---
title: "'ഫേസ്ബുക്കിൽ പോസ്റ്റിട്ടത് താൻ തന്നെ'; ആഭ്യന്തര മന്ത്രിയെ അധിക്ഷേപിച്ച കേസ്; അർജുൻ ആയങ്കിയെ ഇന്ന് കോടതിയിൽ ഹാജരാക്കും"
english_title: "Arjun Ayangki To Be Produced In Thalassery Court In Ramesh Chennithala Abusive Post Case"
publisher: "truevisionnews.com"
canonical_url: "https://truevisionnews.com/news/378430/arjun-ayangki-produced-thalassery-court-ramesh-chennithala-case"
published_at: "2026-08-14T08:34:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a7e8603a7c63_arjun-ayangki-produced-thalassery-court-ramesh-chennithala-case.jpg"
keywords: ["Arjun Ayangki", "Ramesh Chennithala", "Kannur Police", "Facebook Post"]
---

# 'ഫേസ്ബുക്കിൽ പോസ്റ്റിട്ടത് താൻ തന്നെ'; ആഭ്യന്തര മന്ത്രിയെ അധിക്ഷേപിച്ച കേസ്; അർജുൻ ആയങ്കിയെ ഇന്ന് കോടതിയിൽ ഹാജരാക്കും

> **Lead Summary:** **കണ്ണൂർ: **ആഭ്യന്തരമന്ത്രി രമേശ് ചെന്നിത്തലയെ സമൂഹമാധ്യമത്തിലൂടെ അധിക്ഷേപിച്ച കേസിൽ അറസ്റ്റിലായ അർജുൻ ആയങ്കിയെ ഇന്ന് തലശ്ശേരി കോടതിയിൽ ഹാജരാക്കും. അഞ്ച് ദിവസത്തെ കസ്റ്റഡി കാലാവധി ഇന്നത്തോടെ അവസാനിക്കുന്നതിനാലാണ് നടപടി. 

## Article Content

**കണ്ണൂർ: **ആഭ്യന്തരമന്ത്രി രമേശ് ചെന്നിത്തലയെ സമൂഹമാധ്യമത്തിലൂടെ അധിക്ഷേപിച്ച കേസിൽ അറസ്റ്റിലായ അർജുൻ ആയങ്കിയെ ഇന്ന് തലശ്ശേരി കോടതിയിൽ ഹാജരാക്കും. അഞ്ച് ദിവസത്തെ കസ്റ്റഡി കാലാവധി ഇന്നത്തോടെ അവസാനിക്കുന്നതിനാലാണ് നടപടി. 

എറണാകുളത്ത് രജിസ്റ്റർ ചെയ്ത കേസിൽ അർജുൻ ആയങ്കിയെ കസ്റ്റഡിയിൽ വാങ്ങാൻ പൊലീസ് ഒരുങ്ങുന്നതായും അറിയുന്നു. കേസുമായി ബന്ധപ്പെട്ട് നിർണായക തെളിവുകൾ സൈബർ സംഘം പരിശോധിച്ചിരുന്നു. അർജുൻ ഒളിവിൽ കഴിഞ്ഞിരുന്ന തളിപ്പറമ്പിലെയും പയ്യന്നൂരിലെയും സ്ഥലങ്ങളിൽ കഴിഞ്ഞ ദിവസം പൊലീസ് സംഘം തെളിവെടുപ്പ് നടത്തി.

ഈ പരിശോധനയിൽ അർജുന്റെ മൊബൈൽ ഫോൺ ഉൾപ്പെടെയുള്ള നിർണായക തെളിവുകൾ കണ്ടെത്തിയതായാണ് പൊലീസിന്റെ നിലപാട്. അർജുൻ ആയങ്കിയുടെ മൊബൈൽ ഫോൺ കണ്ടെത്തിയതായി പൊലീസ് അറിയിച്ചു. ആഭ്യന്തരമന്ത്രിക്കെതിരെ പോസ്റ്റിടാൻ ഉപയോഗിച്ചതെന്ന് കരുതുന്ന ഫോണാണ് ഇത്.

അഭിഭാഷകയുടെ അപ്പാർട്ട്മെന്റിനു സമീപത്തെ ഷൂറാക്കിനുള്ളിൽ നിന്നാണ് മൊബൈൽ ഫോൺ ലഭിച്ചതെന്നും പൊലീസ് പറയുന്നു. കേസിൽ അർജുൻ ആയങ്കി അന്വേഷണ സംഘത്തിന് മൊഴി നൽകിയിട്ടുണ്ട്. പൊലീസുദ്യോഗസ്ഥരെയും ആഭ്യന്തരമന്ത്രിയെയും വെല്ലുവിളിച്ച് ഫേസ്ബുക്കിൽ കുറിപ്പിട്ടത് താൻ തന്നെയാണെന്ന് അദ്ദേഹം മൊഴിയിൽ വ്യക്തമാക്കി.

ഒളിവിൽ കഴിഞ്ഞ സ്ഥലങ്ങളിലെ വൈഫൈ കണക്ഷനാണ് ഇതിനായി ഉപയോഗിച്ചതെന്നും മൊഴിയിലുണ്ട്. സമൂഹമാധ്യമത്തിലൂടെ ആഭ്യന്തരമന്ത്രിയെ അധിക്ഷേപിച്ച കേസിൽ കസ്റ്റഡിയിൽ വാങ്ങിയ അർജുൻ ആയങ്കിയെ കണ്ണൂർ സൈബർ എസ്എച്ച്ഒയുടെ നേതൃത്വത്തിലാണ് ചോദ്യം ചെയ്തത്. തന്റെ ഫേസ്ബുക്ക് അക്കൗണ്ട് മറ്റാരും കൈകാര്യം ചെയ്തിട്ടില്ലെന്നും തന്റെ ഐഫോണിൽ നിന്നാണ് ഫേസ്ബുക്ക് അക്കൗണ്ട് ഉപയോഗിച്ചതെന്നും അർജുൻ മൊഴി നൽകിയതായും പൊലീസ് വ്യക്തമാക്കി.

English Summary:

Arjun Ayangki, arrested for allegedly abusing Home Minister Ramesh Chennithala on social media, will be produced before Thalassery court today as his five-day custody ends. Police claim to have recovered his mobile phone, allegedly used to post against the minister, from near a lawyer's apartment. According to police, Arjun confessed to posting the content using WiFi from hideouts in Thalipparamba and Payyanur and from friends' phones. He is also wanted in a case registered in Ernakulam.

### Related Links & Sources
- [Original Story Source](https://truevisionnews.com/news/378430/arjun-ayangki-produced-thalassery-court-ramesh-chennithala-case)