---
title: "ശ്രീലങ്കയ്ക്കെതിരെയുള്ള ടെസ്റ്റ് പരമ്പരയില്‍ ശുഭ്മന്‍ ഗില്‍ ഇന്ത്യയെ നയിക്കും; ജഡേജ തിരച്ചെത്തി, ആദ്യ മത്സരം ഓഗസ്റ്റ് 15 മുതൽ "
english_title: "India Test Squad vs Sri Lanka Announced: Shubman Gill Captain, Jadeja Returns"
publisher: "truevisionnews.com"
canonical_url: "https://truevisionnews.com/news/375101/india-test-squad-sri-lanka-shubman-gill-captain-jadeja-returns"
published_at: "2026-07-28T12:22:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6a6853559f800_india-test-squad-sri-lanka-shubman-gill-captain-jadeja-returns.jpg"
keywords: ["India vs Sri Lanka Test", "Shubman Gill Captain", "BCCI Squad", "WTC 2025-27", "Indian Cricket Team"]
---

# ശ്രീലങ്കയ്ക്കെതിരെയുള്ള ടെസ്റ്റ് പരമ്പരയില്‍ ശുഭ്മന്‍ ഗില്‍ ഇന്ത്യയെ നയിക്കും; ജഡേജ തിരച്ചെത്തി, ആദ്യ മത്സരം ഓഗസ്റ്റ് 15 മുതൽ 

> **Lead Summary:** ന്യൂഡൽഹി: ശ്രീലങ്കയ്ക്കെതിരായ രണ്ട് മത്സരങ്ങളുള്ള ടെസ്റ്റ് പരമ്പരയ്ക്കുള്ള ഇന്ത്യൻ ടീമിനെ ബിസിഐ പ്രഖ്യാപിച്ചു. ശുഭ്മൻ ഗില്ലായിരിക്കും ഇന്ത്യയെ നയിക്കുക. കെ.എൽ. രാഹുലിനെ വൈസ് ക്യാപ്റ്റനായും നിയമിച്ചിട്ടുണ്ട്.

## Article Content

ന്യൂഡൽഹി: ശ്രീലങ്കയ്ക്കെതിരായ രണ്ട് മത്സരങ്ങളുള്ള ടെസ്റ്റ് പരമ്പരയ്ക്കുള്ള ഇന്ത്യൻ ടീമിനെ ബിസിഐ പ്രഖ്യാപിച്ചു. ശുഭ്മൻ ഗില്ലായിരിക്കും ഇന്ത്യയെ നയിക്കുക. കെ.എൽ. രാഹുലിനെ വൈസ് ക്യാപ്റ്റനായും നിയമിച്ചിട്ടുണ്ട്.

പരമ്പരയ്ക്ക് മുന്നോടിയായി ഓഗസ്റ്റ് 7 മുതൽ കൊളംബോയിൽ ഇന്ത്യ നാല് ദിവസത്തെ പരിശീലന മത്സരം കളിക്കും. ഐസിസി വേൾഡ് ടെസ്റ്റ് ചാമ്പ്യൻഷിപ്പ് 2025-27 സൈക്കിളിന്റെ ഭാഗമാണ് ഈ പരമ്പര.

ആദ്യ ടെസ്റ്റ് ഓഗസ്റ്റ് 15 മുതൽ 19 വരെ ഗാലെ ഇന്റർനാഷണൽ ക്രിക്കറ്റ് സ്റ്റേഡിയത്തിലും, രണ്ടാം ടെസ്റ്റ് ഓഗസ്റ്റ് 23 മുതൽ 27 വരെ കൊളംബോയിലെ സിംഹളീസ് സ്പോർട്സ് ക്ലബ്ബിലും നടക്കും.

പ്രധാന പേസർ ജസ്പ്രീത് ബുംറ ടീമിലുണ്ട്. എന്നാൽ ബിസിഐ സെന്റർ ഓഫ് എക്സലൻസിന്റെ ഫിറ്റ്നസ് ക്ലിയറൻസിന് ശേഷം മാത്രമേ അദ്ദേഹം കളിക്കുകയുള്ളൂ. സായ് സുദർശന്റെ കാര്യത്തിലും ഇതേ വ്യവസ്ഥയുണ്ട്.

പേശിക്കേറ്റ പരിക്കിനെ തുടർന്ന് സ്പിൻ ബൗളിംഗ് ഓൾറൗണ്ടർ വാഷിംഗ്ടൺ സുന്ദറിന് ആദ്യ ടെസ്റ്റ് നഷ്ടമാകും. അദ്ദേഹത്തിന് പകരം 33-കാരനായ സാരംഗ് ജെയിനിന് ആദ്യമായി ടെസ്റ്റ് ടീമിലേക്ക് വിളി ലഭിച്ചു. ഐപിഎൽ 2026-ൽ പരിക്കേറ്റ രവീന്ദ്ര ജഡേജ ടീമിലേക്ക് തിരിച്ചെത്തിയതാണ് ഏറ്റവും വലിയ നേട്ടം.

ജഡേജയുടെ തിരിച്ചുവരവ് ഇന്ത്യയുടെ സ്പിൻ നിരയ്ക്ക് കൂടുതൽ കരുത്തേകും.

**ഇന്ത്യൻ ടീം: ശുഭ്മൻ ഗിൽ [ക്യാപ്റ്റൻ], കെ.എൽ. രാഹുൽ [വൈസ് ക്യാപ്റ്റൻ], യശസ്വി ജയ്സ്വാൾ, ഋഷഭ് പന്ത് [വിക്കറ്റ് കീപ്പർ], സായ് സുദർശൻ, ധ്രുവ് ജുറെൽ [വിക്കറ്റ് കീപ്പർ], രവീന്ദ്ര ജഡേജ, കുൽദീപ് യാദവ്, മാനവ് സുതർ, ജസ്പ്രീത് ബുംറ, മുഹമ്മദ് സിറാജ്, പ്രസിദ്ധ് കൃഷ്ണ, ഗുർനൂർ ബ്രാർ, ദേവ്ദത്ത് പടിക്കൽ, സാരംഗ് ജെയിൻ.****

നിലവിൽ ഐസിസി വേൾഡ് ടെസ്റ്റ് ചാമ്പ്യൻഷിപ്പ് പോയിന്റ് പട്ടികയിൽ 9 മത്സരങ്ങളിൽ നിന്ന് 4 വിജയവും 4 തോൽവിയും 1 സമനിലയുമായി 52 പോയിന്റോടെ ഇന്ത്യ അഞ്ചാം സ്ഥാനത്താണ്. പോയിന്റ് ശതമാനം 48.15 ആണ്. പരമ്പരയിലെ ജയം വേൾഡ് ടെസ്റ്റ് ചാമ്പ്യൻഷിപ്പ് ഫൈനൽ പ്രതീക്ഷകൾക്ക് നിർണായകമാകും.
**

### Related Links & Sources
- [Original Story Source](https://truevisionnews.com/news/375101/india-test-squad-sri-lanka-shubman-gill-captain-jadeja-returns)