---
title: "വൻ അപകടം...: പാലക്കാട് നെൻമാറയിൽ നിയന്ത്രണം വിട്ട കെഎസ്ആർടിസി ബസ് താഴ്ചയിലേക്ക് മറിഞ്ഞു; സ്ത്രീക്ക് ദാരുണാന്ത്യം "
english_title: "KSRTC Bus Falls Into Gorge In Palakkad Nenmara, 1 Woman Dead, Several Injured"
publisher: "truevisionnews.com"
canonical_url: "https://truevisionnews.com/news/376294/palakkad-nenmara-ksrtc-bus-accident-one-dead-"
published_at: "2026-08-03T10:42:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a70236e56328_palakkad-nenmara-ksrtc-bus-accident-one-dead.jpg"
keywords: ["Palakkad", "Nenmara", "KSRTC Accident", "Bus Accident", "Kerala", "Nelliampathy"]
---

# വൻ അപകടം...: പാലക്കാട് നെൻമാറയിൽ നിയന്ത്രണം വിട്ട കെഎസ്ആർടിസി ബസ് താഴ്ചയിലേക്ക് മറിഞ്ഞു; സ്ത്രീക്ക് ദാരുണാന്ത്യം 

> **Lead Summary:** **പാലക്കാട്: **പാലക്കാട്** **നെൻമാറ പോത്തുണ്ടിയിൽ നിയന്ത്രണം വിട്ട കെഎസ്ആർടിസി ബസ് താഴ്ചയിലേക്ക് മറിഞ്ഞു. അപകടത്തിൽ ഒരാൾ മരിച്ചു. ഒരു സ്ത്രീയാണ് ദാരുണമായി മരണപ്പെട്ടത്. അപകടത്തിൽ നിരവധി പേർക്ക് പരിക്കേറ്റിട്ടുണ്ട്.

## Article Content

**പാലക്കാട്: **പാലക്കാട്** **നെൻമാറ പോത്തുണ്ടിയിൽ നിയന്ത്രണം വിട്ട കെഎസ്ആർടിസി ബസ് താഴ്ചയിലേക്ക് മറിഞ്ഞു. അപകടത്തിൽ ഒരാൾ മരിച്ചു. ഒരു സ്ത്രീയാണ് ദാരുണമായി മരണപ്പെട്ടത്. അപകടത്തിൽ നിരവധി പേർക്ക് പരിക്കേറ്റിട്ടുണ്ട്.

നെല്ലിയാമ്പതിയിൽ നിന്ന് നെൻമാറയിലേക്ക് വരികയായിരുന്ന ബസാണ് അവിചാരിതമായി അപകടത്തിൽപ്പെട്ടത്. രാവിലെ 9.30-ഓട് കൂടിയായിരുന്നു നാടിനെ നടുക്കിയ ഈ സംഭവം നടന്നത്. താഴ്ചയിലേക്ക് പതിച്ച ബസ് നിലവിൽ ഒരു മരത്തിനിടയിൽ കുടുങ്ങി കിടക്കുന്ന നിലയിലാണ് ഉള്ളത്.

വിവരമറിഞ്ഞ് സ്ഥലത്ത് ഫയർഫോഴ്സും പൊലീസും അടിയന്തരമായി എത്തി രക്ഷാപ്രവർത്തനം ഊർജിതമായി നടത്തിവരികയാണ്. അപകടത്തിൽ ഗുരുതരമായി പരിക്കേറ്റവരെ ഉടൻ തന്നെ നെല്ലിയാമ്പതി ആശുപത്രിയിലേക്ക് മാറ്റിയിട്ടുണ്ട്. രക്ഷാപ്രവർത്തനങ്ങൾ പുരോഗമിക്കുകയാണ്.

അതേസമയം ഇന്ന് രാവിലെ തൃശൂർ പുതുക്കാടിൽ നിയന്ത്രണം വിട്ട കെഎസ്ആർടിസി ബസിടിച്ച് വഴിയാത്രക്കാരി മരിച്ചിരുന്നു . കാഞ്ഞൂർ സ്വദേശിനിയായ ബിന്ദു (49) ആണ് അപകടത്തിൽ മരിച്ചത്. ഇന്ന് രാവിലെ 7 മണിയോടെയായിരുന്നു നാടിനെ നടുക്കിയ ഈ സംഭവം ഉണ്ടായത്.

വാഹനം ഓടിക്കുന്നതിനിടയിൽ ഡ്രൈവർക്ക് പെട്ടെന്ന് ദേഹാസ്വാസ്ഥ്യം ഉണ്ടായതാണ് അപകടത്തിലേക്ക് നയിച്ചതെന്നാണ് പ്രാഥമിക വിവരം. ഡ്രൈവർ കുഴഞ്ഞുവീണ നിലയിലായിരുന്നു കാണപ്പെട്ടത്. നിയന്ത്രണം നഷ്ടപ്പെട്ട ബസ് ദേശീയപാതരികെയുള്ള ഒരു കടയിലേക്ക് ഇടിച്ചുകയറിയാണ് നിന്നത്.

**
**

### Related Links & Sources
- [Original Story Source](https://truevisionnews.com/news/376294/palakkad-nenmara-ksrtc-bus-accident-one-dead-)