---
title: "'ശ്രീമതി ടീച്ചർ എന്റെ അമ്മയുടെ പെൻഷൻ വാങ്ങിയിട്ടില്ല, പേരിലെ സാമ്യം കൊണ്ട് ഉണ്ടായ വിവാദമാണിത്' - മുൻ എംഎൽഎ പി ആർ കൃഷ്ണന്റെ മകൻ"
english_title: "P K Sreemathi Pension Row: PR Krishnan's Son Clarifies, Says Allegation False"
publisher: "truevisionnews.com"
canonical_url: "https://truevisionnews.com/news/374170/thrissur-pk-sreemathi-pension-row-pr-krishnan-son-clarifies"
published_at: "2026-07-23T17:29:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6203823274e_thrissur-pk-sreemathi-pension-row-pr-krishnan-son-clarifies.jpg"
keywords: ["PK Sreemathi", "PR Krishnan", "Pension Controversy", "CPM", "Kunamkulam"]
---

# 'ശ്രീമതി ടീച്ചർ എന്റെ അമ്മയുടെ പെൻഷൻ വാങ്ങിയിട്ടില്ല, പേരിലെ സാമ്യം കൊണ്ട് ഉണ്ടായ വിവാദമാണിത്' - മുൻ എംഎൽഎ പി ആർ കൃഷ്ണന്റെ മകൻ

> **Lead Summary:** **തൃശൂർ: **സിപിഎം നേതാവ് പി കെ ശ്രീമതി ടീച്ചറുടെ പെൻഷൻ വാങ്ങൽ വിവാദത്തിൽ കുന്നംകുളം മുൻ എംഎൽഎ പി ആർ കൃഷ്ണന്റെ മകൻ അജിത് കുമാർ രംഗത്തെത്തി. പേരിലെ സാമ്യം കൊണ്ട് ഉണ്ടായ വിവാദമാണിത് എന്നാണ് അദ്ദേഹത്തിന്റെ വിശദീകരണം.

## Article Content

**തൃശൂർ: **സിപിഎം നേതാവ് പി കെ ശ്രീമതി ടീച്ചറുടെ പെൻഷൻ വാങ്ങൽ വിവാദത്തിൽ കുന്നംകുളം മുൻ എംഎൽഎ പി ആർ കൃഷ്ണന്റെ മകൻ അജിത് കുമാർ രംഗത്തെത്തി. പേരിലെ സാമ്യം കൊണ്ട് ഉണ്ടായ വിവാദമാണിത് എന്നാണ് അദ്ദേഹത്തിന്റെ വിശദീകരണം.

സിപിഎം നേതാവ് പി കെ ശ്രീമതി തന്റെ അമ്മയായ പി കെ ശ്രീമതിയുടെ പെൻഷൻ വാങ്ങിയിട്ടില്ല എന്ന് അജിത് കുമാർ വ്യക്തമാക്കി. അറിവില്ലായ്മ കൊണ്ടോ മനപ്പൂർവ്വമോ ആണ് ഇത്തരമൊരു വിവാദം സൃഷ്ടിച്ചതെന്നും അദ്ദേഹം കുറ്റപ്പെടുത്തി. സിപിഎം നേതാവ് പി കെ ശ്രീമതി ടീച്ചർക്ക് തന്റെ നിരുപാധിക പിന്തുണയുണ്ടെന്നും അദ്ദേഹം മാധ്യമങ്ങളോട് പറഞ്ഞു. വിഷയത്തിൽ ശ്രീമതി ടീച്ചറോടൊപ്പം നിൽക്കുന്നുവെന്നും വ്യാജ പ്രചാരണങ്ങളെ എതിർക്കുന്നുവെന്നും അജിത് കുമാർ കൂട്ടിച്ചേർത്തു.

കുന്നംകുളം മുൻ എംഎൽഎ പി ആർ കൃഷ്ണന്റെ ഭാര്യയുടെ പെൻഷൻ സിപിഎം നേതാവ് പി കെ ശ്രീമതി ടീച്ചർ വാങ്ങുന്നെന്ന ആരോപണത്തെ തുടർന്നാണ് വിവാദം ആരംഭിച്ചത്. ഇതിൽ വൈകാരികമായി പ്രതികരിച്ചാണ് പി കെ ശ്രീമതി ടീച്ചർ രംഗത്തെത്തിയത്. തനിക്കെതിരെ നടക്കുന്നത് വ്യാജ പ്രചാരണമാണെന്നും മാനനഷ്ടത്തിന് കേസ് കൊടുക്കുമെന്നും അവർ പറഞ്ഞു.

ഇതുമായി ബന്ധപ്പെട്ട് ഡിജിപി, ആഭ്യന്തര മന്ത്രി, സ്പീക്കർ, മുഖ്യമന്ത്രി എന്നിവർക്ക് പരാതി നൽകുമെന്നും ശ്രീമതി ടീച്ചർ അറിയിച്ചു. പേരിലെ സാമ്യം കാരണം രണ്ട് വ്യത്യസ്ത വ്യക്തികളെ കൂട്ടിക്കുഴച്ചാണ് പ്രചാരണം നടക്കുന്നതെന്ന് ഇരുവരും വ്യക്തമാക്കി. വിവാദത്തിൽ ശ്രീമതി ടീച്ചറിന് നീതി ലഭിക്കണമെന്നും അജിത് കുമാർ ആവശ്യപ്പെട്ടു.

  

### Related Links & Sources
- [Original Story Source](https://truevisionnews.com/news/374170/thrissur-pk-sreemathi-pension-row-pr-krishnan-son-clarifies)