#Jantar Mantar #Paper Leak #Dharmendra Pradhan #CJP #JP Nadda #NEET #Education Ministry
ന്യൂഡല്ഹി: ( https://truevisionnews.com/) ജന്തർമന്തറിലെ സമരസ്ഥലത്ത് സംഘർഷങ്ങൾക്ക് പിന്നിൽ പുറത്തുനിന്നുള്ളവരാണെന്ന് കോക്രോച്ച് ജനതാ പാർട്ടി (സി.ജെ.പി.) സ്ഥാപകൻ അഭിജീത് ദിപ്കെ. സമവായ ചർച്ചകൾക്കായി വാതിലുകൾ തുറന്നുകിടക്കുകയാണെന്നും കേന്ദ്രമന്ത്രിമാർക്ക് ഇവിടേക്ക് നേരിട്ട് വരാമെന്നും അദ്ദേഹം വ്യക്തമാക്കി.
അതേസമയം, കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാനിന്റെ രാജിയിൽ യാതൊരു വിട്ടുവീഴ്ചയുമില്ലെന്ന് സി.ജെ.പി. മുഖ്യ വക്താവ് സൗരവ് ദാസ് കനത്ത നിലപാടറിയിച്ചു. ആവശ്യങ്ങൾ പൂർണ്ണമായും അംഗീകരിക്കുന്നതുവരെ സമരം ശക്തമായി തുടരുമെന്നും അദ്ദേഹം കൂട്ടിച്ചേർത്തു.
എന്നാൽ, പരീക്ഷാ ചോദ്യപേപ്പർ ചോർച്ചയുമായി ബന്ധപ്പെട്ട വിഷയം രാഷ്ട്രീയവൽക്കരിക്കരുതെന്ന് കേന്ദ്ര ആരോഗ്യമന്ത്രി ജെ.പി. നദ്ദ ആവശ്യപ്പെട്ടു. വിഷയം ആഴത്തിൽ ചർച്ച ചെയ്യേണ്ടതാണെന്നും പാർലമെന്റിൽ എല്ലാ കാര്യങ്ങളും ചർച്ച ചെയ്യാൻ സർക്കാർ പൂർണ്ണ സജ്ജമാണെന്നും അദ്ദേഹം വ്യക്തമാക്കി.
ചോദ്യപേപ്പർ ചോർച്ചയിലേക്ക് നയിച്ച ഘടകങ്ങളും ഇതിൽ ഉൾപ്പെട്ടവരെക്കുറിച്ചും സമഗ്രമായ ചർച്ചയാണ് നടക്കേണ്ടത്. സർക്കാർ വിഷയത്തിൽ എന്ത് നടപടി സ്വീകരിച്ചുവെന്നും ഭാവിയിൽ ഇത്തരം സംഭവങ്ങൾ ആവർത്തിക്കാതിരിക്കാനുള്ള പരിഹാരങ്ങൾ കണ്ടെത്താനും പാർലമെന്റാണ് ഏറ്റവും അനുയോജ്യമായ വേദിയെന്നും ജെ.പി. നദ്ദ ഓർമ്മിപ്പിച്ചു.
അതേസമയം നീറ്റ് പരീക്ഷയിലെ ക്രമക്കേടുകൾക്കെതിരായ പ്രതിഷേധങ്ങൾ ശക്തമാകുന്ന പശ്ചാത്തലത്തിൽ മുംബൈയിൽ ഇന്ന് മുതൽ 15 ദിവസത്തേക്ക് നിരോധനാജ്ഞ പ്രഖ്യാപിച്ചു. ഇന്ന് മുതൽ ഓഗസ്റ്റ് 6 വരെയാണ് നിരോധനാജ്ഞ നിലനിൽക്കുക.
ദില്ലിയിലെ ജന്തർമന്തറിലും പാർലമെന്റിന് മുന്നിലും കോക്രോച്ച് ജനതാ പാർട്ടിയുടെ നേതൃത്വത്തിൽ നടക്കുന്ന സമരവും നീറ്റ് പ്രതിഷേധവും മുംബൈ നഗരത്തിലേക്കും വ്യാപിച്ചതോടെയാണ് പൊലീസ് ഈ കടുത്ത നടപടി സ്വീകരിച്ചത്. സമാധാനപരമായ പ്രതിഷേധങ്ങൾക്ക് സാധ്യതയുള്ളതിനാൽ നഗരത്തിൽ നിയമപാലനം കർശനമാക്കുന്നതിന്റെ ഭാഗമായാണ് ഉത്തരവ്.
Content Highlight: Jantar Mantar Protest: CJP Demands Dharmendra Pradhan Resignation, JP Nadda Calls for Parliament Debate on Paper Leak
#Jantar Mantar #Paper Leak #Dharmendra Pradhan #CJP #JP Nadda #NEET #Education Ministry
