---
title: "ട്രാക്കിൽ 'തല'യുടെ മാസ്സ് റൈഡ്! മദ്രാസ് സർക്യൂട്ടിൽ സൂപ്പർബൈക്ക് പായിച്ച് എം.എസ്. ധോണി; ദൃശ്യങ്ങൾ വൈറൽ"
english_title: "MS Dhoni Superbike Ride Chennai Circuit IPL 2027 Comeback Rumors"
publisher: "truevisionnews.com"
canonical_url: "https://truevisionnews.com/news/376476/ms-dhoni-superbike-ride-chennai-circuit-ipl-2027"
published_at: "2026-08-04T09:21:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6a7162a658610_ms-dhoni-superbike-ride-chennai-circuit-ipl-2027.jpg"
keywords: ["MS Dhoni", "Chennai Super Kings", "Superbike", "Madras International Circuit", "IPL 2027"]
---

# ട്രാക്കിൽ 'തല'യുടെ മാസ്സ് റൈഡ്! മദ്രാസ് സർക്യൂട്ടിൽ സൂപ്പർബൈക്ക് പായിച്ച് എം.എസ്. ധോണി; ദൃശ്യങ്ങൾ വൈറൽ

> **Lead Summary:** ചെന്നൈ: **[** മദ്രാസ് ഇന്റര്‍നാഷണല്‍ സര്‍ക്യൂട്ടില്‍ സൂപ്പര്‍ബൈക്ക് ഓടിച്ച് ഇന്ത്യന്‍ മുന്‍ നായകന്‍ എം എസ് ധോണി. ടിവിഎസ് യൂറോഗ്രിപ് സംഘടിപ്പിച്ച പ്രൊമോഷണല്‍ പരിപാടിയില്‍ പങ്കെടുക്കാനെത്തിയപ്പോഴാണ് താരം ആരാധകരെ ആവേശത്തിലാഴ്ത്തി ട്രാക്കിലിറങ്ങിയത്.

## Article Content

ചെന്നൈ: **[** മദ്രാസ് ഇന്റര്‍നാഷണല്‍ സര്‍ക്യൂട്ടില്‍ സൂപ്പര്‍ബൈക്ക് ഓടിച്ച് ഇന്ത്യന്‍ മുന്‍ നായകന്‍ എം എസ് ധോണി. ടിവിഎസ് യൂറോഗ്രിപ് സംഘടിപ്പിച്ച പ്രൊമോഷണല്‍ പരിപാടിയില്‍ പങ്കെടുക്കാനെത്തിയപ്പോഴാണ് താരം ആരാധകരെ ആവേശത്തിലാഴ്ത്തി ട്രാക്കിലിറങ്ങിയത്.

കമ്പനിയുടെ മുന്‍നിര മോട്ടോര്‍സൈക്കിള്‍ ടയറുകള്‍ പരീക്ഷിച്ചതിന് ശേഷം ഉയര്‍ന്ന വേഗതയില്‍ ട്രാക്ക് വലംവെച്ച ധോണിയുടെ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിക്കഴിഞ്ഞു.അന്താരാഷ്ട്ര മോട്ടോര്‍ റേസിങ് സര്‍ക്യൂട്ടില്‍ വേഗതയിലാണ് 45 കാരനായ ധോണി ബൈക്ക് ഓടിച്ചത്. റൈഡിന് ശേഷം പിറ്റ് ലെയ്‌നില്‍ തിരിച്ചെത്തിയ താരം ഹെല്‍മെറ്റ് ഊരിമാറ്റി ആരാധകരെ അഭിവാദ്യം ചെയ്തതോടെ ഗാലറി ആവേശക്കടലായി മാറി. ബൈക്കുകളോടും കാറുകളോടുമുള്ള ധോണിയുടെ അടങ്ങാത്ത അഭിനിവേശം ഒരിക്കല്‍കൂടി വ്യക്തമാക്കുന്നതായിരുന്നു ഈ പരിപാടി.

ഐപിഎല്‍ 2026 സീസണിന്റെ അവസാനത്തിന് ശേഷം പൊതുവേ ഒതുങ്ങിക്കൂടുന്ന താരം, റാഞ്ചിയിലെ തന്റെ ഗ്യാരേജിലെ വാഹനങ്ങള്‍ക്കൊപ്പമുള്ള വിശേഷങ്ങളും ബ്രാന്‍ഡ് കമ്മിറ്റ്മെന്റുകളുമായാണ് ഇപ്പോള്‍ സമയം ചെലവഴിക്കുന്നത്.

ധോണിയുടെ ചെന്നൈ സന്ദർശനം അദ്ദേഹത്തിന്റെ ഐപിഎൽ ഭാവിയെക്കുറിച്ചുള്ള ചർച്ചകൾ വീണ്ടും സജീവമാക്കിയിരിക്കുകയാണ്. 2027-ലെ ഐപിഎല്ലിൽ ധോണി സിഎസ്കെയ്ക്കായി മഞ്ഞക്കുപ്പായത്തിൽ വീണ്ടുമിറങ്ങുമോ അതോ വിരമിക്കുമോ എന്നറിയാനുള്ള ആകാംക്ഷയിലാണ് ആരാധകർ. പരിക്കുകൾ കാരണം 2026-ലെ ഐപിഎൽ സീസൺ മുഴുവൻ ധോണിക്ക് നഷ്ടമായിരുന്നു; ടീമിനൊപ്പം യാത്ര ചെയ്യാൻ പോലും അദ്ദേഹത്തിന് സാധിച്ചിരുന്നില്ല.

കഴിഞ്ഞ മാസം ചെന്നൈ സൂപ്പര്‍ കിങ്‌സ് ഫ്രാഞ്ചൈസിയില്‍ വലിയ മാറ്റങ്ങളാണുണ്ടായത്. 18 വര്‍ഷക്കാലം ടീമിന്റെ മുഖ്യ പരിശീലകനായിരുന്ന സ്റ്റീഫന്‍ ഫ്‌ലെമിങ് പടിയിറങ്ങിയത് ധോണിയുമായുള്ള അദ്ദേഹത്തിന്റെ കൂട്ടായ്മയ്ക്കും വിരാമമിട്ടു. പുതിയ സീസണിനായുള്ള ഒരുക്കങ്ങള്‍ ഫ്രാഞ്ചൈസി ആരംഭിച്ചിട്ടുണ്ടെങ്കിലും, തന്റെ ഭാവിയെക്കുറിച്ചുള്ള പുറംലോകത്തിന്റെ ചര്‍ച്ചകളിലൊന്നും അസ്വസ്ഥനാകാതെ ബൈക്ക് റൈഡിന്റെ ആവേശം ആസ്വദിക്കുകയാണ് 'തല' ധോണി.

### Related Links & Sources
- [Original Story Source](https://truevisionnews.com/news/376476/ms-dhoni-superbike-ride-chennai-circuit-ipl-2027)