാണ്.

പ്രമേഹം നിയന്ത്രിക്കാൻ സഹായിക്കുന്നു: രക്തത്തിലെ പഞ്ചസാരയുടെ അളവ് നിയന്ത്രണത്തിൽ നിർത്താൻ ഉലുവ വെള്ളം ഏറെ സഹായിക്കും. ഇൻസുലിന്റെ പ്രവർത്തനം മെച്ചപ്പെടുത്താനും ഇത് ഉത്തമമാണ്.

ശരീരഭാരം കുറയ്ക്കാൻ സഹായിക്കുന്നു: ഉലുവ വെള്ളം കുടിക്കുന്നത് ദഹനപ്രക്രിയ വേഗത്തിലാക്കാനും പെട്ടെന്ന് വിശപ്പ് അനുഭവപ്പെടുന്നത് തടയാനും സഹായിക്കും. ഇത് അമിതവണ്ണം കുറയ്ക്കാൻ സഹായിക്കും.

ദഹനം മെച്ചപ്പെടുത്തുന്നു: ദഹനസംബന്ധമായ പ്രശ്നങ്ങൾ, ഗ്യാസ്, അസിഡിറ്റി, മലബന്ധം എന്നിവ അകറ്റാൻ ഉലുവയിട്ട വെള്ളം കുടിക്കുന്നത് നല്ലൊരു പ്രതിവിധിയാണ്.

ചെറിയ തോതിലുള്ള കൊളസ്ട്രോൾ കുറയ്ക്കുന്നു: ശരീരത്തിലെ ചീത്ത കൊളസ്ട്രോളിന്റെ (LDL) അളവ് കുറയ്ക്കാനും ഹൃദയാരോഗ്യം സംരക്ഷിക്കാനും ഇത് സഹായിക്കും.

ചർമ്മത്തിന്റെയും മുടിയുടെയും ആരോഗ്യം: ആന്റിഓക്‌സിഡന്റുകളാൽ സമൃദ്ധമായതിനാൽ ഉലുവ വെള്ളം കുടിക്കുന്നത് ചർമ്മത്തിന് തിളക്കം നൽകാനും മുടി കൊഴിച്ചിൽ തടഞ്ഞ് കരുത്തോടെ വളരാനും സഹായിക്കും.

ശരീരത്തിലെ ചൂട് കുറയ്ക്കുന്നു: ശരീരത്തിന് തണുപ്പ് നൽകാനും അലർജി സംബന്ധമായ പ്രശ്നങ്ങൾ കുറയ്ക്കാനും ഇത് ഫലപ്രദമാണ്.

English Summary:

Fenugreek or uluva is rich in antioxidants, vitamins C, A, K, potassium and antibacterial properties, making it beneficial for skin care. It helps reduce acne and marks, adds natural glow, retains moisture, controls oiliness and may help reduce signs of aging. Common face packs include uluva with honey for acne and uluva with curd for glow. Experts recommend doing a patch test before first use to check for allergies.

### Related Links & Sources
- [Original Story Source](https://truevisionnews.com/news/378590/benefits-of-fenugreek-for-face-skin-care-new)