#Uttar Pradesh #Ballia #Theft #Robbery #Police
ഉത്തർപ്രദേശ്: ( www.truevisionnews.com) ബല്ലിയ ജില്ലയിലെ നാരായൺപൂർ ഗ്രാമത്തിൽ മൂന്ന് വീടുകളിൽ മോഷണം നടത്തി മോഷ്ടാക്കൾ കടന്നുകളഞ്ഞു. കഴിഞ്ഞ ദിവസം രാത്രിയാണ് സംഭവം. മോഷണം നടത്തിയ ശേഷം ഒരു വീട്ടുമുറ്റത്ത് മലമൂത്ര വിസർജനം നടത്തിയാണ് പ്രതികൾ പോയത്. ഇത് ഗ്രാമവാസികൾക്കിടയിൽ വലിയ രോഷത്തിന് കാരണമായിട്ടുണ്ട്.
രണ്ട് വീടുകളിൽ നിന്ന് ആഭരണങ്ങളും പണവുമാണ് കള്ളന്മാർ കവർന്നത്. മൂന്നാമത്തെ വീട്ടിൽ നിന്ന് ദൈവത്തിന് വഴിപാടായി വെച്ചിരുന്ന 45 രൂപയും നഷ്ടപ്പെട്ടു. വിചിത്രമെന്നു പറയട്ടെ, മലമൂത്ര വിസർജനം നടത്തിയതും ഈ വീട്ടിലാണ്.ഗ്രാമവാസികളായ രാമൻ പാസ്വാന്റെയും മദൻ ചൗഹാന്റെയും വീടുകളിലാണ് പ്രധാന മോഷണം നടന്നത്.
രാമൻ പാസ്വാന്റെ വീട്ടിൽ നിന്ന് അമ്മയുടെ ആഭരണങ്ങളും പണവും കവർന്നു. ഏകദേശം 5 ലക്ഷം രൂപയുടെ ആഭരണങ്ങളും 15,000 രൂപയുമാണ് രണ്ട് വീടുകളിൽ നിന്നായി നഷ്ടപ്പെട്ടത്. രാമൻ പാസ്വാന്റെ വീട്ടിലെ പെട്ടികളുടെ പൂട്ടുകൾ രാസവസ്തുക്കൾ ഉപയോഗിച്ച് തകർത്താണ് മോഷ്ടാക്കൾ അകത്തുകടന്നത്. മദൻ ചൗഹാനും കുടുംബവും നിലവിൽ വിദേശത്ത് താമസിക്കുന്നതിനാൽ വീട് പൂട്ടിയിരിക്കുകയായിരുന്നു. ഈ അവസരം മുതലെടുത്താണ് മോഷണം നടന്നത്.
സംഭവം ശ്രദ്ധയിൽപ്പെട്ട ഉടൻ രണ്ട് കുടുംബങ്ങളും കൊരന്തടി പോലീസ് സ്റ്റേഷനിൽ പരാതി നൽകി. വിവരം ലഭിച്ചതിനെ തുടർന്ന് സ്ഥലത്തെത്തിയ പോലീസ് സംഘം തെളിവുകൾ ശേഖരിക്കുകയും നായയുടെ സഹായത്തോടെ അന്വേഷണം ആരംഭിക്കുകയും ചെയ്തു.ഗ്രാമത്തിൽ ഒരാഴ്ചയ്ക്കിടെ നടക്കുന്ന രണ്ടാമത്തെ മോഷണമാണിത്.
അതിനാൽ രാത്രികാല പട്രോളിംഗ് ശക്തമാക്കണമെന്ന് നാട്ടുകാർ ആവശ്യപ്പെട്ടു. സമീപത്തെ സിസിടിവി ദൃശ്യങ്ങൾ പരിശോധിച്ചുവരികയാണെന്ന് പോലീസ് അറിയിച്ചു. മോഷ്ടാക്കളെ ഉടൻ പിടികൂടുമെന്നാണ് പോലീസിന്റെ വാഗ്ദാനം.
Content Highlight: UP Ballia Theft: Robbers Loot 3 Houses And Defecate In House Premises
#Uttar Pradesh #Ballia #Theft #Robbery #Police
