---
title: "'പയ്യന്നൂരിലും തളിപ്പറമ്പിലും പാളി, പോസ്റ്റൽ വോട്ടിൽ ലീഡ് ഉണ്ടായിരുന്നു, പിന്നെ ഒലിച്ചുപോയി'; തോൽവിയുടെ കാരണങ്ങൾ തുറന്നുപറഞ്ഞ് എ.എൻ. ഷംസീർ"
english_title: "AN Shamseer Admits LDF Defeat Reasons Candidate Selection Ayyappa Sangam"
publisher: "truevisionnews.com"
canonical_url: "https://truevisionnews.com/news/375482/an-shamseer-ldf-defeat-reasons-malappuram-speech"
published_at: "2026-07-30T11:41:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6a6aebdb83d4b_an-shamseer-ldf-defeat-reasons-malappuram-speech.jpg"
keywords: ["AN Shamseer", "LDF Defeat", "Kerala Election", "Candidate Selection", "Vellappally"]
---

# 'പയ്യന്നൂരിലും തളിപ്പറമ്പിലും പാളി, പോസ്റ്റൽ വോട്ടിൽ ലീഡ് ഉണ്ടായിരുന്നു, പിന്നെ ഒലിച്ചുപോയി'; തോൽവിയുടെ കാരണങ്ങൾ തുറന്നുപറഞ്ഞ് എ.എൻ. ഷംസീർ

> **Lead Summary:** മലപ്പുറം: നിയമസഭാ തെരഞ്ഞെടുപ്പിൽ എൽഡിഎഫ് നേരിട്ട കനത്ത തോൽവിയുടെ കാരണങ്ങൾ പരസ്യമായി എണ്ണിപ്പറഞ്ഞ് മുൻ സ്പീക്കർ എ.എൻ. ഷംസീർ. പരാജയത്തിന് പിന്നിലെ പിഴവുകൾ സ്വയം വിമർശനത്തിലൂടെ അദ്ദേഹം തുറന്നുപറഞ്ഞു. മലപ്പുറം കാളികാവിൽ നടന്ന കുഞ്ഞാലി രക്തസാക്ഷി ദിനാചരണ പരിപാടിയിലായിരുന്നു ഷംസീറിന്റെ പ്രതികരണം.

## Article Content

മലപ്പുറം: നിയമസഭാ തെരഞ്ഞെടുപ്പിൽ എൽഡിഎഫ് നേരിട്ട കനത്ത തോൽവിയുടെ കാരണങ്ങൾ പരസ്യമായി എണ്ണിപ്പറഞ്ഞ് മുൻ സ്പീക്കർ എ.എൻ. ഷംസീർ. പരാജയത്തിന് പിന്നിലെ പിഴവുകൾ സ്വയം വിമർശനത്തിലൂടെ അദ്ദേഹം തുറന്നുപറഞ്ഞു. മലപ്പുറം കാളികാവിൽ നടന്ന കുഞ്ഞാലി രക്തസാക്ഷി ദിനാചരണ പരിപാടിയിലായിരുന്നു ഷംസീറിന്റെ പ്രതികരണം.

> "ഇങ്ങനെ ഒരു തോൽവി നമ്മളും പ്രതീക്ഷിച്ചിരുന്നില്ല. മൂന്നാം ഭരണം ഉറപ്പിക്കുമെന്നാണ് കരുതിയത്. പോസ്റ്റൽ വോട്ടുകൾ എണ്ണിയപ്പോൾ ലീഡ് ഉണ്ടായിരുന്നു. പിന്നീട് എല്ലാം ഒലിച്ചുപോയി" എന്ന് ഷംസീർ പറഞ്ഞു. തോൽവിയുടെ പ്രധാന കാരണങ്ങളായി അദ്ദേഹം മൂന്ന് കാര്യങ്ങൾ ചൂണ്ടിക്കാട്ടി.

ഒന്ന് സ്ഥാനാർത്ഥി നിർണ്ണയത്തിലെ പിഴവ്. പയ്യന്നൂരിലെയും തളിപ്പറമ്പിലെയും സ്ഥാനാർത്ഥി നിർണ്ണയം പാളിയെന്ന് ഷംസീർ സമ്മതിച്ചു. രണ്ടാമത് അയ്യപ്പ സംഗമം നടത്തിയത്. മൂന്നാമത് എസ്എൻഡിപി നേതാവ് വെള്ളാപ്പള്ളി നടേശന്റെ വിമർശനത്തെ ഫലപ്രദമായി പ്രതിരോധിക്കാൻ കഴിയാതെ പോയത്.

> "വെള്ളാപ്പള്ളിയുടെ വിമർശനത്തെ പ്രതിരോധിക്കാൻ നമുക്ക് ശക്തിയുണ്ടായില്ല. അദ്ദേഹത്തെ കൊണ്ടുനടന്നതും തിരിച്ചടിയായി" എന്ന് ഷംസീർ വ്യക്തമാക്കി. തെരഞ്ഞെടുപ്പ് തോൽവിക്ക് ശേഷം പാർട്ടിക്കുള്ളിലും പുറത്തും ഉയർന്ന വിമർശനങ്ങളെല്ലാം ശരിയാണെന്ന നിലപാടാണ് ഷംസീർ സ്വീകരിച്ചത്.

സ്വയം വിമർശനത്തിലൂടെ മാത്രമേ മുന്നോട്ട് പോകാനാകൂ എന്നും അദ്ദേഹം കൂട്ടിച്ചേർത്തു. എൽഡിഎഫിന്റെ പരാജയത്തെക്കുറിച്ചുള്ള ആത്മാർത്ഥമായ വിലയിരുത്തലായാണ് ഷംസീറിന്റെ ഈ പ്രസംഗം രാഷ്ട്രീയ നിരീക്ഷകർ വിലയിരുത്തുന്നത്. വരാനിരിക്കുന്ന തദ്ദേശ തെരഞ്ഞെടുപ്പിന് മുന്നോടിയായി പാർട്ടി ഈ പിഴവുകൾ തിരുത്തണമെന്നും അദ്ദേഹം സൂചിപ്പിച്ചു.

### Related Links & Sources
- [Original Story Source](https://truevisionnews.com/news/375482/an-shamseer-ldf-defeat-reasons-malappuram-speech)