---
title: " യൂട്യൂബർ ദിൽഷാദിനെ കാണാനില്ലെന്ന് പരാതി; അവസാനമായി ഫോണിൽ സംസാരിച്ചത് നാല് ദിവസംമുൻപ്"
english_title: "Malappuram YouTuber Dilshad Missing Tejhipalam Police Case Filed"
publisher: "truevisionnews.com"
canonical_url: "https://truevisionnews.com/news/374986/malappuram-youtuber-dilshad-missing-tejhipalam-police-case"
published_at: "2026-07-27T19:22:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6762a9f26a6_malappuram-youtuber-dilshad-missing-tejhipalam-police-case.jpg"
keywords: ["Malappuram", "Dilshad", "Missing", "Youtuber", "Thenjippalam Police"]
---

#  യൂട്യൂബർ ദിൽഷാദിനെ കാണാനില്ലെന്ന് പരാതി; അവസാനമായി ഫോണിൽ സംസാരിച്ചത് നാല് ദിവസംമുൻപ്

> **Lead Summary:** **മലപ്പുറം: **യൂട്യൂബറെ കാണാതായതായി പരാതി. ചേലേമ്പ്ര പുല്ലിപ്പറമ്പ് എരൂലിൽ വീട്ടിൽ മുഹമ്മദ് ദിൽഷാദിനെ ആണ് കാണാതായത്. കുടുംബം നൽകിയ പരാതിയിൽ തേഞ്ഞിപ്പാലം പൊലീസ് കേസെടുത്ത് അന്വേഷണം ആരംഭിച്ചു. 4 ദിവസം മുൻപ് അസമിൽ നിന്നാണ് ദിൽഷാദ് അവസാനമായി കുടുംബവുമായി ഫോണിൽ സംസാരിച്ചത്.

## Article Content

**മലപ്പുറം: **യൂട്യൂബറെ കാണാതായതായി പരാതി. ചേലേമ്പ്ര പുല്ലിപ്പറമ്പ് എരൂലിൽ വീട്ടിൽ മുഹമ്മദ് ദിൽഷാദിനെ ആണ് കാണാതായത്. കുടുംബം നൽകിയ പരാതിയിൽ തേഞ്ഞിപ്പാലം പൊലീസ് കേസെടുത്ത് അന്വേഷണം ആരംഭിച്ചു. 4 ദിവസം മുൻപ് അസമിൽ നിന്നാണ് ദിൽഷാദ് അവസാനമായി കുടുംബവുമായി ഫോണിൽ സംസാരിച്ചത്.

അതിന് ശേഷം ഇയാളുമായി ബന്ധപ്പെടാൻ സാധിക്കുന്നില്ലെന്ന് കുടുംബം പറയുന്നു.വിവിധ രാജ്യങ്ങളിലെയും സംസ്ഥാനങ്ങളിലെയും യാത്രാ വിശേഷങ്ങൾ വീഡിയോകളിലൂടെ പങ്കുവെച്ചാണ് ദിൽഷാദ് സോഷ്യൽ മീഡിയയിൽ പ്രശസ്തനായത്. യാത്രാ വ്ലോഗുകൾക്ക് നിരവധി ഫോളോവേഴ്സ് ഉണ്ട്.

ദിൽഷാദ് നിലവിൽ യാത്രയിലായിരുന്നുവെന്നാണ് കുടുംബത്തിന്റെ വിവരം. അവസാനമായി അസമിൽ നിന്ന് വിളിച്ച ശേഷം ഫോൺ സ്വിച്ച് ഓഫ് ആയ നിലയിലാണ്. തേഞ്ഞിപ്പാലം പൊലീസ് ദിൽഷാദിന്റെ ഫോൺ ലൊക്കേഷൻ കേന്ദ്രീകരിച്ചും സുഹൃത്തുക്കളിൽ നിന്നും വിവരം ശേഖരിച്ചും അന്വേഷണം നടത്തുന്നുണ്ട്.

ദിൽഷാദ് അവസാനമായി എവിടെയൊക്കെ പോയി എന്നതിന്റെ വിവരങ്ങളും പൊലീസ് ശേഖരിക്കുന്നുണ്ട്.ദിൽഷാദിനെ കുറിച്ച് എന്തെങ്കിലും വിവരം ലഭിക്കുന്നവർ അടുത്തുള്ള പൊലീസ് സ്റ്റേഷനിലോ തേഞ്ഞിപ്പാലം പൊലീസിലോ വിവരം അറിയിക്കണമെന്ന് പൊലീസ് അഭ്യർഥിച്ചു.

### Related Links & Sources
- [Original Story Source](https://truevisionnews.com/news/374986/malappuram-youtuber-dilshad-missing-tejhipalam-police-case)