---
title: "ജീവപര്യന്തം ശിക്ഷയ്ക്കിടയിൽ പൂവിട്ട പ്രണയം....! ആർട്ടിക്കിൾ 21 ചൂണ്ടിക്കാട്ടി ഹൈക്കോടതി; മാണ്ഡോർ തുറന്ന ജയിലിൽ അപൂർവ്വ വിവാഹം"
english_title: "Rajasthan: Life Term Prisoners Marry Inside Jodhpur Open Jail With HC Permission"
publisher: "truevisionnews.com"
canonical_url: "https://truevisionnews.com/news/374091/rajasthan-jodhpur-jail-marriage-life-prisoners-hc-order"
published_at: "2026-07-23T12:13:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a61b83692494_rajasthan-jodhpur-jail-marriage-life-prisoners-hc-order.jpg"
keywords: ["Rajasthan High Court", "Jodhpur Jail", "Prison Marriage", "Life Imprisonment", "Article 21"]
---

# ജീവപര്യന്തം ശിക്ഷയ്ക്കിടയിൽ പൂവിട്ട പ്രണയം....! ആർട്ടിക്കിൾ 21 ചൂണ്ടിക്കാട്ടി ഹൈക്കോടതി; മാണ്ഡോർ തുറന്ന ജയിലിൽ അപൂർവ്വ വിവാഹം

> **Lead Summary:** **രാജസ്ഥാൻ: ** ജോധ്പൂർ മാണ്ഡോർ തുറന്ന ജയിലിൽ അപൂർവ്വമായ വിവാഹം നടന്നു. ജീവപര്യന്തം തടവുശിക്ഷ അനുഭവിക്കുന്ന തടവുകാരായ മൂലാറാം ഭാട്ടിയും സീമ ഘാട്സെയുമാണ് രാജസ്ഥാൻ ഹൈക്കോടതിയുടെ പ്രത്യേക ഉത്തരവിന്റെ അടിസ്ഥാനത്തിൽ വിവാഹിതരായത്.

## Article Content

**രാജസ്ഥാൻ: ** ജോധ്പൂർ മാണ്ഡോർ തുറന്ന ജയിലിൽ അപൂർവ്വമായ വിവാഹം നടന്നു. ജീവപര്യന്തം തടവുശിക്ഷ അനുഭവിക്കുന്ന തടവുകാരായ മൂലാറാം ഭാട്ടിയും സീമ ഘാട്സെയുമാണ് രാജസ്ഥാൻ ഹൈക്കോടതിയുടെ പ്രത്യേക ഉത്തരവിന്റെ അടിസ്ഥാനത്തിൽ വിവാഹിതരായത്.

പരസ്പര സമ്മതത്തോടെ വിവാഹം കഴിക്കാനുള്ള അവകാശം ഭരണഘടന ഉറപ്പുനൽകുന്നുണ്ടെന്നും, ജീവിക്കാനും വ്യക്തിസ്വാതന്ത്ര്യത്തിനുമുള്ള ആർട്ടിക്കിൾ 21 പ്രകാരമുള്ള മൗലികാവകാശം തടവുകാർക്കും ബാധകമാണെന്നും ഹൈക്കോടതി ഡിവിഷൻ ബെഞ്ച് വ്യക്തമാക്കി.

ഇത്തരം നടപടികൾ തടവുകാരുടെ പുനരധിവാസത്തിനും അവരെ സമൂഹത്തിലേക്ക് തിരികെ കൊണ്ടുവരുന്നതിനും സഹായിക്കുമെന്ന് കോടതി നിരീക്ഷിച്ചു. കുടുംബാംഗങ്ങൾ, ജയിൽ ഉദ്യോഗസ്ഥർ, സുരക്ഷാ ജീവനക്കാർ എന്നിവരടക്കം 21 പേരെ മാത്രമാണ് വിവാഹ ചടങ്ങിൽ പങ്കെടുക്കാൻ കോടതി അനുവദിച്ചത്.

അയൽവാസിയെ കൊലപ്പെടുത്തിയ കേസിൽ 2017 മുതൽ ജീവപര്യന്തം ശിക്ഷ അനുഭവിക്കുന്ന മൂലാറാമും, ഭർത്താവിനെ കൊലപ്പെടുത്തിയ കേസിൽ ശിക്ഷ അനുഭവിക്കുന്ന സീമയും നല്ല നടപ്പിനെ തുടർന്നാണ് മാണ്ഡോറിലെ തുറന്ന ജയിലിലേക്ക് മാറ്റപ്പെട്ടത്. ഇവിടെവെച്ചുണ്ടായ പരിചയമാണ് പിന്നീട് വിവാഹത്തിൽ കലാശിച്ചത്.

### Related Links & Sources
- [Original Story Source](https://truevisionnews.com/news/374091/rajasthan-jodhpur-jail-marriage-life-prisoners-hc-order)