---
title: "ദില്ലി പ്രതിഷേധവും അയോധ്യ വിഷയവും: പാർലമെന്റ് ഇന്നും സ്തംഭിക്കും,  സർക്കാരിന്റെ നിർദ്ദേശം തള്ളി പ്രതിപക്ഷം"
english_title: "Parliament Logjam Continues Over Delhi Protest And Ayodhya Donation Row"
publisher: "truevisionnews.com"
canonical_url: "https://truevisionnews.com/news/377858/parliament-logjam-delhi-protest-ayodhya-donation-row"
published_at: "2026-08-11T06:11:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a7a6fb4d952b_parliament-logjam-delhi-protest-ayodhya-donation-row.jpg"
keywords: ["Parliament", "Delhi Protest", "Amit Shah", "NEET Protest"]
---

# ദില്ലി പ്രതിഷേധവും അയോധ്യ വിഷയവും: പാർലമെന്റ് ഇന്നും സ്തംഭിക്കും,  സർക്കാരിന്റെ നിർദ്ദേശം തള്ളി പ്രതിപക്ഷം

> **Lead Summary:** **ദില്ലി: **ദില്ലി വിദ്യാർത്ഥി പ്രതിഷേധത്തിലും അയോധ്യ സംഭാവനാ ക്രമക്കേട് ആരോപണത്തിലും പ്രതിപക്ഷം ഉറച്ചുനിൽക്കുന്നതിനാൽ പാർലമെന്റ് നടപടികൾ ഇന്നും സ്തംഭിക്കാനാണ് സാധ്യത. ദില്ലി പ്രതിഷേധ വിഷയത്തിൽ ആഭ്യന്തര മന്ത്രി അമിത് ഷാ മറുപടി നൽകുമെന്ന സർക്കാരിന്റെ നിർദ്ദേശം പ്രതിപക്ഷം തള്ളി.

## Article Content

**ദില്ലി: **ദില്ലി വിദ്യാർത്ഥി പ്രതിഷേധത്തിലും അയോധ്യ സംഭാവനാ ക്രമക്കേട് ആരോപണത്തിലും പ്രതിപക്ഷം ഉറച്ചുനിൽക്കുന്നതിനാൽ പാർലമെന്റ് നടപടികൾ ഇന്നും സ്തംഭിക്കാനാണ് സാധ്യത. ദില്ലി പ്രതിഷേധ വിഷയത്തിൽ ആഭ്യന്തര മന്ത്രി അമിത് ഷാ മറുപടി നൽകുമെന്ന സർക്കാരിന്റെ നിർദ്ദേശം പ്രതിപക്ഷം തള്ളി.

വിദ്യാർത്ഥികൾക്ക് നേരെ പെല്ലറ്റ് ഗൺ ഉപയോഗിക്കാൻ ആരാണ് അനുമതി നൽകിയതെന്ന് സർക്കാർ വ്യക്തമാക്കണമെന്നും ഇക്കാര്യത്തിൽ പ്രധാനമന്ത്രി മാപ്പ് പറയണമെന്നുമാണ് പ്രതിപക്ഷത്തിന്റെ പ്രധാന ആവശ്യം. അയോധ്യ രാം ക്ഷേത്രത്തിനുള്ള സംഭാവനാ തുകയിൽ ക്രമക്കേട് നടന്നുവെന്ന ആരോപണത്തിൽ വിശദമായ ചർച്ച വേണമെന്നും പ്രതിപക്ഷം ആവശ്യപ്പെടുന്നു.

അയോധ്യ വിഷയം ഉൾപ്പെടെയുള്ളവ ചർച്ച ചെയ്യണമെന്ന് ആവശ്യപ്പെട്ട് പ്രതിപക്ഷം ഇന്നും നോട്ടീസ് നൽകും. വ്യാഴാഴ്ച സമ്മേളനം അവസാനിക്കുമ്പോൾ എഫ്.സി.ആർ.എ ഭേദഗതി ബിൽ കൊണ്ടുവരാനുള്ള നീക്കത്തിലാണ് സർക്കാർ. എന്നാൽ ബിൽ അവതരിപ്പിക്കുന്നത് സംബന്ധിച്ച് കൃത്യമായ സമയം സർക്കാർ ഇതുവരെ വ്യക്തമാക്കിയിട്ടില്ല.

പ്രതിപക്ഷ ബഹളത്തെ തുടർന്ന് ഇന്നലെ പാർലമെന്റിൽ ചോദ്യോത്തര വേളയും ശൂന്യവേളയും തടസ്സപ്പെട്ടിരുന്നു. പ്രധാനപ്പെട്ട ബില്ലുകൾ പോലും ചർച്ചകളില്ലാതെയാണ് സഭയിൽ അവതരിപ്പിക്കുന്നതെന്ന് പ്രതിപക്ഷം കുറ്റപ്പെടുത്തി.

### Related Links & Sources
- [Original Story Source](https://truevisionnews.com/news/377858/parliament-logjam-delhi-protest-ayodhya-donation-row)