---
title: "ബ്രസീൽ vs ഇന്ത്യ! ബ്രസീൽ ടീം ഇന്ത്യയിലേക്ക്? ഒക്ടോബർ 3-ന് കൊൽക്കത്തയിൽ ഇന്ത്യയ്‌ക്കെതിരെ പോരാട്ടം"
english_title: "Brazil Vs India Football Match October 3 Kolkata Salt Lake Stadium 2026"
publisher: "truevisionnews.com"
canonical_url: "https://truevisionnews.com/news/375556/brazil-india-football-match-kolkata-october-3-2026"
published_at: "2026-07-30T15:57:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6b280eed35c_brazil-india-football-match-kolkata-october-3-2026.jpg"
keywords: ["Brazil Football", "India Football", "Kolkata", "Salt Lake Stadium", "Friendly Match", "Neymar"]
---

# ബ്രസീൽ vs ഇന്ത്യ! ബ്രസീൽ ടീം ഇന്ത്യയിലേക്ക്? ഒക്ടോബർ 3-ന് കൊൽക്കത്തയിൽ ഇന്ത്യയ്‌ക്കെതിരെ പോരാട്ടം

> **Lead Summary:** കൊൽക്കത്ത: **[**ഇന്ത്യൻ ഫുട്ബോൾ ചരിത്രത്തിലെ ഏറ്റവും വലിയ പോരാട്ടങ്ങളിലൊന്നിന് കൊൽക്കത്ത വേദിയായേക്കുമെന്ന് റിപ്പോർട്ട്. അഞ്ച് തവണ ലോക ചാമ്പ്യന്മാരായ ബ്രസീൽ ദേശീയ ടീം ഒക്ടോബർ 3-ന് ഇന്ത്യയ്‌ക്കെതിരെ സൗഹൃദ മത്സരം കളിച്ചേക്കുമെന്ന് പ്രമുഖ ബ്രസീലിയൻ മാധ്യമമായ 'ജി ഇ ഗ്ലോബോ' റിപ്പോർട്ട് ചെയ്തു.

## Article Content

കൊൽക്കത്ത: **[**ഇന്ത്യൻ ഫുട്ബോൾ ചരിത്രത്തിലെ ഏറ്റവും വലിയ പോരാട്ടങ്ങളിലൊന്നിന് കൊൽക്കത്ത വേദിയായേക്കുമെന്ന് റിപ്പോർട്ട്. അഞ്ച് തവണ ലോക ചാമ്പ്യന്മാരായ ബ്രസീൽ ദേശീയ ടീം ഒക്ടോബർ 3-ന് ഇന്ത്യയ്‌ക്കെതിരെ സൗഹൃദ മത്സരം കളിച്ചേക്കുമെന്ന് പ്രമുഖ ബ്രസീലിയൻ മാധ്യമമായ 'ജി ഇ ഗ്ലോബോ' റിപ്പോർട്ട് ചെയ്തു.

2026-ലെ തങ്ങളുടെ അവസാന ഫിഫ വിൻഡോയുടെ ഭാഗമായി മൂന്ന് അന്താരാഷ്ട്ര സൗഹൃദ മത്സരങ്ങളാണ് ബ്രസീൽ ആസൂത്രണം ചെയ്യുന്നത്. ഇതിൽ ആദ്യ രണ്ടു മത്സരങ്ങൾ ഓസ്‌ട്രേലിയയിലും മൂന്നാമത്തെ മത്സരം ഇന്ത്യയിലുമാണ് ക്രമീകരിച്ചിരിക്കുന്നത്.

മത്സര ക്രമം താഴെ പറയുന്ന രീതിയിലാണ്:

സെപ്റ്റംബർ 25: ബ്രസീൽ vs ഓസ്‌ട്രേലിയ (ടൗൺസ്വില്ലെ)

സെപ്റ്റംബർ 29: ബ്രസീൽ vs ഓസ്‌ട്രേലിയ (ബ്രിസ്‌ബേൻ)

ഒക്ടോബർ 3: ബ്രസീൽ vs ഇന്ത്യ (കൊൽക്കത്ത)

പെലെ 1977-ൽ മോഹൻ ബഗാനെതിരെ ഈഡൻ ഗാർഡൻസിൽ കളിച്ച ചരിത്രമുള്ള കൊൽക്കത്തയ്ക്ക് ബ്രസീൽ ഫുട്ബോളുമായി ദീർഘകാലത്തെ ആത്മബന്ധമുണ്ട്. കഴിഞ്ഞ ലോകകപ്പ് കാലത്തും നഗരത്തിലുടനീളം ഉയർന്ന മഞ്ഞപ്പടയുടെ കട്ടൗട്ടുകളും പതാകകളും ബ്രസീലിയൻ ഫുട്ബോൾ ഫെഡറേഷന്റെ ശ്രദ്ധ നേടിയിരുന്നു.

മത്സരം സംബന്ധിച്ച് അഖിലേന്ത്യാ ഫുട്ബോൾ ഫെഡറേഷന്റെയും (AIFF) ബ്രസീലിയൻ ഫുട്ബോൾ അസോസിയേഷന്റെയും ഔദ്യോഗിക സ്ഥിരീകരണം ഉടൻ പുറത്തുവരുമെന്നാണ് പ്രതീക്ഷിക്കുന്നത്.

### Related Links & Sources
- [Original Story Source](https://truevisionnews.com/news/375556/brazil-india-football-match-kolkata-october-3-2026)