---
title: "കോഴിക്കോട് മെഡിക്കൽ കോളേജിന് സമീപം ബസിൽ നിന്ന് വീണ വയോധിക അതെ ബസ് കയറിയിറങ്ങി മരിച്ചു; ഡ്രൈവർക്കെതിരെ കേസ്"
english_title: "Elderly Woman Dies After Falling From Bus Near Kozhikode Medical College"
publisher: "truevisionnews.com"
canonical_url: "https://truevisionnews.com/news/377599/kozhikode-medical-college-bus-accident-elderly-woman-dies"
published_at: "2026-08-09T13:24:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a783252765d2_kozhikode-medical-college-bus-accident-elderly-woman-dies.jpg"
keywords: ["Bus Accident", "Kozhikode Bus Accident", "Kozhikode Accident", "Women Death"]
---

# കോഴിക്കോട് മെഡിക്കൽ കോളേജിന് സമീപം ബസിൽ നിന്ന് വീണ വയോധിക അതെ ബസ് കയറിയിറങ്ങി മരിച്ചു; ഡ്രൈവർക്കെതിരെ കേസ്

> **Lead Summary:** കോഴിക്കോട്: കോഴിക്കോട് മെഡിക്കൽ കോളേജിന് സമീപം ബസിൽ നിന്ന് വീണ വയോധികയ്ക്ക് ദാരുണാന്ത്യം. പാലക്കോട്ട് വയൽ സ്വദേശി വസന്തകുമാരി (വയസ് 65) ആണ് മരിച്ചത്. ഇന്നലെ വൈകിട്ടോടെയായിരുന്നു അപകടം.

## Article Content

കോഴിക്കോട്: കോഴിക്കോട് മെഡിക്കൽ കോളേജിന് സമീപം ബസിൽ നിന്ന് വീണ വയോധികയ്ക്ക് ദാരുണാന്ത്യം. പാലക്കോട്ട് വയൽ സ്വദേശി വസന്തകുമാരി (വയസ് 65) ആണ് മരിച്ചത്. ഇന്നലെ വൈകിട്ടോടെയായിരുന്നു അപകടം.

ജോലി കഴിഞ്ഞ് വീട്ടിലേക്ക് വരുന്ന വഴിയാണ് വസന്തകുമാരിക്ക് ദുരന്തം സംഭവിച്ചത്. ബസിൽ നിന്ന് ഇറങ്ങുന്നതിനിടെ വസന്തകുമാരി തെറ്റി വീഴുകയായിരുന്നു. അതേ സമയം അതേ ബസിന്റെ പിൻ ടയർ ശരീരത്തിലൂടെ കയറി ഇറങ്ങി.

സംഭവസ്ഥലത്ത് വെച്ച് തന്നെ വയോധികയുടെ ജീവൻ നഷ്ടമായി. അപകടത്തിന്റെ ദൃശ്യങ്ങൾ പുറത്ത് വന്നിട്ടുണ്ട്.

സംഭവത്തിൽ ബസ് ഡ്രൈവർക്കെതിരെ കോഴിക്കോട് പൊലീസ് കേസെടുത്തു. അശ്രദ്ധമായും അനാസ്ഥയോടെയും വാഹനം ഓടിച്ചതിനാണ് കേസ്. ബസ് കസ്റ്റഡിയിലെടുത്തിട്ടുണ്ട്.

അപകട സമയത്ത് ബസിൽ തിരക്കുണ്ടായിരുന്നതായി നാട്ടുകാർ പറയുന്നു. വാതിൽ അടക്കുന്നതിന് മുൻപ് യാത്രക്കാരി ഇറങ്ങാൻ ശ്രമിച്ചതാണ് അപകട കാരണമെന്നാണ് പ്രാഥമിക നിഗമനം.

മെഡിക്കൽ കോളേജ് പരിസരത്ത് നിരന്തരം അപകടങ്ങൾ ഉണ്ടാകുന്നുണ്ടെന്നും ബസുകൾ അമിത വേഗത്തിൽ ഓടുന്നതായും നാട്ടുകാർ ആരോപിച്ചു. ബസ് സ്റ്റോപ്പുകളിൽ കൂടുതൽ സുരക്ഷാ സംവിധാനങ്ങൾ ഏർപ്പെടുത്തണമെന്നും യാത്രക്കാരെ സുരക്ഷിതമായി ഇറക്കി വിടുന്നുണ്ടെന്ന് ഡ്രൈവർമാർ ഉറപ്പാക്കണമെന്നും അവർ ആവശ്യപ്പെട്ടു.

മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. സംഭവത്തിൽ കൂടുതൽ അന്വേഷണം നടക്കുകയാണ്.

### Related Links & Sources
- [Original Story Source](https://truevisionnews.com/news/377599/kozhikode-medical-college-bus-accident-elderly-woman-dies)