---
title: "ശബരിമല നിലയ്ക്കലിൽ ഡ്യൂട്ടിക്കിടെ അപസ്മാരത്തെ തുടർന്ന് കുഴഞ്ഞുവീണ് ചികിത്സയിലായിരുന്ന പൊലീസുകാരൻ മരിച്ചു"
english_title: "Police Officer Dies After Collapse During Sabarimala Duty At Nilakkal"
publisher: "truevisionnews.com"
canonical_url: "https://truevisionnews.com/news/377639/pathanamthitta-sabarimala-police-officer-muhammed-shafeeq-dies"
published_at: "2026-08-09T18:02:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a78735a7e107_pathanamthitta-sabarimala-police-officer-muhammed-shafeeq-dies.jpg"
keywords: ["Police Officer Death", "Sabarimala Duty", "Kerala Police"]
---

# ശബരിമല നിലയ്ക്കലിൽ ഡ്യൂട്ടിക്കിടെ അപസ്മാരത്തെ തുടർന്ന് കുഴഞ്ഞുവീണ് ചികിത്സയിലായിരുന്ന പൊലീസുകാരൻ മരിച്ചു

> **Lead Summary:** പത്തനംതിട്ട: ശബരിമല നിലയ്ക്കലിൽ ഡ്യൂട്ടിക്കിടെ അപകടത്തിൽ പരിക്കേറ്റ പൊലീസ് ഉദ്യോഗസ്ഥൻ മരിച്ചു. പത്തനംതിട്ട കൺട്രോൾ റൂമിൽ ജോലി ചെയ്തിരുന്ന സീനിയർ സിവിൽ പൊലീസ് ഓഫീസർ ഗ്രേഡ് മുഹമ്മദ് ഷെഫീഖ് ആണ് മരിച്ചത്.

## Article Content

പത്തനംതിട്ട: ശബരിമല നിലയ്ക്കലിൽ ഡ്യൂട്ടിക്കിടെ അപകടത്തിൽ പരിക്കേറ്റ പൊലീസ് ഉദ്യോഗസ്ഥൻ മരിച്ചു. പത്തനംതിട്ട കൺട്രോൾ റൂമിൽ ജോലി ചെയ്തിരുന്ന സീനിയർ സിവിൽ പൊലീസ് ഓഫീസർ ഗ്രേഡ് മുഹമ്മദ് ഷെഫീഖ് ആണ് മരിച്ചത്.

ശബരിമല നിറപുത്തരിയുമായി ബന്ധപ്പെട്ട ഡ്യൂട്ടി ചെയ്തുവരവേ കഴിഞ്ഞ മാസം 3ന് നിലയ്ക്കൽ വച്ചാണ് അദ്ദേഹത്തിന് അപസ്മാരം ബാധിച്ച് കുഴഞ്ഞുവീണത്. വീഴ്ചയിൽ ഗുരുതരമായി പരിക്കേറ്റ ഷെഫീഖിനെ ഉടൻ തിരുവല്ലയിലെ സ്വകാര്യ മെഡിക്കൽ കോളേജിൽ പ്രവേശിപ്പിച്ചു. തുടർന്ന് തീവ്രപരിചരണ വിഭാഗത്തിൽ ചികിത്സയിലായിരുന്നു.

ചികിത്സയിലിരിക്കെ ഞായറാഴ്ച ഉച്ചയ്ക്ക് 12.30 ഓടെയാണ് മരണം സംഭവിച്ചത്. മൃതദേഹം പത്തനംതിട്ട പൊലീസ് ആസ്ഥാനത്തെ ക്യാമ്പിൽ പൊതുദർശനത്തിന് വച്ചു. തുടർന്ന് പത്തനംതിട്ട ആനപ്പാറയിലുള്ള വീട്ടിൽ എത്തിച്ചു.  

ഷെഫീഖിന്റെ പിതാവ് മുഹമ്മദ് ശരീഫ് പത്തനംതിട്ട ജില്ലയിലെ വിവിധ സ്റ്റേഷനുകളിൽ സബ് ഇൻസ്പെക്ടറായി സേവനമനുഷ്ഠിച്ചിരുന്നു. പൊലീസ് കുടുംബാംഗമായ ഷെഫീഖ് ദീർഘകാലമായി പത്തനംതിട്ട കൺട്രോൾ റൂമിൽ സേവനം അനുഷ്ഠിക്കുകയായിരുന്നു.

ശബരിമല മണ്ഡലകാല ഡ്യൂട്ടിയുടെ തിരക്കിനിടെയാണ് അദ്ദേഹത്തിന് ദാരുണമായി അപകടം സംഭവിച്ചത്. സംഭവത്തിൽ ഉന്നത പൊലീസ് ഉദ്യോഗസ്ഥർ അനുശോചനം രേഖപ്പെടുത്തി. സഹപ്രവർത്തകരും നാട്ടുകാരും വലിയ നഷ്ടമായാണ് ഷെഫീഖിന്റെ വിയോഗത്തെ കാണുന്നത്.

### Related Links & Sources
- [Original Story Source](https://truevisionnews.com/news/377639/pathanamthitta-sabarimala-police-officer-muhammed-shafeeq-dies)