---
title: "വിവാഹം നിശ്ചയിച്ചിരുന്ന യുവതി ജീവനൊടുക്കിയതിന് പിന്നാലെ പ്രതിശ്രുത വരനെയും മരിച്ച നിലയിൽ കണ്ടെത്തി, മരിച്ചത് കണ്ണൂർ സ്വദേശി "
english_title: "Kannur Man Found Dead Days After Fiancee Suicide In Karnataka"
publisher: "truevisionnews.com"
canonical_url: "https://truevisionnews.com/news/378211/kannur-amal-suicide-after-fiancee-anusree-death-"
published_at: "2026-08-12T18:37:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a7c7033792b7_kannur-amal-suicide-after-fiancee-anusree-death.jpg"
keywords: ["Kasaragod", "Kannur", "Suicide", "SBI Employee"]
---

# വിവാഹം നിശ്ചയിച്ചിരുന്ന യുവതി ജീവനൊടുക്കിയതിന് പിന്നാലെ പ്രതിശ്രുത വരനെയും മരിച്ച നിലയിൽ കണ്ടെത്തി, മരിച്ചത് കണ്ണൂർ സ്വദേശി 

> **Lead Summary:** **കാസർകോട്: **വിവാഹം നിശ്ചയിച്ചിരുന്ന യുവതി ജീവനൊടുക്കിയതിന് പിന്നാലെ പ്രതിശ്രുത വരനെയും മരിച്ച നിലയിൽ കണ്ടെത്തി. കണ്ണൂർ അമ്പലത്തട്ട് സ്വദേശി വി. അമലിനെയാണ് മരിച്ച നിലയിൽ കണ്ടെത്തിയത്. എറണാകുളത്ത് ജോലി ചെയ്യുകയായിരുന്നു അമൽ.

## Article Content

**കാസർകോട്: **വിവാഹം നിശ്ചയിച്ചിരുന്ന യുവതി ജീവനൊടുക്കിയതിന് പിന്നാലെ പ്രതിശ്രുത വരനെയും മരിച്ച നിലയിൽ കണ്ടെത്തി. കണ്ണൂർ അമ്പലത്തട്ട് സ്വദേശി വി. അമലിനെയാണ് മരിച്ച നിലയിൽ കണ്ടെത്തിയത്. എറണാകുളത്ത് ജോലി ചെയ്യുകയായിരുന്നു അമൽ.

നേരത്തെ കാസർകോട് പൂച്ചക്കാട് സ്വദേശിയായ അനുശ്രീയെ കർണാടകയിലെ താമസസ്ഥലത്ത് തൂങ്ങിമരിച്ച നിലയിൽ കണ്ടെത്തിയിരുന്നു. കിഴക്കേക്കരയിൽ തയ്യിൽ വീട്ടിൽ ചന്ദ്രന്റെ മകൾ പി. അനുശ്രീ (25) കർണാടകയിലെ ഹുൻസൂരിലെ സ്റ്റേറ്റ് ബാങ്ക് ഓഫ് ഇന്ത്യ ബ്രാഞ്ചിലെ ജീവനക്കാരിയായിരുന്നു.

ഡിസംബർ 26 നായിരുന്നു ഇരുവരുടെയും വിവാഹം നിശ്ചയിച്ചിരുന്നത്. വിവാഹത്തിന്റെ ഒരുക്കങ്ങൾ പുരോഗമിക്കുന്നതിനിടെയാണ് യുവതിയുടെ മരണം. തുടർന്നാണ് യുവാവും ജീവനൊടുക്കിയത്.അനുശ്രീയുടെ മരണത്തിൽ കർണാടക പൊലീസ് കേസ് രജിസ്റ്റർ ചെയ്ത് അന്വേഷണം നടത്തിവരികയാണ്. അമലിന്റെ മരണത്തിലും ബന്ധപ്പെട്ട പൊലീസ് നടപടികൾ സ്വീകരിച്ചു.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ നമ്പർ: Toll free helpline number: 1056, 0471-2552056)

English Summary:

Days after his fiancee P. Anusree, a 25-year-old SBI employee from Poochakkad, Kasaragod, was found dead at her residence in Hunsur, Karnataka, her fiance V. Amal from Ambalathattu, Kannur was also found dead. Amal was working in Ernakulam. Their wedding was scheduled for December 26. Police have registered cases and are investigating both incidents.

### Related Links & Sources
- [Original Story Source](https://truevisionnews.com/news/378211/kannur-amal-suicide-after-fiancee-anusree-death-)