---
title: "കശുവണ്ടി അഴിമതി: ഖാദി ബോർഡ് സെക്രട്ടറി കെ.എ. രതീഷ് പുറത്തേക്ക്, സിബിഐ കോടതിയിൽ പി.സി. ആക്ട് ചുമത്തി"
english_title: "Kerala Cashew Corporation Scam KA Ratheesh Resigns CBI PC Act"
publisher: "truevisionnews.com"
canonical_url: "https://truevisionnews.com/news/376062/kerala-cashew-scam-ka-ratheesh-resigns-cbi-pc-act-case"
published_at: "2026-08-01T20:51:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6e0f260d73b_kerala-cashew-scam-ka-ratheesh-resigns-cbi-pc-act-case.jpg"
keywords: ["Cashew Corporation", "KA Ratheesh", "CBI", "Corruption"]
---

# കശുവണ്ടി അഴിമതി: ഖാദി ബോർഡ് സെക്രട്ടറി കെ.എ. രതീഷ് പുറത്തേക്ക്, സിബിഐ കോടതിയിൽ പി.സി. ആക്ട് ചുമത്തി

> **Lead Summary:** **തിരുവനന്തപുരം: **കശുവണ്ടി വികസന കോർപ്പറേഷൻ അഴിമതി കേസിൽ ഖാദി ബോർഡ് സെക്രട്ടറി കെ.എ. രതീഷ് പുറത്തേക്ക്. രാജിവയ്ക്കാൻ മുഖ്യമന്ത്രി നിർദ്ദേശം നൽകിയതായാണ് സൂചന. ഖാദി ബോർഡ് സെക്രട്ടറിയായി രതീഷ് തുടരുന്നതിൽ ഹൈക്കോടതി കടുത്ത അതൃപ്തി പ്രകടിപ്പിച്ചിരുന്നു.

## Article Content

**തിരുവനന്തപുരം: **കശുവണ്ടി വികസന കോർപ്പറേഷൻ അഴിമതി കേസിൽ ഖാദി ബോർഡ് സെക്രട്ടറി കെ.എ. രതീഷ് പുറത്തേക്ക്. രാജിവയ്ക്കാൻ മുഖ്യമന്ത്രി നിർദ്ദേശം നൽകിയതായാണ് സൂചന. ഖാദി ബോർഡ് സെക്രട്ടറിയായി രതീഷ് തുടരുന്നതിൽ ഹൈക്കോടതി കടുത്ത അതൃപ്തി പ്രകടിപ്പിച്ചിരുന്നു.

കശുവണ്ടി അഴിമതി കേസിൽ രതീഷിനെ പ്രോസിക്യൂട്ട് ചെയ്യാൻ സർക്കാർ നേരത്തെ അനുമതി നൽകിയിരുന്നു. ഇതിന്റെ അടിസ്ഥാനത്തിൽ പ്രതികൾക്കെതിരെ അഴിമതി നിരോധന നിയമപ്രകാരം കുറ്റങ്ങൾ ചുമത്താൻ സിബിഐ കോടതിയെ സമീപിച്ചു.സിബിഐയുടെ നീക്കം

ഒന്നാം പ്രതി കെ.എ. രതീഷ്, മൂന്നാം പ്രതി ആർ. ചന്ദ്രശേഖരൻ എന്നിവർക്കെതിരെയാണ് തിരുവനന്തപുരം സിജെഎം കോടതിയിൽ സിബിഐ റിപ്പോർട്ട് സമർപ്പിച്ചത്. ഗൂഢാലോചന ഉൾപ്പെടെയുള്ള വകുപ്പുകൾക്കൊപ്പം പി.സി. ആക്ട് കൂടി ചുമത്തിയാണ് കേസ്.പ്രതികളെ അഴിമതി നിരോധന നിയമപ്രകാരം വിചാരണ ചെയ്യാൻ സർക്കാർ അനുമതി നൽകിയ പശ്ചാത്തലത്തിലാണ് പുതിയ നടപടി.

പി.സി. ആക്ട് ചുമത്തിയതിനാൽ കേസ് കൊച്ചിയിലെ സിബിഐ പ്രത്യേക കോടതിയിലേക്ക് മാറ്റണമെന്നും സിബിഐ ആവശ്യപ്പെട്ടു. ഇക്കാര്യം അന്വേഷണ ഉദ്യോഗസ്ഥൻ ഹൈക്കോടതിയെ അറിയിച്ചു. കശുവണ്ടി വികസന കോർപ്പറേഷനിലെ വൻ തോതിലുള്ള സാമ്പത്തിക തിരിമറി ആരോപണമാണ് കേസിന്റെ അടിസ്ഥാനം.

കേസിൽ പ്രധാന സ്ഥാനത്തുള്ള രതീഷ് ഖാദി ബോർഡ് സെക്രട്ടറി സ്ഥാനത്ത് തുടരുന്നത് ശരിയല്ലെന്ന നിരീക്ഷണമാണ് ഹൈക്കോടതി നേരത്തെ നടത്തിയത്. ഇതിന് പിന്നാലെയാണ് രാജി ആവശ്യപ്പെട്ടുള്ള സർക്കാർ നീക്കം.അഴിമതിക്കേസിൽ പി.സി. ആക്ട് കൂടി ചുമത്തിയതോടെ വിചാരണ നടപടികൾ വേഗത്തിലാകും.

സിബിഐ പ്രത്യേക കോടതിയിലേക്ക് കേസ് മാറുന്നതോടെ തെളിവെടുപ്പും വിചാരണയും കേന്ദ്ര ഏജൻസിയുടെ നിരീക്ഷണത്തിൽ നടക്കും.സർക്കാർ സ്ഥാപനങ്ങളിലെ സാമ്പത്തിക ക്രമക്കേടുകൾക്കെതിരെ കർശന നടപടിയെടുക്കുമെന്ന നിലപാടാണ് സർക്കാർ ആവർത്തിക്കുന്നത്. രതീഷിന്റെ രാജി ഈ നിലപാടിന്റെ ഭാഗമായാണെന്നാണ് വിലയിരുത്തൽ.

### Related Links & Sources
- [Original Story Source](https://truevisionnews.com/news/376062/kerala-cashew-scam-ka-ratheesh-resigns-cbi-pc-act-case)