---
title: "ശിവകാശിയിൽ വീണ്ടും പടക്കശാലയിൽ പൊട്ടിത്തെറി; രണ്ട് തൊഴിലാളികൾ ദാരുണാന്ത്യം"
english_title: "Sivakasi Firecracker Factory Blast: 2 Dead, 1 Injured in Virudhunagar Explosion"
publisher: "truevisionnews.com"
canonical_url: "https://truevisionnews.com/news/374719/sivakasi-firecracker-factory-blast-2-dead-virudhunagar-"
published_at: "2026-07-26T13:49:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a65c3d4e649e_sivakasi-firecracker-factory-blast-2-dead-virudhunagar.jpg"
keywords: ["Sivakasi", "Virudhunagar", "Firecracker Blast", "Tamil Nadu Accident", "Factory Explosion"]
---

# ശിവകാശിയിൽ വീണ്ടും പടക്കശാലയിൽ പൊട്ടിത്തെറി; രണ്ട് തൊഴിലാളികൾ ദാരുണാന്ത്യം

> **Lead Summary:** **വിരുദുനഗര്‍: ** തമിഴ്നാട് ശിവകാശിയിലെ പടക്ക നിർമ്മാണ യൂണിറ്റിൽ ഉണ്ടായ പൊട്ടിത്തെറിയിൽ രണ്ട് പേർക്ക് ദാരുണാന്ത്യം. ഇന്ന് രാവിലെയാണ് ദാരുണമായ അപകടം സംഭവിച്ചത്. വിരുദുനഗർ ജില്ലയിലെ ശിവകാശിയിലുള്ള പടക്ക നിർമ്മാണ യൂണിറ്റിലാണ് പൊട്ടിത്തെറി ഉണ്ടായത്.

## Article Content

**വിരുദുനഗര്‍: ** തമിഴ്നാട് ശിവകാശിയിലെ പടക്ക നിർമ്മാണ യൂണിറ്റിൽ ഉണ്ടായ പൊട്ടിത്തെറിയിൽ രണ്ട് പേർക്ക് ദാരുണാന്ത്യം. ഇന്ന് രാവിലെയാണ് ദാരുണമായ അപകടം സംഭവിച്ചത്. വിരുദുനഗർ ജില്ലയിലെ ശിവകാശിയിലുള്ള പടക്ക നിർമ്മാണ യൂണിറ്റിലാണ് പൊട്ടിത്തെറി ഉണ്ടായത്.

അപകടത്തിന്റെ കാരണം ഇതുവരെ വ്യക്തമായിട്ടില്ല. ശക്തമായ ശബ്ദത്തോടെയാണ് സ്ഫോടനമുണ്ടായത്. വിവരം ലഭിച്ച ഉടൻ അഗ്നിശമന സേനാംഗങ്ങൾ സ്ഥലത്തെത്തി തീ അണയ്ക്കാനുള്ള ശ്രമം നടത്തി. പൊട്ടിത്തെറിയുടെ ആഘാതത്തിൽ യൂണിറ്റിന്റെ ഭാഗങ്ങൾ തകർന്നു. 

 ഗുരുതരമായി പൊള്ളലേറ്റ ഒരു തൊഴിലാളിയെ ആശുപത്രിയിൽ പ്രവേശിപ്പിച്ചിട്ടുണ്ട് എന്നാണ് പ്രാഥമിക റിപ്പോർട്ടുകൾ. അദ്ദേഹത്തിന്റെ നില അതീവ ഗുരുതരമാണ്. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്. ഫോറൻസിക് സംഘവും സ്ഥലത്തെത്തി പരിശോധന നടത്തി.

പടക്ക നിർമ്മാണത്തിനിടെയുണ്ടായ സുരക്ഷാ വീഴ്ചയാണോ കാരണമെന്നും, യൂണിറ്റിന് ലൈസൻസ് ഉണ്ടായിരുന്നോ എന്നും പോലീസ് പരിശോധിക്കുന്നുണ്ട്. ശിവകാശി പടക്ക നിർമ്മാണത്തിന് പേരുകേട്ട സ്ഥലമാണ്. ഇവിടെ നേരത്തെ പല തവണ ഇത്തരം അപകടങ്ങൾ റിപ്പോർട്ട് ചെയ്തിട്ടുണ്ട്. മരിച്ചവരുടെ മൃതദേഹങ്ങൾ പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.

പടക്ക നിർമ്മാണശാലകളിലും പടക്കക്കടകളിലും ജീവനും സ്വത്തിനും സുരക്ഷ ഉറപ്പാക്കാൻ കർശനമായ മുൻകരുതലുകളും നിയമവ്യവസ്ഥകളും പാലിക്കേണ്ടതുണ്ട്. പെട്രോളിയം ആൻഡ് എക്‌സ്‌പ്ലോസീവ്‌സ് സേഫ്റ്റി ഓർഗനൈസേഷൻ നിർദ്ദേശിക്കുന്ന പ്രധാന സുരക്ഷാ മാനദണ്ഡങ്ങൾ താഴെ പറയുന്നവയാണ്:

ലൈസൻസും സ്ഥലപരിധിയും

അംഗീകൃത ലൈസൻസ്: സർക്കാർ/പെസോ (PESO) അംഗീകൃത ലൈസൻസ് ഉള്ള യൂണിറ്റുകൾ മാത്രമേ പ്രവർത്തിക്കാവൂ.

ജനവാസ മേഖലകളിൽ നിന്നുള്ള അകലം: ജനവാസ കേന്ദ്രങ്ങൾ, സ്കൂളുകൾ, ആശുപത്രികൾ, ആരാധനാലയങ്ങൾ എന്നിവടങ്ങളിൽ നിന്ന് നിയമപ്രകാരമുള്ള മിനിമം അകലം പാലിച്ചിരിക്കണം.

കെട്ടിടങ്ങളുടെ ഘടന: പടക്കശാലകളിലെ ഭിന്നികളും മേൽക്കൂരകളും തീപിടിക്കാത്ത വസ്തുക്കൾ ഉപയോഗിച്ചോ ഫയർ റിട്ടാർഡന്റ് പെയിന്റ് പൂശിയോ തീരോധക ശേഷിയുള്ളതാക്കണം.

നിർമ്മാണ വേളയിലെ സുരക്ഷ

വ്യക്തിഗത സുരക്ഷാ ഉപകരണങ്ങൾ (PPE): ജോലി ചെയ്യുന്ന തൊഴിലാളികൾ തീപ്പൊരി പ്രതിരോധിക്കുന്ന കോട്ടൺ വസ്ത്രങ്ങൾ, സുരക്ഷാ കണ്ണടകൾ, കയ്യുറകൾ എന്നിവ നിർബന്ധമായും ധരിക്കണം. സിന്തറ്റിക് വസ്ത്രങ്ങൾ പൂർണ്ണമായും ഒഴിവാക്കുക.

രാസവസ്തുക്കളുടെ കൈകാര്യം ചെയ്യൽ: വെടിമരുന്ന് മിശ്രിതങ്ങളും രാസവസ്തുക്കളും അളവനുസരിച്ച് മാത്രം സൂക്ഷിക്കുകയും വളരെ സൂക്ഷ്മതയോടെ കൈകാര്യം ചെയ്യുകയും വേണം. അമിതമായ ഘർഷണമോ ചൂടോ ഉണ്ടാക്കുന്ന സാഹചര്യങ്ങൾ ഒഴിവാക്കണം.

പുകവലിക്കും തീക്കുമേൽ നിയന്ത്രണം: നിർമ്മാണ യൂണിറ്റുകൾക്കുള്ളിലും പരിസരത്തും ബീഡി, സിഗരറ്റ്, തീപ്പെട്ടി, ലൈറ്റർ തുടങ്ങിയവ പൂർണ്ണമായും നിരോധിച്ചിരിക്കുന്നു. മൊബൈൽ ഫോണുകളുടെ ഉപയോഗവും ചില കർശന മേഖലകളിൽ നിയന്ത്രിക്കേണ്ടതാണ്.

### Related Links & Sources
- [Original Story Source](https://truevisionnews.com/news/374719/sivakasi-firecracker-factory-blast-2-dead-virudhunagar-)