---
title: "ചെറിയ പാക്കറ്റുകളിൽ വലിയ കളി..! വിദ്യാർഥികൾക്കും യുവാക്കൾക്കും ചില്ലറ വിൽപന; കഞ്ചാവുമായി കോഴിക്കോട് സ്വദേശി പിടിയിൽ"
english_title: "Kozhikode: Youth Arrested With 2 Kg Ganja, Targeted Students And Youngsters, Say Police"
publisher: "truevisionnews.com"
canonical_url: "https://truevisionnews.com/news/374275/kozhikode-youth-arrested-2-kg-ganja-students-target-"
published_at: "2026-07-24T10:30:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a62f1f34461c_kozhikode-youth-arrested-2-kg-ganja-students-target.jpg"
keywords: ["Kozhikode", "Ganja Seizure", "Narcotics", "Muhammad Ajmal", "City Narcotic Cell", "Drug Peddling"]
---

# ചെറിയ പാക്കറ്റുകളിൽ വലിയ കളി..! വിദ്യാർഥികൾക്കും യുവാക്കൾക്കും ചില്ലറ വിൽപന; കഞ്ചാവുമായി കോഴിക്കോട് സ്വദേശി പിടിയിൽ

> **Lead Summary:** **കോഴിക്കോട്: ( **[https://truevisionnews.com/)]** **കോഴിക്കോട് നഗരത്തിൽ രണ്ട് കിലോ കഞ്ചാവുമായി നടക്കാവ് സ്വദേശി മുഹമ്മദ് അജ്മൽ പിടിയിൽ. സിറ്റി നാർക്കോട്ടിക് സെല്ലും പൊലീസും ചേർന്ന് കാരപറമ്പിൽ നടത്തിയ പരിശോധനയിലാണ് ഇയാൾ അറസ്റ്റിലായത്.

## Article Content

**കോഴിക്കോട്: ( **[https://truevisionnews.com/)]** **കോഴിക്കോട് നഗരത്തിൽ രണ്ട് കിലോ കഞ്ചാവുമായി നടക്കാവ് സ്വദേശി മുഹമ്മദ് അജ്മൽ പിടിയിൽ. സിറ്റി നാർക്കോട്ടിക് സെല്ലും പൊലീസും ചേർന്ന് കാരപറമ്പിൽ നടത്തിയ പരിശോധനയിലാണ് ഇയാൾ അറസ്റ്റിലായത്.

നഗരത്തിലെ വൻകിട മൊത്തവിതരണക്കാരിൽ നിന്ന് കഞ്ചാവ് വാങ്ങി വിദ്യാർഥികൾക്കും യുവാക്കൾക്കും ചില്ലറ വിൽപന നടത്തുന്ന സംഘത്തിലെ പ്രധാനിയാണ് അജ്മൽ. വലിയ അളവിൽ ശേഖരിക്കുന്ന കഞ്ചാവ്, ആവശ്യക്കാർക്കായി 50, 100 ഗ്രാം വീതമുള്ള ചെറിയ പാക്കറ്റുകളിലാക്കിയാണ് ഇയാൾ വിറ്റിരുന്നത്.

വിദ്യാലയങ്ങൾ കേന്ദ്രീകരിച്ച് കഞ്ചാവ് വിതരണം നടത്തുന്നതായി പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്. പ്രതിയെ ചോദ്യം ചെയ്തുവരികയാണെന്നും ഇയാൾക്ക് കഞ്ചാവ് നൽകിയ പ്രധാന കണ്ണി കണ്ടെത്താൻ അന്വേഷണം വ്യാപിപ്പിച്ചതായും പൊലീസ് അറിയിച്ചു.

***ഇന്ത്യയിൽ കഞ്ചാവ് കൈവശം വെക്കുന്നതും വിൽപന നടത്തുന്നതും എൻ.ഡി.പി.എസ്. നിയമപ്രകാരം ഗുരുതരമായ കുറ്റമാണ്. കൈവശം വെക്കുന്ന കഞ്ചാവിന്റെ അളവ് അനുസരിച്ചാണ് ശിക്ഷ തീരുമാനിക്കുന്നത്:***

*ചെറിയ അളവ് ( - 1 കിലോഗ്രാം വരെ): ആറു മാസം വരെ തടവോ, 10,000 രൂപ വരെ പിഴയോ, അല്ലെങ്കിൽ രണ്ടും കൂടിയോ ലഭിക്കാം. (വ്യക്തിഗത ഉപയോഗത്തിനോ ചെറിയ അളവിലോ പിടിക്കപ്പെടുന്നത് ഇതിൽ വരും).*

*ചെറിയ അളവിലും കൂടുതൽ എന്നാൽ വ്യാവസായിക അളവിലും കുറവ് ( - 1 കിലോ മുതൽ 20 കിലോ വരെ): 10 വർഷം വരെ കഠിന തടവും 1 ലക്ഷം രൂപ വരെ പിഴയും ലഭിക്കാവുന്ന കുറ്റമാണിത്.*

*വ്യാവസായിക അളവ് ( - 20 കിലോയോ അതിൽ കൂടുതലോ): 10 വർഷം മുതൽ 20 വർഷം വരെ കഠിന തടവും, 1 ലക്ഷം മുതൽ 2 ലക്ഷം രൂപ വരെ പിഴയും ലഭിക്കാവുന്ന വലിയ കുറ്റമാണിത്. ആവർത്തിച്ചുള്ള കുറ്റകൃത്യങ്ങൾക്ക് ശിക്ഷ വീണ്ടും കടുക്കാം.*

### Related Links & Sources
- [Original Story Source](https://truevisionnews.com/news/374275/kozhikode-youth-arrested-2-kg-ganja-students-target-)