---
title: "ലൈംഗിക അധിക്ഷേപം ചൊരിയുന്ന വാക്കുകള്‍; സ്ത്രീകള്‍ക്കെതിരെ അധിക്ഷേപ പരാമര്‍ശം, ആരിഫ് ഹുസൈനെതിരെ ഡിജിപിക്ക് പരാതി"
english_title: "Complaint Filed Against Ex-Muslim Activist Arif Hussain For Alleged Abusive Remarks Against Women"
publisher: "truevisionnews.com"
canonical_url: "https://truevisionnews.com/news/378427/complaint-against-arif-hussain-abusive-remarks-women"
published_at: "2026-08-14T08:15:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a7e835d876e9_complaint-against-arif-hussain-abusive-remarks-women.jpg"
keywords: ["Abusive Facebook Post", "Arif Hussain", "Abdullah Basil", "DGP Complaint", "Women Abuse"]
---

# ലൈംഗിക അധിക്ഷേപം ചൊരിയുന്ന വാക്കുകള്‍; സ്ത്രീകള്‍ക്കെതിരെ അധിക്ഷേപ പരാമര്‍ശം, ആരിഫ് ഹുസൈനെതിരെ ഡിജിപിക്ക് പരാതി

> **Lead Summary:** **കോഴിക്കോട്: **സ്ത്രീകള്‍ക്കെതിരെ അധിക്ഷേപ പരാമര്‍ശം നടത്തിയെന്നാരോപിച്ച് എക്സ് മുസ്ലിം ആക്ടിവിസ്റ്റ് ആരിഫ് ഹുസൈനെതിരെ ഇസ്‌ലാമിക പ്രഭാഷകന്‍ അബ്ദുള്ള ബാസില്‍ ഡിജിപിക്ക് പരാതി നല്‍കി. ലൈംഗിക അധിക്ഷേപം ചൊരിയുന്ന വാക്കുകള്‍ ഉപയോഗിച്ചുള്ള ഫേസ്ബുക്ക് പോസ്റ്റിനെ മുന്‍നിര്‍ത്തിയാണ് പരാതി നല്‍കിയിരിക്കുന്നതെന്ന് അബ്ദുള്ള ബാസില്‍ പരാതിയില്‍ പറയുന്നു.

## Article Content

**കോഴിക്കോട്: **സ്ത്രീകള്‍ക്കെതിരെ അധിക്ഷേപ പരാമര്‍ശം നടത്തിയെന്നാരോപിച്ച് എക്സ് മുസ്ലിം ആക്ടിവിസ്റ്റ് ആരിഫ് ഹുസൈനെതിരെ ഇസ്‌ലാമിക പ്രഭാഷകന്‍ അബ്ദുള്ള ബാസില്‍ ഡിജിപിക്ക് പരാതി നല്‍കി. ലൈംഗിക അധിക്ഷേപം ചൊരിയുന്ന വാക്കുകള്‍ ഉപയോഗിച്ചുള്ള ഫേസ്ബുക്ക് പോസ്റ്റിനെ മുന്‍നിര്‍ത്തിയാണ് പരാതി നല്‍കിയിരിക്കുന്നതെന്ന് അബ്ദുള്ള ബാസില്‍ പരാതിയില്‍ പറയുന്നു.

പരാതിയില്‍ പറയുന്നത് പ്രകാരം, അബ്ദുള്ള ബാസിലിന്റെ മാതാവിനെയും സഹോദരിയെയും ആരിഫ് ഹുസൈന്‍ അധിക്ഷേപിച്ചു. ഇവരോടൊപ്പം മറ്റ് മുസ്‌ലിം സ്ത്രീകളെയും ആരിഫ് ഹുസൈന്‍ അധിക്ഷേപിച്ചതായി പരാതിയില്‍ ആരോപിക്കുന്നു. പരാതി ലഭിച്ചതായും പരിശോധിക്കുമെന്നും മുഖ്യമന്ത്രിയുടെ ഓഫീസില്‍ നിന്നും ഡിജിപിയില്‍ നിന്നും ഉറപ്പ് ലഭിച്ചതായി അബ്ദുള്ള ബാസില്‍ ഫേസ്ബുക്ക് പോസ്റ്റിലൂടെ അറിയിച്ചു.

ലൈംഗിക അധിക്ഷേപം ന്യായീകരിക്കുന്നവര്‍ക്കെതിരെയുള്ള നിയമനടപടികളും ആലോചനയിലുണ്ടെന്ന് അബ്ദുള്ള ബാസില്‍ വ്യക്തമാക്കി.സോഷ്യല്‍ മീഡിയയിലൂടെയുള്ള സ്ത്രീകള്‍ക്കെതിരായ അധിക്ഷേപങ്ങള്‍ വര്‍ധിച്ചു വരുന്ന സാഹചര്യത്തില്‍ കര്‍ശന നടപടി വേണമെന്നും പരാതിയില്‍ ആവശ്യപ്പെടുന്നു. പൊലീസ് പരാതി പരിശോധിച്ച് നിയമപരമായ നടപടികള്‍ സ്വീകരിക്കുമെന്നാണ് പ്രതീക്ഷിക്കുന്നതെന്നും അബ്ദുള്ള ബാസില്‍ കൂട്ടിച്ചേര്‍ത്തു.

പരാതിയിലെ ആരോപണങ്ങളെ കുറിച്ച് ആരിഫ് ഹുസൈന്റെ പ്രതികരണം ഇതുവരെ ലഭ്യമായിട്ടില്ല. പരാതിയുടെ അടിസ്ഥാനത്തില്‍ പൊലീസ് നടത്തുന്ന അന്വേഷണത്തിന് ശേഷം മാത്രമേ കൂടുതല്‍ വിവരങ്ങള്‍ വ്യക്തമാകൂ.

**English Summary:**

Islamic speaker Abdullah Basil has filed a complaint with the DGP against ex-Muslim activist Arif Hussain alleging abusive remarks against women. According to the complaint, Hussain made sexual and derogatory comments targeting Basil's mother, sister, and other Muslim women in a Facebook post. Basil said the Chief Minister's Office and the DGP assured that the complaint will be examined. He also stated that legal action against those justifying sexual abuse is under consideration. Police are yet to comment on the complaint.

### Related Links & Sources
- [Original Story Source](https://truevisionnews.com/news/378427/complaint-against-arif-hussain-abusive-remarks-women)