---
title: "നാടൻ രുചിയിൽ മൊരിഞ്ഞ ബീഫ് ഡ്രൈ ഫ്രൈ; തയ്യാറാക്കുന്നത് എങ്ങനെയെന്ന് നോക്കാം"
english_title: "Malabar Nadan Beef Dry Fry Recipe Easy Spicy Beef Roast-NEW"
publisher: "truevisionnews.com"
canonical_url: "https://truevisionnews.com/news/375990/malabar-nadan-beef-dry-fry-recipe-spicy-NEW"
published_at: "2026-08-01T15:22:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6a6dc2f924b73_malabar-nadan-beef-dry-fry-recipe-spicy.jpg"
keywords: ["Beef Dry Fry", "Malabar Recipe", "Kerala Beef", "Nadan Food", "Beef Roast", "Indian Recipe"]
---

# നാടൻ രുചിയിൽ മൊരിഞ്ഞ ബീഫ് ഡ്രൈ ഫ്രൈ; തയ്യാറാക്കുന്നത് എങ്ങനെയെന്ന് നോക്കാം

> **Lead Summary:** സ്പൈസി രുചിയിൽ തയ്യാറാക്കുന്ന നാടൻ സ്റ്റൈൽ ബീഫ് ഡ്രൈ ഫ്രൈ മലബാർ വിഭവങ്ങളിൽ ഏറെ പ്രശസ്തമാണ്. ചോറിനൊപ്പമോ പൊറോട്ടയ്‌ക്കൊപ്പമോ കഴിക്കാൻ ഏവരും ഇഷ്ടപ്പെടുന്ന ഈ രുചികരമായ വിഭവം വളരെ എളുപ്പത്തിൽ തയ്യാറാക്കാം.

## Article Content

സ്പൈസി രുചിയിൽ തയ്യാറാക്കുന്ന നാടൻ സ്റ്റൈൽ ബീഫ് ഡ്രൈ ഫ്രൈ മലബാർ വിഭവങ്ങളിൽ ഏറെ പ്രശസ്തമാണ്. ചോറിനൊപ്പമോ പൊറോട്ടയ്‌ക്കൊപ്പമോ കഴിക്കാൻ ഏവരും ഇഷ്ടപ്പെടുന്ന ഈ രുചികരമായ വിഭവം വളരെ എളുപ്പത്തിൽ തയ്യാറാക്കാം.

നാടൻ രുചിയിൽ മൊരിഞ്ഞ ബീഫ് ഡ്രൈ ഫ്രൈ തയ്യാറാക്കുന്നത് എങ്ങനെയെന്ന് നോക്കാം:

**ആവശ്യമായ ചേരുവകൾ**

*ബീഫ് - 1 കിലോ (ചെറിയ കഷ്ണങ്ങളാക്കിയത്)*

*സവാള - 3 എണ്ണം (ചെറിയ കഷ്ണങ്ങളായി അരിഞ്ഞത്)*

*ഇഞ്ചി-വെളുത്തുള്ളി പേസ്റ്റ് - 2 വലിയ സ്പൂൺ*

*പച്ചമുളക് - 4 എണ്ണം*

*മഞ്ഞൾപ്പൊടി - 1/2 ടീസ്പൂൺ*

*മുളകുപൊടി - 2 ടേബിൾസ്പൂൺ (എരിവിനനുസരിച്ച്)*

*മല്ലിപ്പൊടി - 1.5 ടേബിൾസ്പൂൺ*

*ഗരംമസാല - 1 ടീസ്പൂൺ*

*കുരുമുളകുപൊടി - 1.5 ടീസ്പൂൺ*

*പെരുംജീരകം പൊടിച്ചത് - 1 ടീസ്പൂൺ*

*വെളിച്ചെണ്ണ - ആവശ്യത്തിന്*

*കറിവേപ്പില - ആവശ്യത്തിന്*

*ഉപ്പ് - ആവശ്യത്തിന്*

**പാകം ചെയ്യുന്ന വിധം**

ആദ്യം കഴുകി വൃത്തിയാക്കിയ ബീഫിലേയ്ക്ക് മഞ്ഞൾപ്പൊടിയും അല്പം കുരുമുളകുപൊടിയും ആവശ്യത്തിന് ഉപ്പും ചേർത്ത് നന്നായി ഇളക്കി കുക്കറിലടച്ച് വേവിച്ചെടുക്കുക. (വെള്ളം അധികം ചേർക്കേണ്ടതില്ല, ബീഫിൽ നിന്നും ഇറങ്ങുന്ന വെള്ളത്തിൽ വേവിക്കുക).

ഒരു പാനിൽ വെളിച്ചെണ്ണ ചൂടാക്കി അരിഞ്ഞുവെച്ച സവാള, പച്ചമുളക്, കറിവേപ്പില എന്നിവ ചേർത്ത് നന്നായി വഴറ്റുക. സവാളയുടെ നിറം മാറി ഗോൾഡൻ ബ്രൗൺ ആകുന്നത് വരെ വഴറ്റണം. ഇതിലേക്ക് ഇഞ്ചി-വെളുത്തുള്ളി പേസ്റ്റ് ചേർത്ത് പച്ചമണം മാറുന്നതുവരെ വീണ്ടും വഴറ്റുക.

തീ കുറച്ചതിനു ശേഷം മല്ലിപ്പൊടി, മുളകുപൊടി, പെരുംജീരകം പൊടിച്ചത് എന്നിവ ചേർത്ത് മസാലയുടെ പച്ചമണം മാറുന്നതുവരെ നന്നായി ഇളക്കുക. തയ്യാറാക്കിവെച്ച മസാലക്കൂട്ടിലേക്ക് വേവിച്ചു വെച്ചിരിക്കുന്ന ബീഫ് വെള്ളത്തോടുകൂടി (ചാറുണ്ടെങ്കിൽ) ചേർക്കുക.

മസാലകൾ ബീഫിൽ നന്നായി പിടിച്ച്, വെള്ളമെല്ലാം വറ്റി ഡ്രൈ ആയി വരുന്നത് വരെ മീഡിയം തീയിൽ ഇളക്കിക്കൊണ്ടിരിക്കുക. ഇതിലേക്ക് കുരുമുളകുപൊടിയും ഗരംമസാലയും കുറച്ചു കറിവേപ്പിലയും അല്പം വെളിച്ചെണ്ണയും കൂടി തൂകി നന്നായി മൊരിഞ്ഞു വരുന്നത് വരെ വഴറ്റി തീ ഓഫ് ചെയ്യാം.

രുചികരവും മൊരിഞ്ഞതുമായ നാടൻ ബീഫ് ഡ്രൈ ഫ്രൈ തയ്യാർ. ചായയ്‌ക്കൊപ്പമോ പൊറോട്ടയ്‌ക്കൊപ്പമോ കഴിക്കാൻ ഇത് വളരെ മികച്ചൊരു കോമ്പിനേഷനാണ്.

### Related Links & Sources
- [Original Story Source](https://truevisionnews.com/news/375990/malabar-nadan-beef-dry-fry-recipe-spicy-NEW)