---
title: "വിശ്വസിച്ച് അയച്ചതല്ലേ ....? ചൂണ്ടലിൽ മൂന്ന് കുട്ടികളെ ലൈംഗികമായി പീഡിപ്പിച്ച കേസ്; ട്യൂഷൻ അധ്യാപകൻ അറസ്റ്റിൽ "
english_title: "Thrissur Choondal Tuition Teacher Arrested POCSO Case Three Students"
publisher: "truevisionnews.com"
canonical_url: "https://truevisionnews.com/news/374331/thrissur-choondal-tuition-teacher-arrested-pocso-three-students"
published_at: "2026-07-24T13:04:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6315d8c0ab9_pocso.jpg"
keywords: ["Thrissur", "Choondal", "POCSO", "Teacher Arrest", "Child Abuse", "Kunnamkulam"]
---

# വിശ്വസിച്ച് അയച്ചതല്ലേ ....? ചൂണ്ടലിൽ മൂന്ന് കുട്ടികളെ ലൈംഗികമായി പീഡിപ്പിച്ച കേസ്; ട്യൂഷൻ അധ്യാപകൻ അറസ്റ്റിൽ 

> **Lead Summary:** **തൃശൂർ: **ചൂണ്ടലിൽ ട്യൂഷൻ ക്ലാസിൽ പഠിച്ചിരുന്ന മൂന്ന് വിദ്യാർത്ഥികളെ ലൈംഗികമായി പീഡിപ്പിച്ച കേസിൽ അധ്യാപകൻ അറസ്റ്റിൽ. ചൂണ്ടൽ സ്വദേശി നൗഷാദിനെയാണ് കുന്നംകുളം പൊലീസ് പോക്സോ വകുപ്പ് പ്രകാരം അറസ്റ്റ് ചെയ്തത്.വീട്ടിൽ ട്യൂഷൻ ക്ലാസ് നടത്തിവരികയായിരുന്നു നൗഷാദ്.

## Article Content

**തൃശൂർ: **ചൂണ്ടലിൽ ട്യൂഷൻ ക്ലാസിൽ പഠിച്ചിരുന്ന മൂന്ന് വിദ്യാർത്ഥികളെ ലൈംഗികമായി പീഡിപ്പിച്ച കേസിൽ അധ്യാപകൻ അറസ്റ്റിൽ. ചൂണ്ടൽ സ്വദേശി നൗഷാദിനെയാണ് കുന്നംകുളം പൊലീസ് പോക്സോ വകുപ്പ് പ്രകാരം അറസ്റ്റ് ചെയ്തത്.വീട്ടിൽ ട്യൂഷൻ ക്ലാസ് നടത്തിവരികയായിരുന്നു നൗഷാദ്.

ഇവിടെ പഠിക്കാൻ എത്തിയ കുട്ടികൾക്ക് നേരെയാണ് പ്രതി അതിക്രമം നടത്തിയത്. കുട്ടികളുടെ പരാതിയെ തുടർന്നാണ് പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചത്. കുട്ടികൾ വീട്ടിലെത്തി സംഭവം രക്ഷിതാക്കളെ അറിയിച്ചതോടെയാണ് വിവരം പുറത്തായത്. തുടർന്ന് രക്ഷിതാക്കൾ നൽകിയ പരാതിയിൽ കുന്നംകുളം പൊലീസ് കേസ് എടുക്കുകയായിരുന്നു.

മൂന്ന് കുട്ടികളാണ് പീഡനത്തിന് ഇരയായതെന്ന് പൊലീസ് സ്ഥിരീകരിച്ചു.പോക്സോ നിയമത്തിലെ വിവിധ വകുപ്പുകൾ പ്രകാരമാണ് നൗഷാദിനെതിരെ കേസ് രജിസ്റ്റർ ചെയ്തിരിക്കുന്നത്. അറസ്റ്റിന് ശേഷം പ്രതിയെ കോടതിയിൽ ഹാജരാക്കി റിമാൻഡ് ചെയ്തു. സംഭവം നാട്ടിൽ വലിയ ഞെട്ടലാണ് ഉണ്ടാക്കിയിരിക്കുന്നത്.

കുട്ടികളുടെ സുരക്ഷ ഉറപ്പാക്കാൻ ട്യൂഷൻ സെന്ററുകൾക്ക് കൂടുതൽ നിരീക്ഷണം വേണമെന്ന ആവശ്യം ശക്തമാണ്. ചൈൽഡ് വെൽഫെയർ കമ്മിറ്റിയും കേസിൽ ഇടപെട്ടിട്ടുണ്ട്. പീഡനത്തിന് ഇരയായ കുട്ടികൾക്ക് കൗൺസലിംഗ് ഉൾപ്പെടെയുള്ള സഹായങ്ങൾ നൽകാനുള്ള നടപടികൾ സ്വീകരിച്ചിട്ടുണ്ടെന്ന് അധികൃതർ അറിയിച്ചു.

കുന്നംകുളം ഡിവൈഎസ്പിയുടെ നേതൃത്വത്തിലാണ് അന്വേഷണം പുരോഗമിക്കുന്നത്. പ്രതിയുടെ മൊബൈൽ ഫോണും മറ്റ് രേഖകളും പൊലീസ് പരിശോധിക്കുന്നുണ്ട്. സമാനമായ മറ്റ് സംഭവങ്ങൾ ഉണ്ടായിട്ടുണ്ടോ എന്നും പൊലീസ് അന്വേഷിക്കുന്നുണ്ട്. നാട്ടുകാരിൽ നിന്നും മറ്റ് രക്ഷിതാക്കളിൽ നിന്നും കൂടുതൽ വിവരങ്ങൾ ശേഖരിക്കുന്നതായും പൊലീസ് പറഞ്ഞു.

### Related Links & Sources
- [Original Story Source](https://truevisionnews.com/news/374331/thrissur-choondal-tuition-teacher-arrested-pocso-three-students)