---
title: "തല മൊട്ടയടിച്ച് പുതിയ ലുക്കിൽ തിരുപ്പതിയിൽ ഹാർദിക് പാണ്ഡ്യ; ചിത്രങ്ങള്‍ വൈറല്‍"
english_title: "Hardik Pandya Tirupati Darshan New Bald Look Cricket Comeback 2026"
publisher: "truevisionnews.com"
canonical_url: "https://truevisionnews.com/news/376173/hardik-pandya-tirupati-darshan-bald-look-cricket-comeback"
published_at: "2026-08-02T13:50:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6a6efe7c916fa_hardik-pandya-tirupati-darshan-bald-look-cricket-comeback.jpg"
keywords: ["Hardik Pandya", "Tirupati", "Venkateswara Temple", "Cricket", "Team India", "IPL", "BCCI"]
---

# തല മൊട്ടയടിച്ച് പുതിയ ലുക്കിൽ തിരുപ്പതിയിൽ ഹാർദിക് പാണ്ഡ്യ; ചിത്രങ്ങള്‍ വൈറല്‍

> **Lead Summary:** ഹൈദരാബാദ്: **[** തല പൂർണ്ണമായി മൊട്ടയടിച്ച പുതിയ ലുക്കിൽ തിരുപ്പതി ശ്രീ വെങ്കിടേശ്വര സ്വാമി ക്ഷേത്രത്തിൽ ദർശനം നടത്തി ഇന്ത്യൻ ഓൾറൗണ്ടർ ഹാർദിക് പാണ്ഡ്യ. സുഹൃത്ത് മഹിക ശർമ്മയ്‌ക്കൊപ്പമാണ് താരം തിരുപ്പതിയിലെത്തിയത്.

## Article Content

ഹൈദരാബാദ്: **[** തല പൂർണ്ണമായി മൊട്ടയടിച്ച പുതിയ ലുക്കിൽ തിരുപ്പതി ശ്രീ വെങ്കിടേശ്വര സ്വാമി ക്ഷേത്രത്തിൽ ദർശനം നടത്തി ഇന്ത്യൻ ഓൾറൗണ്ടർ ഹാർദിക് പാണ്ഡ്യ. സുഹൃത്ത് മഹിക ശർമ്മയ്‌ക്കൊപ്പമാണ് താരം തിരുപ്പതിയിലെത്തിയത്.

ക്ഷേത്രത്തിലെ പ്രധാന ചടങ്ങായ സുപ്രഭാത സേവയിൽ പങ്കെടുത്ത ശേഷമാണ് ഇരുവരും വെങ്കിടേശ്വര സ്വാമിയുടെ അനുഗ്രഹം തേടിയത്. പരമ്പരാഗത വെള്ള വസ്ത്രത്തിൽ എത്തിയ ഹാർദിക്കിന്റെ ചിത്രങ്ങളും വീഡിയോകളും ഇതിനകം സോഷ്യൽ മീഡിയയിൽ വൈറലാണ്.

പരിക്കിൽ നിന്നുള്ള മോചനത്തിന് ശേഷം ഇന്ത്യൻ ടീമിലേക്ക് തിരിച്ചുവരാനുള്ള തയ്യാറെടുപ്പിലാണ് 32-കാരനായ ഹാർദിക്. 2026 ഐപിഎൽ സീസണിനിടെ പുറംവേദനയും തുടയിലെ പരിക്കുമാണ് താരത്തിന് തിരിച്ചടിയായത്. ബിസിസിഐ സെന്റർ ഓഫ് എക്സലൻസിൽ റീഹാബിലിറ്റേഷനും ഫിറ്റ്നസ് പരിശീലനങ്ങളും പൂർത്തിയാക്കിയ താരം, ഇന്ത്യയുടെ വരാനിരിക്കുന്ന വൈറ്റ് ബോൾ പരമ്പരകളിലൂടെ കളത്തിൽ തിരിച്ചെത്തുമെന്നാണ് റിപ്പോർട്ടുകൾ.

പരിക്കിനെ തുടർന്ന് അഫ്ഗാനിസ്ഥാൻ, ഇംഗ്ലണ്ട്, സിംബാബ്‌വെ പരമ്പരകൾ പാണ്ഡ്യക്ക് നഷ്ടമായിരുന്നു. മുംബൈ ഇന്ത്യൻസിനെ നയിച്ച 2026 ഐപിഎൽ സീസണിന് ശേഷം താരം ഇതുവരെ മത്സര ക്രിക്കറ്റിൽ കളിച്ചിട്ടില്ല. നീണ്ട ഇടവേളയ്ക്ക് ശേഷമുള്ള ഹാർദിക്കിന്റെ തിരിച്ചുവരവ് ഇന്ത്യൻ ടീമിന് വലിയ കരുത്താകും.

### Related Links & Sources
- [Original Story Source](https://truevisionnews.com/news/376173/hardik-pandya-tirupati-darshan-bald-look-cricket-comeback)