---
title: "പാലക്കാട് തെങ്കരയിൽ വനംവകുപ്പ് സ്ഥാപിച്ച കൂട്ടിൽ പുലി കുടുങ്ങി"
english_title: "Leopard Trapped In Cage At Palakkad Thenkara; Forest Department Rescues Animal"
publisher: "truevisionnews.com"
canonical_url: "https://truevisionnews.com/news/375127/palakkad-thenkara-leopard-trapped-cage-forest-department"
published_at: "2026-07-28T13:53:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6867808ea64_palakkad-thenkara-leopard-trapped-cage-forest-department.jpg"
keywords: ["Palakkad Leopard", "Thenkara Mezukumpara", "Forest Department Kerala", "Wildlife Rescue", "Mannarkkad"]
---

# പാലക്കാട് തെങ്കരയിൽ വനംവകുപ്പ് സ്ഥാപിച്ച കൂട്ടിൽ പുലി കുടുങ്ങി

> **Lead Summary:** **മണ്ണാർക്കാട്: [ **പാലക്കാട് തെങ്കര പഞ്ചായത്തിലെ മെഴുകുംപാറയിൽ ജനവാസമേഖലയിൽ ഇറങ്ങിയ പുലി വനംവകുപ്പ് സ്ഥാപിച്ച കൂട്ടിൽ കുടുങ്ങി. ചൊവ്വാഴ്ച പുലർച്ചെ നാലോടെയാണ് സംഭവം.ജനവാസമേഖലയോട് ചേർന്നുള്ള റബർതോട്ടത്തിലാണ് വനംവകുപ്പ് കൂട് സ്ഥാപിച്ചിരുന്നത്. 

## Article Content

**മണ്ണാർക്കാട്: [ **പാലക്കാട് തെങ്കര പഞ്ചായത്തിലെ മെഴുകുംപാറയിൽ ജനവാസമേഖലയിൽ ഇറങ്ങിയ പുലി വനംവകുപ്പ് സ്ഥാപിച്ച കൂട്ടിൽ കുടുങ്ങി. ചൊവ്വാഴ്ച പുലർച്ചെ നാലോടെയാണ് സംഭവം.ജനവാസമേഖലയോട് ചേർന്നുള്ള റബർതോട്ടത്തിലാണ് വനംവകുപ്പ് കൂട് സ്ഥാപിച്ചിരുന്നത്. 

കഴിഞ്ഞ ദിവസങ്ങളിൽ ഈ പ്രദേശത്ത് നിരവധി വളർത്തു മൃഗങ്ങളെ പുലി ആക്രമിച്ച് കൊലപ്പെടുത്തിയിരുന്നു. നാട്ടുകാർ ആശങ്ക പ്രകടിപ്പിച്ചതിനെ തുടർന്നാണ് വനംവകുപ്പ് ഇവിടെ കൂട്ടിയിടുന്നതിന് കെണി സ്ഥാപിച്ചത്.കൂട്ടിൽ കുടുങ്ങിയത് ഏകദേശം നാലു വയസ്സുള്ള ആൺപുലിയാണെന്ന് വനംവകുപ്പ് ഉദ്യോഗസ്ഥർ വ്യക്തമാക്കി.

പുലിയെ പിടികൂടിയ ഉടൻ തന്നെ മണ്ണാർക്കാട് വനം ഡിവിഷൻ ഓഫീസ് പരിസരത്തേക്ക് മാറ്റുകയും ചെയ്തു.അവിടെ വെച്ച് പുലിക്ക് ആവശ്യമായ വൈദ്യപരിശോധനകൾ നടത്തിയ ശേഷം കാട്ടിലേക്ക് വിടുന്നതിനുള്ള നടപടികൾ സ്വീകരിക്കുമെന്ന് അധികൃതർ അറിയിച്ചു.ജാഗ്രത നിർദേശം

പുലിയെ പിടികൂടിയെങ്കിലും സമീപ പ്രദേശങ്ങളിൽ രാത്രി സമയങ്ങളിൽ പുറത്തിറങ്ങുമ്പോൾ ജാഗ്രത പാലിക്കണമെന്ന് വനംവകുപ്പ് നാട്ടുകാർക്ക് നിർദേശം നൽകി. വളർത്തുമൃഗങ്ങളെ സുരക്ഷിതമായി കെട്ടിയിടാനും ആവശ്യപ്പെട്ടിട്ടുണ്ട്.വനാതിർത്തിയോട് ചേർന്നുള്ള മെഴുകുംപാറ, തെങ്കര മേഖലകളിൽ കഴിഞ്ഞ കുറച്ച് മാസങ്ങളായി വന്യമൃഗ ശല്യം വർധിച്ചിരുന്നു. ഇതേ തുടർന്ന് കൂടുതൽ കേന്ദ്രങ്ങളിൽ നിരീക്ഷണം ശക്തമാക്കാനും വനംവകുപ്പ് തീരുമാനിച്ചിട്ടുണ്ട്.

### Related Links & Sources
- [Original Story Source](https://truevisionnews.com/news/375127/palakkad-thenkara-leopard-trapped-cage-forest-department)