---
title: "'ഊണ് കഴിഞ്ഞ് ഒരു ഗ്ലാസ് രസം നിർബന്ധമാ...' നാവിൽ കപ്പലോടിക്കും നാടൻ കുരുമുളക് രസം"
english_title: "Pepper Rasam Benefits Health Monsoon Cold Remedy"
publisher: "truevisionnews.com"
canonical_url: "https://truevisionnews.com/news/376381/pepper-rasam-benefits-health-monsoon-cold-remedy"
published_at: "2026-08-03T15:40:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6a70691bc93c9_pepper-rasam-benefits-monsoon-cold-remedy-health.jpg"
keywords: ["Pepper Rasam", "Monsoon Health", "Cold Remedy", "Immunity Booster", "Kerala Recipes"]
---

# 'ഊണ് കഴിഞ്ഞ് ഒരു ഗ്ലാസ് രസം നിർബന്ധമാ...' നാവിൽ കപ്പലോടിക്കും നാടൻ കുരുമുളക് രസം

> **Lead Summary:** മഴക്കാലത്തും തണുപ്പുള്ള കാലാവസ്ഥയിലും കഴിക്കാൻ ഏറ്റവും അനുയോജ്യമായ ഒന്നാണ് കുരുമുളക് രസം. ജലദോഷം, മൂക്കടപ്പ്, തൊണ്ടവേദന എന്നിവയ്ക്ക് ഉടനടി ആശ്വാസം നൽകാനും ശരീരത്തിന്റെ പ്രതിരോധശേഷി വർദ്ധിപ്പിക്കാനും ദഹനം സുഗമമാക്കാനും ഈ നാടൻ രസം ഏറെ സഹായിക്കും. **

## Article Content

മഴക്കാലത്തും തണുപ്പുള്ള കാലാവസ്ഥയിലും കഴിക്കാൻ ഏറ്റവും അനുയോജ്യമായ ഒന്നാണ് കുരുമുളക് രസം. ജലദോഷം, മൂക്കടപ്പ്, തൊണ്ടവേദന എന്നിവയ്ക്ക് ഉടനടി ആശ്വാസം നൽകാനും ശരീരത്തിന്റെ പ്രതിരോധശേഷി വർദ്ധിപ്പിക്കാനും ദഹനം സുഗമമാക്കാനും ഈ നാടൻ രസം ഏറെ സഹായിക്കും. **

ആവശ്യമായ സാധനങ്ങൾ:**

തക്കാളി - 1 (ചെറുതായി അരിഞ്ഞത്)

പുളി - ഒരു ചെറിയ നെല്ലിക്ക വലുപ്പത്തിൽ (വെള്ളത്തിൽ കുതിർത്തത്)

കുരുമുളക് - 1 വലിയ സ്പൂൺ

ജീരകം - 1 സ്പൂൺ

വെളുത്തുള്ളി - 5-6 അല്ലി

കായപ്പൊടി - 1/4 സ്പൂൺ

മഞ്ഞൾപ്പൊടി - 1/4 സ്പൂൺ

കടുക്, വറ്റൽമുളക്, കറിവേപ്പില - താളിക്കാൻ

എണ്ണ, ഉപ്പ്, മല്ലിയില - ആവശ്യത്തിന്**
ഉണ്ടാക്കുന്ന വിധം:**

കുരുമുളക്, ജീരകം, വെളുത്തുള്ളി എന്നിവ മിക്സിയിൽ ഇട്ട് ഒന്നു ചതച്ചെടുക്കുക. ഒരു പാത്രത്തിൽ തക്കാളി, പുളിവെള്ളം, മഞ്ഞൾപ്പൊടി, ഉപ്പ്, ആവശ്യത്തിന് വെള്ളം എന്നിവ ചേർത്ത് നന്നായി തിളപ്പിക്കുക (തക്കാളി വെന്ത് ഉടയുന്നത് വരെ).

ഇതിലേക്ക് ചതച്ചുവെച്ച കുരുമുളക്-ജീരകം കൂട്ടും കായപ്പൊടിയും ചേർക്കുക. ചെറുതീയിൽ വെച്ച് ഒന്ന് തിളച്ചു വരുമ്പോൾ (കൂടുതൽ തിളച്ച് പതഞ്ഞു പോകരുത്) മല്ലിയില ഇട്ട് അടുപ്പിൽ നിന്ന് മാറ്റാം. വേറൊരു പാനിൽ എണ്ണയൊഴിച്ച് കടുക്, വറ്റൽമുളക്, കറിവേപ്പില എന്നിവ താളിച്ച് രസത്തിലേക്ക് ഒഴിക്കുക. ചൂടോടെ കുടിക്കാം!

### Related Links & Sources
- [Original Story Source](https://truevisionnews.com/news/376381/pepper-rasam-benefits-health-monsoon-cold-remedy)