---
title: " കരിയർ അവസാനിക്കുന്നോ....? വിവാഹവാഗ്ദാനം നൽകി പീഡിപ്പിച്ചെന്ന് പരാതി: ഐപിഎൽ താരം അഭിഷേക് പോറൽ കൊൽക്കത്തയിൽ അറസ്റ്റിൽ"
english_title: "IPL Cricketer Abhishek Porel Arrested In Kolkata Over Rape Allegations"
publisher: "truevisionnews.com"
canonical_url: "https://truevisionnews.com/news/377988/ipl-cricketer-abhishek-porel-arrested-kolkata-rape-allegation"
published_at: "2026-08-11T15:34:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6a7af429510a0_ipl-cricketer-abhishek-porel-arrested-kolkata-rape-allegation.jpg"
keywords: ["Abhishek Porel", "Rape Allegation", "Crime News", "IPL"]
---

#  കരിയർ അവസാനിക്കുന്നോ....? വിവാഹവാഗ്ദാനം നൽകി പീഡിപ്പിച്ചെന്ന് പരാതി: ഐപിഎൽ താരം അഭിഷേക് പോറൽ കൊൽക്കത്തയിൽ അറസ്റ്റിൽ

> **Lead Summary:** കൊൽക്കത്ത: വിവാഹവാഗ്ദാനം നൽകി പീഡിപ്പിക്കുകയും ബലാത്സംഗശ്രമം നടത്തുകയും മർദിക്കുകയും ചെയ്തുവെന്ന ഗുരുതര ആരോപണങ്ങളെ തുടർന്ന് ഐപിഎൽ താരം അഭിഷേക് പോറൽ അറസ്റ്റിൽ. ഡൽഹി ക്യാപിറ്റൽസ് ടീമിലെ താരമാണ് അഭിഷേക്.

## Article Content

കൊൽക്കത്ത: വിവാഹവാഗ്ദാനം നൽകി പീഡിപ്പിക്കുകയും ബലാത്സംഗശ്രമം നടത്തുകയും മർദിക്കുകയും ചെയ്തുവെന്ന ഗുരുതര ആരോപണങ്ങളെ തുടർന്ന് ഐപിഎൽ താരം അഭിഷേക് പോറൽ അറസ്റ്റിൽ. ഡൽഹി ക്യാപിറ്റൽസ് ടീമിലെ താരമാണ് അഭിഷേക്.

ഹൂഗ്ലി എസ്.പി കുൻവർ ഭൂഷൻ സിങ് പറയുന്നതനുസരിച്ച് ദം ദം പോലീസ് സ്റ്റേഷൻ പരിധിയിലെ ഇമാമി സിറ്റിയിൽ വച്ചാണ് അഭിഷേകിനെ അറസ്റ്റ് ചെയ്തത്. കൊൽക്കത്ത ഹൈക്കോടതിയുടെ ഉത്തരവ് പ്രകാരമാണ് അറസ്റ്റ് നടപടി ഉണ്ടായത്.

ഹൂഗ്ലി സ്വദേശിയായ മെഡിക്കൽ വിദ്യാർഥിയാണ് ഇക്കഴിഞ്ഞ ജൂണിൽ പരാതി നൽകിയത്. പരാതിക്കാരിയുടെ മൊഴി പ്രകാരം, കഴിഞ്ഞ മൂന്ന് വർഷമായി താനും അഭിഷേകും പ്രണയത്തിലായിരുന്നു. കഴിഞ്ഞ വർഷം മുതലാണ് ഇരുവരും തമ്മിൽ അകൽച്ച തുടങ്ങിയത്.

തന്നെ വിവാഹം കഴിക്കാമെന്ന് വാഗ്ദാനം ചെയ്തതിന് ശേഷം അഭിഷേക് പലതവണ ലൈംഗികബന്ധത്തിൽ ഏർപ്പെട്ടതായും പരാതിയിൽ പറയുന്നു. എന്നാൽ, കഴിഞ്ഞ ഒരു വർഷമായി അഭിഷേക് തന്നുമായി അകൽച്ച കാണിക്കുകയായിരുന്നു. ഇതിനുശേഷം തന്നെ ഭീഷണിപ്പെടുത്തുകയും ദേഹോപദ്രവം ഏൽപ്പിക്കുകയും ചെയ്തതായും പെൺകുട്ടി ആരോപിച്ചു.

അഭിഷേക് പോറൽ ഉന്നയിക്കപ്പെട്ട ആരോപണങ്ങളെല്ലാം നിഷേധിച്ചു.

2023 മുതൽ ഡൽഹി ക്യാപിറ്റൽസിനുവേണ്ടി ഐപിഎല്ലിൽ കളിക്കുന്ന ഇടങ്കൈ ബാറ്ററാണ് അഭിഷേക്. നേരത്തെ ഇന്ത്യ എ ടീമിനൊപ്പം യുകെ, ഓസ്ട്രേലിയ എന്നിവിടങ്ങളിൽ പര്യടനം നടത്തിയിട്ടുണ്ട്.

ബംഗാളിനുവേണ്ടി 2021-22 സീസൺ മുതൽ 32 ഫസ്റ്റ് ക്ലാസ് മത്സരങ്ങൾ കളിച്ചിട്ടുണ്ട്. സംഭവത്തിൽ പോലീസ് കൂടുതൽ അന്വേഷണം നടത്തിവരികയാണ്.

**English Summary:**

Delhi Capitals cricketer Abhishek Porel was arrested in Kolkata's Emami City by Dum Police following a court order. The arrest was based on a complaint filed in June by a medical student from Hooghly. She alleged that Porel promised marriage, had a physical relationship with her, and later assaulted and threatened her. Porel has denied all charges. The 2023 Delhi Capitals player has also represented India A and Bengal in 32 first-class matches since 2021-22.

### Related Links & Sources
- [Original Story Source](https://truevisionnews.com/news/377988/ipl-cricketer-abhishek-porel-arrested-kolkata-rape-allegation)