---
title: "പ്രകൃതി സൗന്ദര്യം തുളുമ്പുന്ന മീന്തുള്ളിപ്പാറ വ്യൂ പോയിന്റിലേക്ക് ഒരു യാത്ര പോവാം; ഒപ്പം ജാനകിക്കാടും കാണാം"
english_title: "Meenthullipara View Point Draws Tourists Near Janakikadu Kozhikode"
publisher: "truevisionnews.com"
canonical_url: "https://truevisionnews.com/news/378348/meenthullipara-view-point-janakikadu-kozhikode"
published_at: "2026-08-13T16:29:00+05:30"
category: "Travel"
language: "ml"
image: "https://cf.zdn.im/img/truevisionnews.com/0/image-uploads/6a7da3f444696_meenthullipara-view-point-janakikadu-kozhikode.jpg"
keywords: ["Meenthullipara View Point", "Janakikadu", "Tourist Place In Kozhikode", "View Points In Kozhikode"]
---

# പ്രകൃതി സൗന്ദര്യം തുളുമ്പുന്ന മീന്തുള്ളിപ്പാറ വ്യൂ പോയിന്റിലേക്ക് ഒരു യാത്ര പോവാം; ഒപ്പം ജാനകിക്കാടും കാണാം

> **Lead Summary:** **[**കോഴിക്കോട് ജില്ലയുടെ മലയോര മേഖലയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ മീന്തുള്ളിപ്പാറ വ്യൂ പോയിന്റിലേക്ക് സഞ്ചാരികളുടെ തിരക്കേറുന്നു. പ്രകൃതിയുടെ ശാന്തതയും മനോഹാരിതയും ആസ്വദിക്കാൻ സാധിക്കുന്ന ഈ പ്രദേശം ഇപ്പോൾ ട്രെക്കിംഗ് പ്രേമികളുടെയും യാത്രാപ്രിയരുടെയും പ്രിയപ്പെട്ട ഇടമായി മാറുകയാണ്.

## Article Content

**[**കോഴിക്കോട് ജില്ലയുടെ മലയോര മേഖലയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ മീന്തുള്ളിപ്പാറ വ്യൂ പോയിന്റിലേക്ക് സഞ്ചാരികളുടെ തിരക്കേറുന്നു. പ്രകൃതിയുടെ ശാന്തതയും മനോഹാരിതയും ആസ്വദിക്കാൻ സാധിക്കുന്ന ഈ പ്രദേശം ഇപ്പോൾ ട്രെക്കിംഗ് പ്രേമികളുടെയും യാത്രാപ്രിയരുടെയും പ്രിയപ്പെട്ട ഇടമായി മാറുകയാണ്.

പ്രസിദ്ധമായ ജാനക്കിക്കാട് ഇക്കോ ടൂറിസം കേന്ദ്രത്തിന് സമീപം മരുതോങ്കര പഞ്ചായത്തിലാണ് മീന്തുള്ളിപ്പാറ സ്ഥിതി ചെയ്യുന്നത്. ജാനക്കിക്കാടിൽ നിന്നും ഏകദേശം രണ്ട് കിലോമീറ്റർ മാത്രം അകലെയാണ് ഈ പ്രകൃതി സൗന്ദര്യ കേന്ദ്രം ഉള്ളത്.

പച്ചപ്പണിഞ്ഞ മലനിരകളും കോടമഞ്ഞും പാറക്കെട്ടുകളും ഒലിച്ചിറങ്ങുന്ന ചെറിയ അരുവികളും ഈ പ്രദേശത്തിന്റെ മുഖ്യ ആകർഷണങ്ങളാണ്. തിരക്കുകളിൽ നിന്നും മാറി പ്രകൃതിയോട് ഇണങ്ങി നിൽക്കാൻ ആഗ്രഹിക്കുന്നവർക്ക് സന്ദർശിക്കാൻ പറ്റിയ മികച്ച ഒരു ഇടമാണിത്.

മലമുകളിലെ വിവിധ വ്യൂ പോയിന്റുകളിൽ നിന്നുള്ള മനോഹരമായ ദൃശ്യങ്ങൾ സഞ്ചാരികൾക്ക് പുതിയൊരു ദൃശ്യാനുഭവമാണ് സമ്മാനിക്കുന്നത്. ജാനക്കിക്കാട് സന്ദർശിക്കാൻ എത്തുന്ന സഞ്ചാരികൾ യാത്രാപദ്ധതിയിൽ ഉൾപ്പെടുത്താൻ ആഗ്രഹിക്കുന്ന പ്രധാന ഇടങ്ങളിൽ ഒന്നായി മീന്തുരുട്ടിപ്പാറ മാറിക്കഴിഞ്ഞു.

എങ്കിലും പ്രകൃതിദത്തമായ ഈ പ്രദേശത്ത് അടിസ്ഥാന സൗകര്യങ്ങൾ പരിമിതമാണ്. അതിനാൽ ഇവിടേക്ക് എത്തുന്നവർ ആവശ്യത്തിന് കുടിവെള്ളവും ലഘുഭക്ഷണങ്ങളും കരുതേണ്ടതാണ്. കനത്ത മഴയുള്ള സമയത്ത് പാറക്കെട്ടുകളിൽ വഴുക്കൽ ഉണ്ടാകാൻ സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ ഓർമ്മിപ്പിക്കുന്നു.

ജാനക്കിക്കാട് അതിന്റെ ജൈവവൈവിധ്യത്തിന് ഏറെ പേരുകേട്ട ഇടമാണ്. കുറ്റ്യാടി പുഴയുടെ തീരത്തായി സ്ഥിതി ചെയ്യുന്ന ഈ വനം, അപൂർവ്വമായ ഔഷധ സസ്യങ്ങളുടെയും വൈവിധ്യമാർന്ന പക്ഷികളുടെയും ആവാസകേന്ദ്രം കൂടിയാണ്.

സന്ദർശകർക്ക് പ്രകൃതിയുടെ മടിത്തട്ടിലൂടെയുള്ള നടപ്പാതകളും പുഴയോരത്തെ ശാന്തമായ അന്തരീക്ഷവും ജാനക്കിക്കാട് സമ്മാനിക്കുന്നു. മീന്തുള്ളിപ്പാറയിലേക്കുള്ള യാത്രയിൽ ജാനക്കിക്കാടിന്റെ ഈ പ്രകൃതി ദൃശ്യങ്ങൾ കൂടി ഉൾപ്പെടുത്തുന്നത് സഞ്ചാരികൾക്ക് ഇരട്ടി മനോഹരമായ അനുഭവമാണ് നൽകുന്നത്.

പച്ചപ്പണിഞ്ഞ മലനിരകളും കോടമഞ്ഞും പാറക്കെട്ടുകളും ഒലിച്ചിറങ്ങുന്ന ചെറിയ അരുവികളും മീന്തുരുട്ടിപ്പാറയുടെ മുഖ്യ ആകർഷണങ്ങളാണ്. തിരക്കുകളിൽ നിന്നും മാറി പ്രകൃതിയോട് ഇണങ്ങി നിൽക്കാൻ ആഗ്രഹിക്കുന്നവർക്ക് സന്ദർശിക്കാൻ പറ്റിയ മികച്ച ഇടങ്ങളാണിത്.

**English Summary: **Meenthullipara View Point near Janakikadu in Maruthonkara, Kozhikode, is attracting numerous tourists and trekking enthusiasts. Located just two kilometers from Janakikadu—known for its rich biodiversity, Kuttiadi riverbanks, and bird habitats—the viewpoint offers lush green hills, mist, and streams. Authorities advise visitors to carry basic supplies and exercise caution during heavy rains due to slippery rocks.

### Related Links & Sources
- [Original Story Source](https://truevisionnews.com/news/378348/meenthullipara-view-point-janakikadu-kozhikode)